2 Cr 15:3 - Chuj San Sebastian Bible

³ An̈ chon̈b' israel on̈ec tic, niwn tiempo 'ix b'ey coti to man̈xoc jun Dios caw yel 'aych quet'ec, man̈x 'a eb' ya'mal 'och qui ti 'a Dios tzcuywji, man̈x 'a pax cuynb'il.

Chuj San Mateo Bible

³ Nivanxo tiempo to man̈xooc Dios te yel ayoch qued'oc, man̈xa eb' sacerdote tz'ac'an c'ayb'ub'al, man̈xa ley.

2 Cr 15:3 ပူးပေါင်းရင်းမြစ်များ

2 Cr 17:7

Yoxl ab'il xo yoch reyal, schecn 'at jun tzo'n̈ eb' niwc yajl yaji: Atn Ben-hail, Abdías, Zacarías, Natanael, yet' Micaías, yic tz'at cuyxc eb' 'anma 'a yol yic Judá cha.

Nehemías 8:9

Ax Nehemías gobernador yet' Esdras ya'mal 'och sti eb' 'anma 'a Dios, cuywjum paxi, yet' eb' levita cha, xyaln eb' 'ixtc 'a smasnil eb' chon̈ab': A jun c'u tic yic Jehová qui Diosal yaji, man̈ ex cusoc, man̈ ex 'oc'oc, xchi eb' 'a eb', yujto a smasnil eb' chon̈ab', tz'oc' eb' yab'n tas tzyal ch'an̈ ley cha.

Jeremías 10:10

A Jehová, atn jun Dios pitzan, caw Rey 'a jun 'ejmn̈ej. A yic tzcot yowal, caw tz'ib'x lum lum tic yu'uj. Man̈xtzac stac' ste'wtzan sb'a jun tzo'n̈ nacion̈ 'a yowl sc'ojl cha.

Lm 2:9

A jun chon̈b' cha, man̈x 'a spuertail, wecchjnacx yijl 'aychi. Choc' x'ajcn smasnil, toxn̈ej tzicn can 'at 'a sat lu'um. Ax win rey yet' smasnil eb' 'ay yopiso yet' winac, scal eb' chuc chon̈b'al 'aj 'ayx 'ec' eb'; ata' man̈x 'a sley Dios 'a sat eb' 'anma cha. Ax eb' schecb' Jehová, man̈x 'a xon tas tz'ajx yojcoc 'el eb' yu'uj.

Os 3:4

'Ixta pax eb' wit israelal, to najtl tiempo 'oj can eb' 'a may sreyal, may syajlil eb' tztan̈wni, man̈x 'a xajmb'al eb' 'oj yac' 'a Dios, man̈x 'a eb' q'uen q'uen wach' yilx tzsay eb', man̈x 'a te spichl eb' ya'mal 'och sti eb' 'a Dios tzb'o'o, man̈x 'a pax yechl junc comn dios 'ayc' 'a yol yatut junjn eb'.

Lv 10:11

Yowlal tze cuy pax eb' eyit israelal 'a jun tzo'n̈ ley xwac' yal Moisés 'ayex, xchi 'a Aarón.

Lv 10:8

'Ix yaln pax Jehová 'a Aarón 'ixtic:

Am 8:11

An Jehová in, an tzwala: 'Ay jun c'ual, 'oj wa' cot wejl 'a yolyib'n̈q'uinl tic: Man̈ wejloc yuj tas tzc'uxxi yet' yuj tas tz'u'x yuj tacn̈ti'al, palta wejl yuj snib'x 'ab'xoc in paxti'.

Miqueas 3:11

A eb' juez yaj 'a yol chon̈ab', man̈ wach'c tzyutj eb' sb'onyaj junc 'anma', tzchaj eb' q'uen c'ultac tumin. An̈jtona eb' tz'a'n 'och qui ti 'a Dios, yujn̈ej schan eb' tumin, yuj cha, tzcuywj eb'. 'Ixta pax eb' tzyalch sb'a schecb'oc Dios, yujn̈ej schan eb' tumin, yuj cha, tzyaln eb' tas tz'aj 'el'ch junc mach. Tzyaln pax eb' to 'aych Dios yet' eb', yuj cha, tzyaln eb' 'ixtic: A Jehová 'aych quet'ec, yuj cha, may yailal 'oj 'ec' 'a quib'n̈ec, xchi cob' eb'.

Malaquías 2:7

A wal yopiso eb' ya'mal 'och sti eb' 'anma 'ayin, to tzcuyx eb' 'anma yuj eb', sec tzin yojquej 'el eb'. Smoj ton wal sc'och smasnil eb' 'anma 'a eb', sec tzchaj eb' cuynb'il 'a eb', yujto a eb' cha, in checb' yaj eb' an Jehová in, tztac' wuj smasnil.

Jn 17:3

Caw yel cojn ach Dios ach, a eb' 'ojtnac ach, an̈jtona yojc in pax eb' an checb'iln cot oj tic, atn eb' chi 'ay sq'uinl 'a jun 'ejmn̈ej.

Ro 2:12

Jantcn̈ej eb' man̈ 'ojtnacoc ley yic Moisés, toto maysch'olnil sb'eyb'al eb', 'oj 'ajx can 'at eb' 'a chaml 'a jun 'ejmn̈ej. Man̈ yujoc jun ley cha, ax yajx can 'at eb'. Palta a jantcn̈ej eb' 'ojtnac jun ley cha, toto an̈ja maysch'olnil sb'eyb'al eb', yujn̈ej jun ley cha, ax sb'eyc'ojlax eb'.

1 Co 9:21

Ax yic 'ayn 'ec' 'a scal eb' man̈ israeloc, eb' man̈ 'ayc 'och snab'en 'a jun ley cha, lajn tzwutj in nab'en yet' eb', sec 'ay eb' tzmontchj wu'uj. Palta smasnil tiempo, yowlal tzin yicljn̈ej sley Dios, yujto 'aych in nab'en 'a sley Cristo ticnec.

Dt 33:10

Tzyac' eb' cuyxoc a ley 'a scal eb' yit chon̈ab', atn eb' yin̈tl Jacob, ax yaln pax eb' 'a scal eb' yit israelal. A eb' tz'a'n tz'a incienso 'a ojltac, ax ya'n pax tz'a eb' no xajmb'al to tz'a smasnil 'a yib'n̈ yet'l xajmb'al.

1 Ts 1:9

Yujto smasnil eb', wan laj yalnc eb' eyab'xil, chajtlto wach' e chajnacn̈ on̈, yic quec' 'ayx on̈. Wan yaln pax eb', chajtl eyutjnac eyactn can jun tzo'n̈ eyaljnac 'och e diosaloc, eyamn 'och eya'n servil Dios pitzan, atn Dios caw yel.

1 Ti 3:2

'Oj wala', tas yowlal tzb'eylb'ej eb' tz'och yopiso cha. Yowlal wach' sb'eyb'al eb' sec matz tac' yajx queja eb'. Yowlal junn̈j yistl junjn eb'. Yowlal caw te'n tzyutj eb' snab'en, tzya'n cuenta sb'a eb'. Yowlal wach' tzyutj eb' sb'eyb'al 'a sat eb' yit 'anma'il, 'ela tzyutj sb'a eb' 'a eb' tzlaj 'ec' 'a 'a. Yowlal wach' tzyutj eb' scuyn eb' yit creyenteal.

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.