2 Cr 15:17 - Chuj San Sebastian Bible

¹⁷ Wach'xam ma'ix yij 'el jun tzo'n̈ smacsej eb' 'anma 'a jolmctac witz 'a yol yic Israel, palta a Asa caw ste'wtzej sb'a syiclni Jehová.

Chuj San Mateo Bible

¹⁷ Vach'chom maj yiq'uel juntzan̈ lugar vin̈ yic ejmelal b'ajtac chaan̈ d'a Israel, palta c'anab'ajumn̈ej ix yutej sb'a vin̈ d'a Jehová.

2 Cr 15:17 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 11:4

A yic x'och Salomón 'ichm wincal, ax eb' 'ix yistl chi x'i'n 'at snab'en 'a jun tzo'n̈ xo comn dios, yuj cha, man̈xtoc xya'ch snab'en si'mb'il 'a Jehová sDiosal, 'icha ya'jnac David, atn smam.

A Ch'an̈ B'ab'el Libro Yic Yab'ixal Eb' Rey 22:43

A win Josafat cha, wach' xyutj win sb'eyb'al 'icha yutjnac smam, atn win Asa. A 'a sat Jehová, tojl xyutj win sb'on smasnil tas. Cojn b'i'an to ma'ix yij 'el win jun tzo'n̈ yet'l smacsej eb' 'anma 'a jolmctac witz, atn 'aj tzyac' eb' xajmb'al yet' 'aj sn̈us eb' incienso.

A Ch'an̈ Schab'il Libro Yic Yab'ixal Eb' Rey 12:3

Palta b'i'an, ma'ix 'ijx 'el jun tzo'n̈ macsej 'a yet'l 'a jolmctac witz yu'uj, an̈ja to ya'n eb' 'anma xajmb'al, tzn̈usntz'a eb' incienso ta'.

A Ch'an̈ Schab'il Libro Yic Yab'ixal Eb' Rey 14:4

Ma'ix yij pax 'el jun tzo'n̈ macsej 'a yet'l 'a jolmctac witz, an̈ja to ya'n eb' 'anma xajmb'al, tzn̈usntz'a pax eb' incienso ta'.

2 Cr 15:16

An̈jtona', 'ix yi'n 'el Asa chi sb'inab'ilal snun chichim, atn 'ix Maaca, yujto ya'jnac b'o 'ix jun yechl comn dios Aserá. Ax Asa cha, caw choc' 'ix yutj jun yechl cha, ax 'a sti a Cedrón, ata xit' yac' tz'a'oc.

2 Cr 15:18

'Ix ya'n 'och jun tzo'n̈ q'uen 'a yol yatut Dios, atn q'uen oro, q'uen plata, yet' jun tzo'n̈ xo yamc'ab' xyac' 'a Jehová, yet' q'uen xyac' pax smam.

2 Cr 17:6

'Ix ya'n 'och wal 'a sc'ojl sb'eylb'an sb'eyb'al Jehová, xyi'n 'el smacsej eb' 'anma 'a jolmctac witz, yet' smasnil jun tzo'n̈ yechl comn dios Aserá 'a yol yic Judá.

2 Cr 20:32

A Josafat, caw 'ix sb'eylb'ej sb'eyb'al smam, atn Asa. A smasnil tas x'el sb'oni, caw tojl 'a sat Jehová.

2 Cr 20:33

Palta b'i'an, ma'ix yij 'el jun tzo'n̈ macsej 'a jolmctac witz yujto man̈ smasnilc eb' chon̈b' te'n xo snab'en yoch tza'n 'a spatquil sDiosal yet' smam yicham.

2 Cr 28:4

An̈jtona', 'ix ya'n xajmb'al, 'ix ya'n pax tz'a incienso 'a jun tzo'n̈ macsej 'ay 'a jolmctac witz, yet' 'a lum tzalan, yet' pax 'a yich eb' te te pim xi'il.

2 Cr 33:17

Palta b'i'an, a eb' chon̈b' cha, an̈ja ya'n eb' xajmb'al 'a jun tzo'n̈ macsej 'a jolmctac witz, wach'xam a 'a Jehová sDiosal eb' tzyac' yalni.