2 Cr 15:15 - Chuj San Sebastian Bible

¹⁵ Smasnil eb' yic Judá, caw 'ix tzalj eb' yuj sti eb' xyac' cha, yujto smasnil sc'ojl eb' xyac' sti', 'ix 'el wal 'a sc'ojl eb' ya'n servil Dios. 'Ix 'ilchj wal scolwal yuj eb', yujto a Jehová 'ix yac' junc'ojlal 'a eb' yet' eb' cajn 'a sla'nil eb'.

Chuj San Mateo Bible

¹⁵ Masanil eb' ay d'a smacb'en Judá chi' ix tzalaj val eb' yuj b'aj ix yac' sti' chi' d'a smasanil sc'ool, ix el val d'a sc'ol eb' yac'an servil Jehová. Yuj chi' ix colvaj Jehová chi' yed' eb', junc'olal ix aj eb' yed' masanil chon̈ab' ay d'a slac'anil.

2 Cr 15:15 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 23:3

'Ix 'och lin̈n win rey 'a stz'ey jun 'oy, 'ix ya'n sti 'a yojltac Jehová, to 'oj 'och tza'n eb' yu'uj, ax syiclni eb' smasnil schecnb'il yic trato tz'ib'b'il can 'a ch'an̈ libro cha. An̈jtona eb' chon̈b' chi smasnil 'ix yac' eb' sti', to 'oj syiclc pax eb'.

1 Cr 16:10

Tzalj coyc yuj tas yaji, tzalj coyc yuj Jehová, yujto tzca'c 'och qui c'ojl 'a 'a.

2 Cr 11:16

Ax pax jun tzo'n̈ xo eb' caw yel 'aych wal 'a snab'en yaln sb'a 'a Jehová sDiosal smam yicham, 'ix 'och tza'n eb' yuj eb' levita, 'ix jaw eb' 'a Jerusalén yic tzya'n eb' xajmb'al 'a 'a.

2 Cr 14:6

'Ix ya'n b'o jun tzo'n̈ chon̈b' to 'aych smuroal 'a yol yic Judá, yujto 'ay junc'ojlal 'a jun tiempoal cha. Man̈x 'a 'aj 'ix 'at eb' 'a junc owal, yujto a Jehová 'ix 'a'n junc'ojlal 'a eb'.

2 Cr 14:7

Yuj cha, 'ix yaln 'ixtc 'a eb' 'aj Judá cha: Quib'oc chan̈ jun tzo'n̈ chon̈b' tic, tzqui b'onec pax 'och smuroal 'a spatquil, storreal yet' spuertail; a q'uen hierro tz'och yipnub'oc ya' sb'a a qui nacion̈ec tic 'ayc' 'a yol qui c'ab'ec. Yujto xca'c 'och 'a qui c'ojlec calnec qui b'a 'a Jehová qui Diosalec, yuj cha, a x'a'n junc'ojlal 'ayn̈ec yet' smasnil eb' cajn 'a qui tz'eyec, xchi. Yuj cha, caw wach' 'ix 'aj sb'o jun tzo'n̈ cha.

2 Cr 15:12

Xlajw cha, 'ix ya'n eb' sti', to a Jehová sDiosal eb' yet' smam yicham, cojn 'oj yac' servil eb' 'a smasnil sc'ojol, yet' 'a smasnil snab'en.

2 Cr 15:14

'Ix 'el yaw eb' yuj tzaljc'ojlal ya'n sti 'a Jehová, tzyutz'n eb' trompeta yet' no cacha.

2 Cr 15:2

'Ix 'elt wul scha win Asa, 'ix yaln 'a 'ixtic: 'Ab' tas 'oj wal 'aych mamin Asa, yet' e masnil ex wit chon̈b' 'aj Judá, yet' ex yin̈tl Benjamín. A Jehová 'aych ton wal quet'ec, toto a wal yet' 'ayn̈ec 'ochi. Toto tzcalc qui b'a 'a 'a, 'oj yab' tas tzcalec. Palta toto 'oj cactquec cani, 'oj on̈ yactc can paxi.

2 Cr 15:4

Palta a yic 'ix jaw yailal 'a quib'n̈ec, 'ix qui jelnec qui b'eyb'al 'a Jehová qui Diosal, 'ix calnec qui b'a 'a 'a, caw 'ix ta'w 'ayn̈ec.

2 Cr 15:6

'Ay 'anma tzyac' lajwc junc xo yit 'anma'il, 'ay pax jun tzo'n̈ chon̈b' tzyac' lajwc yit chon̈b'al, yujto a Dios tz'a'n somchjc 'el snab'en eb' yuj junjn macn̈ yailal.

2 Cr 19:3

Palta b'i'an, 'ayt wal jun tzo'n̈ xo tas wach' to yoch a wach'loc, yujto 'ix ej 'el jun tzo'n̈ sch'oxnb'il comn dios Aserá 'a yol a nacion̈ tic, 'ix a'ch wal 'a a c'ojl a'n servil Dios, xchi Jehú 'a 'a.

2 Cr 20:30

Caw 'ay junc'ojlal 'a yol smacb'en Josafat, yujto a Dios x'a'n junc'ojlal 'a snan̈l yet' jun tzo'n̈ xo nacion̈ 'ay 'a stz'ey.

2 Cr 29:10

A ticnec, tox xin nalb'ej in b'on in trato yet' Jehová qui Diosalec an̈ israel on̈c tic, sec wach' tzyij 'el yowl sc'ojl 'a quib'n̈ec.

2 Cr 29:36

Caw 'ix tzalj Ezequías yet' smasnil eb' chon̈ab', yuj tas 'ix sb'o Dios yet' eb' chon̈b' cha, yujto yajn̈ej x'el'ch smasnil tas 'ix b'o'i.

2 Cr 34:31

'Ix 'och lin̈n win rey 'a stz'ey jun niwquil 'oy. 'Ix sb'on pax strato yet' Jehová, chajtlto 'oj syiclc sb'eylb'an schecnb'il Jehová, scuynb'il, yet' sley. 'Oj syiclc 'a smasnil sc'ojol, 'a smasnil snab'en, ax ya'n 'och 'a yopiso 'icha yaj stz'ib'x can jun trato chi 'a ch'an̈ libro cha.

Nehemías 8:9

Ax Nehemías gobernador yet' Esdras ya'mal 'och sti eb' 'anma 'a Dios, cuywjum paxi, yet' eb' levita cha, xyaln eb' 'ixtc 'a smasnil eb' chon̈ab': A jun c'u tic yic Jehová qui Diosal yaji, man̈ ex cusoc, man̈ ex 'oc'oc, xchi eb' 'a eb', yujto a smasnil eb' chon̈ab', tz'oc' eb' yab'n tas tzyal ch'an̈ ley cha.

Job 34:29

Toto a Dios may tas tzyala, ¿mach wal junc tztac' ya'n 'och 'a yib'an̈? Q'uinloc pax tzcub'j 'el sb'a Dios 'a eb', ¿mach wal junc 'oj stac' yilni? A Dios lajnn̈ej yel'ch yopiso 'a yib'n̈ junjn nacion̈ yet' 'a yib'n̈ junjn 'anma'.

Salmos 119:10

'A smasnil in c'ojol tzin 'och tza'n o'oj, yuj cha, man̈ in a cha wi'l in nab'en 'a a checnb'il.

Salmos 119:106

'Ix wac' in ti', to yowlal 'oj in yiclc tas xwala', yuj cha, 'oj in b'eylb'oc jun tzo'n̈ a ley tic, yujto tojl eb'.

Salmos 119:111

A jun tzo'n̈ a paxti 'ix al 'ayin, a chi tzwa'ch yipc in c'ojl 'a smasnil tiempo, yujto a 'a eb' 'aj tzwij in tzaljc'ojlal.

Salmos 32:11

Ex wit 'anmal to wach' e nab'en, 'a'c tzaljoc e c'ojl 'a Jehová, e masnil ex to 'ayx 'och 'a stojlal, b'itnan̈c 'a tzaljc'ojlal.

Ex 24:3

Xlajw cha, 'ix pax 'emt Moisés 'a lum jolm witz cha, 'ix yaln 'a eb' 'anma yuj smasnil checnb'il 'ix yal Jehová. 'Ix ta'w smasnil eb' 'anma chi 'ixtic: —Smasnil tas 'ix yal Jehová, 'oj qui yiclc on̈, xchi eb'.

Pr 3:17

Toto tzqui b'eylb'ej jelnal, caw tzaljc'ojlal tzon̈ 'eq'ui; 'ay pax qui junc'ojlal yu'uj.

Is 26:8

Mamin Jehová, an̈ tic on̈ caw wal tzqui b'eylb'ej jun tzo'n̈ b'eyb'al tzyal a ley. A wal tas tzqui nib'ej, to nab'ilchn̈ej cuj on̈.

Is 45:19

An tic, man̈ c'ultacloc tzin paxtini, man̈oc pax 'a q'uic'q'uinl 'a yol lum 'aj tzwala. May tas waljnac 'a eb' yin̈tl Jacob 'ixtic: Saynec 'ec' 'a nab'an̈ej, man̈ xin chic 'a eb'. An Jehová in tic, an̈j tas yel, yet' tas tojol, an̈j tzwala, xchi Dios.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

Dt 26:11

Tzlajw cha, tze nan junc q'uin̈ yet' eb' eyunnal, yuj smasnil tas tzyac' Jehová qui Diosalec 'ayex. Tzeyawtn cot eb' yin̈tl Leví eyet' 'a jun e tzaljc'ojlal cha, yet' pax eb' chuc chon̈b'al 'ayc' 'a e cal.

A Scarta San Pablo D'a Eb' Aj Filipos 1:23

Matz nachj 'el wu'uj, 'aja wal junc wach'. Tzin nib'j tzin chami, sec tztac' tzin c'och mu'c 'a 'aj 'ayc' Cristo, yujto yel xo wach' wic 'ixta'.

Josué 23:1

Niwn xo tiempo scan eb' israel 'a junc'ojlal yuj Jehová yet' eb' 'ajc'ojol, ax yic caw 'ichm winc xo Josué,

Josué 24:25

A 'a jun c'u cha, ata 'ix tzjucb'tzej Josué eb' chon̈ab' yic tzb'on eb' jun strato yet' Jehová 'a lum Siquem. Ata xyac' jun tzo'n̈ checnb'il yet' jun tzo'n̈ ley 'a eb'.