2 Cr 14:9 - Chuj San Sebastian Bible

⁹ 'Ix cot Zera sreyl Etiopía yac' owl yet' eb'. 'Ix jaw eb' 'a chon̈b' Maresa, jun miyon̈ soldado ajun yet'oc, yet' 'oxe ciente caruaje yic owal.

Chuj San Mateo Bible

⁹ Ix cot vin̈aj Zera sreyal Etiopía yed' jun millón soldado yed' 300 carruaje yic oval, ix javi eb' d'a Maresa.

2 Cr 14:9 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 19:9

Ata 'ix yab' win rey cha yalxi, to a win Tirhaca sreyl Etiopía to wan scot win yet' eb' soldado wul yac' owl yet'oc. Yuj cha, 'ix schecn pax 'at win rey chi eb' schecb' jun 'ejm xo 'a win rey Ezequías 'a Judá, xyaln 'at 'ixtic:

2 Cr 14:10

Xlajw cha, 'ix 'elt rey Asa yic tzchan sb'a yet'oc, axta xc'och yet' eb' soldado yac' owl yet' Zera chi 'a lum pan̈n 'a'lic Sefata, 'a sla'nil Maresa cha.

2 Cr 16:8

¿Tom ma'ix ela, to a eb' etíope yet' eb' libio, man̈x jantcoc soldado 'ix syam sb'a yuj eb', caw niwn caruaje yic owal, niwn pax soldado 'ay q'ue 'a yib'n̈ chej? Palta b'i'an, yujto a Jehová 'ix a'ch yipc a c'ojol, yuj cha, xya'n 'och eb' 'a yol a cab'.

Is 18:2

Tzlaj ya't eb' schecb' yet' te barco 'a yib'n̈ a niwn a tzcuch Nilo, tz'at eb' 'a yib'n̈ a yet' te' barco b'ob'il 'a te chay'aj. Ex checab', meltzjan̈c 'a e chon̈ab', atn 'aj niwc stel eb' 'anma', eb' n̈el-li stz'umal sniwnal, eb' caw wal tec'an, atn eb' 'ay smay 'a yib'n̈ jun tzo'n̈ xo chon̈ab'. Tzlaj 'em jun tzo'n̈ chon̈b' yuj eb'. Ata cajn eb' 'a lum lum pojquixtac yaj yuj a niwc a'.

Ez 30:5

A 'a jun owl cha, 'oj cham eb' soldado tojb'il cotnc 'a Etiopía, Libia, Lidia, smasnil eb' chon̈b' yic Arabia, Cub, yet' jun chon̈b' 'ay strato yet'oc.

Am 9:7

A Jehová chi tzaln 'ixtic: Ex israel, lajn ex 'a in sat 'icha eb' 'aj Etiopía. 'Icha wal wutjnac wi'n cot eb' e mam eyichm 'a Egipto, 'ixta pax xwutj wi'n cot eb' filisteo 'a Creta, yet' eb' arameo 'a Kir, xchi.

Miqueas 1:15

A Jehová a tzaln 'ixtc 'a eyib'n̈ ex cajn 'a chon̈b' Maresa: 'Oj wa'ch e chon̈b' 'a yol sc'ab' eb' 'ajc'ojol, ax eb' yajl to caw b'inab'il 'a scal eb' israel, 'oj 'at sc'ub'c 'el sb'a eb' 'a yoltc n̈aq'uen 'a sla'nil Adulam.

Apoc 16:14

A 'oxwn̈ eb' demonio cha, checb' yaj eb' yic tzch'oxn eb' jun tzo'n̈ milagro. X'at eb' yac' syam sb'a jantcn̈ej eb' niwc yajl 'a smasnil yolyib'n̈q'uinal, yic tzya'n eb' owl 'a yic jun c'u niwn yel'ch yic Dios, atn Dios tztac' yuj smasnil.