2 Cr 14:7 - Chuj San Sebastian Bible

⁷ Yuj cha, 'ix yaln 'ixtc 'a eb' 'aj Judá cha: Quib'oc chan̈ jun tzo'n̈ chon̈b' tic, tzqui b'onec pax 'och smuroal 'a spatquil, storreal yet' spuertail; a q'uen hierro tz'och yipnub'oc ya' sb'a a qui nacion̈ec tic 'ayc' 'a yol qui c'ab'ec. Yujto xca'c 'och 'a qui c'ojlec calnec qui b'a 'a Jehová qui Diosalec, yuj cha, a x'a'n junc'ojlal 'ayn̈ec yet' smasnil eb' cajn 'a qui tz'eyec, xchi. Yuj cha, caw wach' 'ix 'aj sb'o jun tzo'n̈ cha.

Chuj San Mateo Bible

⁷ Ix yalan vin̈ d'a masanil eb' anima icha tic: Co b'oecq'ue juntzan̈ chon̈ab' tic, tz'ochpax smuroal d'a spatictac. Sco b'oanpax b'aj stan̈vej eb' soldado d'a yib'an̈ smuroal chi' yed' spuertail tz'ec' c'atan q'uen hierro syamnub'oc, yujto ayec' co chon̈ab' tic d'a yol co c'ab'. Icha chi' yaji yujto sco c'anab'ajej Jehová co Diosal. A' ix ac'an junc'olal d'a co cal yed' masanil eb' ay d'a co lac'anil tic, xchi vin̈. Yuj chi' te vach' ix aj sb'oelc'och munlajel chi'.

2 Cr 14:7 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 15:23

A jancto yab'xil win Asa yet' tas sb'o'o, yab'xil sjelnal winac, yet' eb' lum chon̈b' xlaj sb'o chan̈ winac, ata tz'ib'b'il can 'a ch'an̈ libro yic yab'xil eb' sreyl Judá. Ax yic x'och win 'ichm wincal, 'ix 'och syailal, a yoc 'ix 'och syab'il.

1 Cr 28:9

Ach xo tic ach wunnal Salomón, 'ojquej 'el wal qui Diosal, 'ac' servil 'a smasnil a pixan, mun cab' wal tz'el 'a a c'ojol, yujto a Jehová yojc smasnil tas 'ay 'a qui pixan, tznachj 'el pax yu'uj tas 'ay 'a qui nab'en. Toto 'oj al a b'a 'a 'a, 'oj ta'wc 'ayach, palta toto 'oj e'cn 'el a b'a 'a 'a, 'oj ach spatquilc can 'el 'a jun 'ejmn̈ej.

2 Cr 14:4

'Ix yaln pax 'a eb' yic Judá, to tzyal sb'a eb' 'a Jehová, atn sDiosal smam yichm eb', yowlal tzyiclj eb' sley yet' schecnb'il.

2 Cr 14:6

'Ix ya'n b'o jun tzo'n̈ chon̈b' to 'aych smuroal 'a yol yic Judá, yujto 'ay junc'ojlal 'a jun tiempoal cha. Man̈x 'a 'aj 'ix 'at eb' 'a junc owal, yujto a Jehová 'ix 'a'n junc'ojlal 'a eb'.

2 Cr 15:15

Smasnil eb' yic Judá, caw 'ix tzalj eb' yuj sti eb' xyac' cha, yujto smasnil sc'ojl eb' xyac' sti', 'ix 'el wal 'a sc'ojl eb' ya'n servil Dios. 'Ix 'ilchj wal scolwal yuj eb', yujto a Jehová 'ix yac' junc'ojlal 'a eb' yet' eb' cajn 'a sla'nil eb'.

2 Cr 17:13

Til wal tas tzc'uxx molb'il yuj 'a jun tzo'n̈ chon̈b' 'a yol yic Judá cha. 'Ay pax soldado caw jeln 'ayc' yuj 'a Jerusalén.

2 Cr 17:17

Ax Eliada, a yajl yaj 'a yib'n̈ eb' soldado yic yin̈tl Benjamín, caw jeln ya'n owl yet' chab' ciente mil soldado, yet' eb' sjul-lab', yet' eb' smacl sat jul-lab'.

2 Cr 20:30

Caw 'ay junc'ojlal 'a yol smacb'en Josafat, yujto a Dios x'a'n junc'ojlal 'a snan̈l yet' jun tzo'n̈ xo nacion̈ 'ay 'a stz'ey.

2 Cr 25:5

Xya'n Amasías chi syam sb'a smasnil eb' winc yic yin̈tl Judá, yet' eb' yic yin̈tl Benjamín, eb' junc'l ab'il sq'uinal yet' 'a yojltac. 'Ix 'ajx syam sb'a junjn macn̈ eb', a tzyal yin̈til eb'. X'ajx 'och eb' yajl 'a yib'n̈ junjn mil yet' 'a yib'n̈ junjn ciente. A x'aj sb'isl eb', 'ay 'oxe ciente mil eb' soldado lista yaj s'at 'a owal, tztac' sc'anlb'an eb' lanza yet' smacl sat jul-lab'.

2 Cr 26:13

'Ay pax junx 307,500 soldado, caw lista yaj s'at 'a owal. Caw wal jeln eb', caw 'ay yip eb', yic tzcolwj eb' yet' win rey yic tzya'n win owl yet' eb' 'ajc'ojol.

2 Cr 32:5

'Ix yac' Ezequías 'ip sb'on chan̈ smuroal chon̈b' 'aj mac'b'il 'ejm lan̈chjoc, yet' jun tzo'n̈ torre 'aj tztan̈wx chon̈ab', yet' junx muro 'a spatquil 'eli. Xya'n pax 'och yip muro 'aj ton̈j lan̈b'il 'a Schon̈b' David. An̈jtona', caw niwn jun tzo'n̈ espada yet' smacl sat jul-lab' sb'o'o.

2 Cr 8:5

An̈jtona', 'ix sb'on pax chon̈b' Bet-horón 'a yib'n̈ q'ueta', yet' pax Bet-horón 'a yaln̈ 'ejmi, xya'n 'och smuroal sti jun tzo'n̈ chon̈b' cha, x'och spuertail, x'och q'uen q'uen yipnub'oc spuertail cha.

Jn 9:4

Yowlal tzin b'o smunljel jun mach checjnacn coti, ya' sb'a 'ayt c'u. Yujto a yic tox x'at c'u, man̈x 'a mach tztac' smunlji.

A Tas Sc'ulejnac Eb' Schecab' Jesús Hechos 9:31

'Ixta to b'i'an, 'ix 'och wan jun owl chi 'a yib'n̈ eb' creyente smasnil 'a Judea, 'a Galilea, yet' 'a Samaria. Caw xlaj 'och ste'nal eb'. 'Ay xiwc'ojlal eb' 'a Cajlil. 'Ix 'och Yespíritu Dios yet' eb'. Yuj cha, 'ix niwtj chan̈ sb'isl eb'.

Josué 23:1

Niwn xo tiempo scan eb' israel 'a junc'ojlal yuj Jehová yet' eb' 'ajc'ojol, ax yic caw 'ichm winc xo Josué,

A Sb'ab'el Carta San Pedro 3:12

A Jehová a tztan̈wni eb' 'anma wach' sb'eyb'al, tzmaclni pax yab' tas tzyal eb', yic tzyaln sb'a eb' 'a 'a, palta 'ay cot yowl sc'ojl 'a yib'n̈ eb' tzb'on maysch'olnil, xchi 'a Ch'an̈.