2 Cr 14:6 - Chuj San Sebastian Bible

⁶ 'Ix ya'n b'o jun tzo'n̈ chon̈b' to 'aych smuroal 'a yol yic Judá, yujto 'ay junc'ojlal 'a jun tiempoal cha. Man̈x 'a 'aj 'ix 'at eb' 'a junc owal, yujto a Jehová 'ix 'a'n junc'ojlal 'a eb'.

Chuj San Mateo Bible

⁶ A Jehová ix ac'an junc'olal d'a scal eb', malaj b'aj ix yac' oval eb', yuj chi' ix schec vin̈aj Asa chi' b'ochajq'ue juntzan̈ chon̈ab' d'a yol yic Judá chi', ix laj och smuroal.

2 Cr 14:6 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 5:4

Ax ticnec, a Jehová in Diosal, a 'ix 'a'n junc'ojlal 'a smasnil lugar, yuj cha, man̈x 'a junc 'ajc'ojol, may junc maysch'olnil 'aj tzon̈ xiw on̈.

1 Cr 22:13

Wach'n̈j 'oj 'el'choc smasnil, toto tza ya'ilj a yiclni scuynb'il, yet' sley 'ix yac' 'a Moisés cu'uj. ¡Te'n tzotj a b'a, 'ac' ep, man̈ ach xiwoc, man̈ a chab'c'ojloc pax a b'a!

1 Cr 22:9

Palta 'ay jun onnal 'oj 'aljoc, may owl 'oj sb'o', yujto an 'oj wa'cn 'och smasnil eb' 'ajc'ojl 'a junc'ojlal yet'oc. Salomón 'oj sb'ioc. A 'a yol stiempoal, an 'oj wac' junc'ojlal yet' tzaljc'ojlal 'a yib'n̈ in chon̈b' Israel.

2 Cr 15:15

Smasnil eb' yic Judá, caw 'ix tzalj eb' yuj sti eb' xyac' cha, yujto smasnil sc'ojl eb' xyac' sti', 'ix 'el wal 'a sc'ojl eb' ya'n servil Dios. 'Ix 'ilchj wal scolwal yuj eb', yujto a Jehová 'ix yac' junc'ojlal 'a eb' yet' eb' cajn 'a sla'nil eb'.

2 Cr 17:4

palta a sDiosal yet' smam 'icham, a 'ix yac' servil. 'Ix syiclni schecnb'il, man̈oc sb'eyb'al eb' 'aj chon̈b' Israel 'ix sb'eylb'ej.

2 Cr 20:30

Caw 'ay junc'ojlal 'a yol smacb'en Josafat, yujto a Dios x'a'n junc'ojlal 'a snan̈l yet' jun tzo'n̈ xo nacion̈ 'ay 'a stz'ey.

2 Cr 26:5

Xyal sb'a 'a Dios, a yic pitznto win Zacarías, atn win xcuyn 'a yic Dios, caw niwn yel'ch Dios 'a sat. Ya' sb'a tzyac' servil Jehová, 'ix 'ijx q'ue'ch yu'uj.

2 Cr 31:21

A smasnil jun tzo'n̈ sb'o'o yic sc'anx 'a yatut Dios, 'ix sb'o wal 'a smasnil sc'ojol yet' 'a 'emmquilal 'icha yaln ley yet' checnb'il. Yuj cha, caw wach' 'ix 'el'chi.

2 Cr 34:3

A 'a yic swajxquil ab'il yoch reyal, yic quelm 'unn wali, 'ix schan 'el yich yaln sb'a 'a sDiosal David, atn smam yicham. Ax 'a slajchwil ab'il yoch reyal, syamn 'och satn 'el jun tzo'n̈ tas man̈ wach'c 'a Judá yet' 'a yol chon̈b' Jerusalén. 'Ix ya'n satxoc 'el jun tzo'n̈ macsej 'a jolmctac witz, jun tzo'n̈ sch'oxnb'il comn dios tzcuch Aserá, jun tzo'n̈ yechl to tzeyb'il b'o'oc, yet' pax jun tzo'n̈ yechl to tenb'il b'o'oc.

Job 34:29

Toto a Dios may tas tzyala, ¿mach wal junc tztac' ya'n 'och 'a yib'an̈? Q'uinloc pax tzcub'j 'el sb'a Dios 'a eb', ¿mach wal junc 'oj stac' yilni? A Dios lajnn̈ej yel'ch yopiso 'a yib'n̈ junjn nacion̈ yet' 'a yib'n̈ junjn 'anma'.

Salmos 46:9

'Ix yac' lajwc jun tzo'n̈ owal, masnto 'aj tzlajw c'och yolyib'n̈q'uinl tic; 'ix wecchj can jul-lab' yu'uj, 'ix wecchj can pax jun tzo'n̈ lanza, xya'n can 'och sc'a'l jun tzo'n̈ caruaje yic owal.

Josué 23:1

Niwn xo tiempo scan eb' israel 'a junc'ojlal yuj Jehová yet' eb' 'ajc'ojol, ax yic caw 'ichm winc xo Josué,

Jueces 3:11

A yic xlajw 'ec' jun tzo'n̈ cha, chawinc ab'il xcan eb' israel 'a junc'ojlal, masnto 'a yic xcham Otoniel.

Jueces 3:30

'Ixta 'ix 'aj yem Moab yuj eb' israel. Xlajw cha 80 ab'il 'ix can eb' 'a junc'ojlal.

Jueces 5:31

Mamin Jehová, 'ixta cab' wal tz'aj satl eb' 'aych 'ajc'ojlal chi 'ayach, ax eb' tzach chamc'ojlani, 'icha cab' stzictznil yoc c'u, 'ixta cab' yilx eb', xchi 'ix Débora chi yet' win Barac 'a sb'it. A yic xlajw ye'cn jun tzo'n̈ owl cha, chawinc ab'il x'ochcn junc'ojlal 'a chon̈b' Israel.