2 Cr 13:11 - Chuj San Sebastian Bible

¹¹ Atn eb' tic tz'a'n 'och sc'a'l xajmb'al to tz'a smasnil, yet' incienso yic tz'ajx 'a Jehová 'a junjn sq'uin̈b'ial yet' 'a junjn yemc'ual; tzya'n pax 'ejm eb' 'ixm pan caw wach' 'a sat mexa, jun to cojn Dios 'ay yico'. Ax 'a junjn yemc'ual tzya'n pax 'och eb' sc'a'l cantil 'a yet'l to nab'a oro. An̈ tic on̈, tzqui yiclj schecnb'il Jehová qui Diosal on̈, palta ax xo tic, xeyactj cani.

Chuj San Mateo Bible

¹¹ Aton eb' chi' sn̈usantz'a silab' yed' incienso d'a Jehová d'a junjun q'uin̈ib'alil yed' d'a junjun yemc'ualil. Syac'anpaxem ixim pan eb' te vach' d'a sat mexa ayoch oro d'ay d'a yichan̈ Jehová, syac'anpaxoch sc'ac'al candil eb' nab'a oro d'a junjun yemc'ualil. A on̈ tic sco c'anab'ajej val icha tas syal Jehová co Diosal, palta a exxo tic, ix eyiq'uel e b'a d'ay.

2 Cr 13:11 ပူးပေါင်းရင်းမြစ်များ

Gn 26:5

Yujto a Abraham syicljn̈ej smasnil tas xwala, syicljn̈ej smasnil in checnb'il, yet' in ley, yet' cuynb'il 'ix wac' 'a 'a, xchi Dios 'a Isaac.

2 Cr 13:10

Palta an̈ xo tic on̈, a Jehová qui Diosal on̈, may xon 'aj 'ix cactj can on̈. A jun tzo'n̈ eb' ya'mal 'och qui ti tz'a'n servil Jehová, atn eb' yin̈tl Aarón. Ax eb' tzcolwj yet' eb', atn eb' levita.

2 Cr 2:3

Xlajw cha, 'ix yaln 'at win 'a Hiram sreyl Tiro 'ixtic: ¿Tzac' am te c'ute 'ayin, 'icha otjnac a'n te 'a in mam, atn David, yic sb'on chan̈ yatut 'aj 'ix 'aj cajan?

2 Cr 2:4

A ticnec, to 'oj wac' b'o chan̈ yatut Jehová qui Diosal on̈. 'Oj wa'cn yico'oc, sec ata tz'ajx tz'a perjuma su'q'ui sjab' 'a yojltac, tz'em tzoln 'ixm pan 'a yojltac, tz'ajx tz'a xajmb'al to tz'a smasnil 'a sq'uin̈b'ial yet' 'a yemc'ual, 'a sc'ul 'iljelal, 'a yic tzpac' 'uj, yet' jun tzo'n̈ xo q'uin̈ tznax yic tz'ijx chan̈ sb'i Jehová qui Diosal on̈. 'Ixta tzyal checnb'il 'ac'b'il 'ayn̈ an̈ israel on̈ tic 'a smasnil tiempo.

2 Cr 4:20

jun tzo'n̈ yet'l cantil to nab'a oro, jun tzo'n̈ cantil tz'ajx 'och 'a yojltac jun Lugar to cojn Dios 'ay yico',

Ex 29:38

'A junjn c'u, tza'n tz'a chatcwan̈oc no quelm calnelu junjn ab'il sq'uinl 'a yib'n̈ jun yet'l xajmb'al cha.

Ez 44:15

Palta ax eb' ya'mal 'och sti eb' 'anma 'ayin, atn eb' levita yin̈tl can Sadoc, eb' an̈ja in ya'n servil 'a watut yic xyi'n 'el sb'a eb' et israelal 'ayin, cojn eb' chi 'oj stac' in ya'n pax servil. A eb' 'oj 'ochlc 'a wojltac yet' xepual no noc', yet' schic'l no xajmb'al.

Ez 44:8

Ma'ix eyiclj sleyl tas to wic yaji, palta a 'a yol sc'ab' jun tzo'n̈ chuc chon̈b'al cha, ata xeya'cn eyopiso.

Ez 48:11

A junc'aj lum cha, yic eb' ya'mal 'och sti eb' 'anma yaj lu'um, atn eb' yin̈tl can win Sadoc, yujto an̈ja in ya'n servil eb', ma'in yactj can eb' yic xyi'n 'el sb'a eb' yit israelal eb' chi 'a in tz'ey. Al pax jun tzo'n̈ xo eb' levita jun, 'ix 'och tza'n eb' yuj sb'eyb'al eb' israel cha.

Nm 1:53

A pax eb' levita, ata 'oj 'aj cajn eb' 'a spatquil in cajnub'; a eb' 'oj tan̈wnoc sec wach' ma'oj cot wowl 'a eb' israel, xchi Dios.

Nm 16:46

'Ix yaln Moisés 'a Aarón 'ixtic: —'Ij cot a tz'ab'c'ac', tza'n 'ejm stzac'ac' yic yet'l xajmb'al 'a yojol, tza'n q'ue incienso 'a yib'an̈. Tzlajw cha, tzach 'at mu'c 'a scal eb' 'anma cha, tza c'ann niwnc'ojlal 'a Dios yuj smul eb', yujto tox 'ix cot yowl Jehová 'a yib'n̈ eb', tox 'ix ya' cot jun yab'il to tzcham eb' 'anma smasnil yu'uj, xchi.

Nm 16:6

A tic 'oj e b'o q'uic'an, ex to eyitb'eym e b'a yet' Coré, tzeyij cot e tz'ab'c'ac', tzeya'n 'ejm stzac'ac' 'a yojol, tzeya'n q'ue incienso 'a yib'an̈, tzlajw cha, tzeya'n 'och 'a yojltac Jehová. A mach 'oj si'l Jehová, atn eb' chi to yel ya'mal servil yaji. Ax xo ex wit levitail ex tic, ¡colb' xo eyi'n chan̈ e b'a tic! xchi Moisés.

Nm 9:19

Toto niwn tiempo tz'och wan jun 'asn cha, ax eb' israel cha, tzyicljn̈ej eb' yoch wan ta'.

Lc 1:9

Xya'n 'och ewin suerte 'icha xon sley 'a junjn 'ejem. A 'a yib'n̈ win Zacarías 'ix cani. Yuj cha, x'och win 'a yol yatut Cajlil. Ata sn̈us win incienso caw su'q'ui sjab'.