2 Cr 12:6 - Chuj San Sebastian Bible

⁶ Yuj cha, a eb' yajl yaj 'a yib'n̈ eb' yit israelal, yet' win rey, caw 'emmquilal xyutj eb' yojcan 'el stenmtaquil, xyaln eb' 'ixtic: —Caw smoj 'ixtc tzon̈ yutjec Jehová, xchi eb'.

Chuj San Mateo Bible

⁶ A eb' yajal yaj yed' vin̈ rey chi', emnaquilxon̈ej ix aj yojtacanel spitalil eb', ix yalan eb' icha tic: —Smojton val icha chi' tzon̈ yutej Jehová chi', xchi eb'.

2 Cr 12:6 ပူးပေါင်းရင်းမြစ်များ

2 Cr 12:12

Yujto 'ix yij 'ejm sb'a Roboam, yuj cha, 'ix 'och wan yowl sc'ojl Jehová 'a yib'an̈, ma'ix yac' lajwc smasnil schon̈ab'. Yuj cha wach' 'ix 'el'ch eb' 'aj Judá. 'Ix yij pax Roboam yip 'a yopiso 'a Jerusalén.

2 Cr 21:2

A eb' yu'tac Joram, eb' yunnal Josafat, atn eb' tic: Azarías, Jehiel, Zacarías, Micael, yet' Sefatías. A smasnil eb' tic, yunnal Josafat eb', win sreyl Judá.

2 Cr 32:26

A yic xyi'n chan̈ sb'a Ezequías yet' snab'en cha, ax 'a spatquil xo xyi'n 'ejm sb'a 'a yojltac Dios yet' eb' cajn 'a Jerusalén. Yuj cha, man̈toc 'ix ya' cot Jehová yowl sc'ojl 'a yib'n̈ eb', ya' sb'a pitznto Ezequías cha.

2 Cr 33:12

Palta ax yic xyab'n wal syal cha, 'ix leslwi 'a Jehová sDiosal, xyi'n 'ejm sb'a si'mb'il 'a yojltac sDiosal yet' eb' smam yicham.

2 Cr 33:19

Tz'ib'b'il pax slesal, yet' tas x'aj yo'ch sc'ojl Dios 'a yuj slesl cha. An̈jtona', tz'ib'b'il smasnil smul yet' stenmtaquil, yet' jun tzo'n̈ macsej sb'o chan̈ 'a jolmctac witz yet' 'a 'aj sb'o 'ejm yechl comn dios tzcuch Aserá yet' jun tzo'n̈ xo yechl comn dios, yic mantzac yij 'ejm sb'a 'a Dios. A jun tzo'n̈ cha, ata tz'ib'b'il can 'a ch'an̈ libro yic yab'xil eb' schecb' Dios.

2 Cr 33:23

Palta may xon 'aj 'ix yij 'ejm sb'a 'a yojltac Jehová jun 'ejmoc, 'icha yutjnac yi'n 'ejm sb'a smam.

Job 33:27

Ax yaln 'a sat eb' 'anma 'ixtic: 'Ix 'och in mul, 'ay tas man̈ tojloc xlaj in b'o', palta ma'ix ya'ch Dios in yailal 'icha wal smoj in chani;

Salmos 129:4

palta ax Jehová caw wal tojl snab'en, a 'on̈ colnec 'elt 'a yol sc'ab' eb' maysch'olnil cha, xqui chic cab'i'.

Ex 10:3

Xlajw cha, 'ix 'atx Moisés yet' Aarón 'at yil win rey chi jun 'ejm xo, 'ix yaln pax eb' 'a win 'ixtic: —A Jehová qui Diosal an̈ israel on̈ tic on̈, a tzaln 'ixtc 'ayach: ¿Jantcto wal tiempo 'oj ac' pitb'oc a b'a, yic matz ej 'ejm a b'a 'ayin? 'A'l eb' in chon̈b' tic 'a libre, yic tz'at ya'nc eb' 'emmquilal 'ayin.

Ex 9:27

Yuj cha, xya'n win rey chi 'awtxoc cot Moisés yet' Aarón, xyaln win 'ixtc 'a eb': —'Ix nachj 'el wuj ticnec, chajtlto an 'ay in mul yet' eb' wit chon̈b' tic, al Jehová caw wal tojl yet' tas tzb'o'o.

Jeremías 13:15

Ex wit israelal, caw man̈ eyi' chan̈ e b'a. Macljec wal eyab' tas 'ix yal Jehová.

Jeremías 13:18

'Ix yaln Jehová 'ixtc 'ayin: Al 'a win rey yet' 'a 'ix snun winac, to an tzwal 'ixtic: 'Emn̈ect 'a e despacho. Tzlajw cha, ax 'a sat lum tzex 'em wocan, yujto a jun e corona man̈x jantcoc swach'l yilxi, caw 'oj 'ijxoc 'el 'a e jolom.

Jeremías 44:10

Masnto ticnec, mantzac e jel e b'eyb'al ax tic, caw matz ex xiw jab'oc. Matz eyiclj in checnb'il yet' in ley wa'jnac can 'ayex yet' pax 'a eb' e mam eyicham.

Lm 1:18

A Jehová sb'o wal 'icha tas smoj sb'oni, yujto caw wal tenmtac xcutjec qui b'a 'a schecnb'il. E masnil ex chon̈ab', 'ab'c wal tas 'oj cal on̈, 'iltec wal nab'n yilx qui yailal on̈. A eb' qui quelmtac on̈, yet' eb' 'ix qui cob'stac on̈, tox 'ix 'ijx 'at eb' 'icha presoal.

Dn 5:22

Ach tic mamin rey Belsasar, yixchicn ach jun winc cha, wach'xam ojtac tas 'ajnac, palta matz ej 'ejm xon a b'a jab'oc.

Dn 9:14

Yuj wal chi Mamin, 'ix a'n cot jun yailal tic 'a quib'n̈ on̈. Yujto ach tic qui Diosal, caw tojln̈ej a nab'en 'a yib'n̈ smasnil tas tza b'o'o, palta an̈ xo tic on̈, caw matz qui chaj cab' tas tzal on̈.

Os 5:15

Cojn cha, ax in meltzj mu'c 'a wet'l 'aj 'ayn 'eq'ui, masnto 'oj yojcoc 'el eb' to 'ajmul eb', ax sjaw eb' wul yal sb'a 'ayin. Scal syailal eb', ax yaln sb'a eb' 'ayn 'a smasnil sc'ojol, xchi Dios.

Lc 18:14

An tzwal 'ayex, a win tecm 'el tumn cha, yic mantzac pax win 'a yatut, yajn̈j cha, xyaln Dios to wach' win 'a sat. Palta ax win fariseo cha, ma'ix yal Dios to wach' win 'a sat. Yujto a eb' tzyij chan̈ sb'a, man̈x 'a jac yel'ch 'oj 'aj eb'. Ax eb' tzyij 'ejm sb'a, caw niwn yel'ch 'oj 'aj eb', xchi Jesús.

Ro 10:3

Man̈ yojcoc eb' tas tz'aj eb' yoch wach'l 'a sat Dios. Tznib'j eb' to mun tzya'ch sb'a eb' wach'l 'a sat. Yuj cha, matz chaj 'och wach'l sb'a eb' 'a sat Dios 'a 'icha tznib'ej.

Santiago 4:10

Tzeyij 'ejm e b'a 'a sat Cajlil. Toto 'ixta', a 'oj eyi'n cha'an̈.

Santiago 4:6

Yuj cha, yel xo niwn swach'c'ojlal tzyac' 'ayn̈ec. A Ch'an̈ U'un̈ tzaln pax 'ixtic: A Dios tzchac sb'a yet' eb' b'an̈quintac yeq'ui. Palta ax 'a eb' 'emmquilal yeq'ui, tzyac' swach'c'ojlal 'a eb', xchi.

Jueces 1:7

Yuj cha, xyaln Adoni-bezec 'ixtic: A 'a yic yaln̈taxi, in tzu'jnac 'el snun sc'ab' yet' snun yoc 70 eb' rey, x'och eb' sic' sc'ajl schib'l woch 'a yaln̈ in mexa. 'Icha wal wutjnac eb' rey cha, 'ixta wal xyutj Dios ya'n spac 'ayn ticnec, xchi. Xlajw cha, xyi'n 'at eb' 'a Jerusalén, axta xchami.