2 Cr 12:3 - Chuj San Sebastian Bible

³ 'Ix jaw yet' mil 200 caruaje yic owal, 60 mil soldado 'ay q'ue 'a yib'n̈ chej, yet' nan̈l xo soldado to man̈xtzac stac' sb'isxi, atn eb' xcot yet' 'a Egipto, 'a Libia, 'a Suka, yet' pax 'a Etiopía.

Chuj San Mateo Bible

³ Ix javi vin̈ yed' mil 200 carruaje yic oval yed' pax 60 mil soldado ayq'ue d'a yib'an̈ chej yed' pax jantac eb' vin̈ soldado, man̈xo b'ischajb'enoc eb' vin̈. A eb' aj Libia, eb' aj Suca yed' eb' aj Etiopía ix cot yed' eb' aj Egipto chi'.

2 Cr 12:3 ပူးပေါင်းရင်းမြစ်များ

A Ch'an̈ Schab'l Libro Samuel 10:18

Ax x'aji, 'ix 'atx eb' sirio chi 'elc 'a yojltac eb' israel cha. A eb' xcham yuj David 'a owl cha, uque ciente eb' 'aych 'a yol caruaje yic owal yet' chawinc mil eb' soldado sirio 'ay q'ue 'a yib'n̈ chej. 'Ix smiln pax David win Sobac, atn win syajlil eb' soldado cha, 'ix chamcn win ta'.

A Ch'an̈ Schab'il Libro Yic Yab'ixal Eb' Rey 7:6

Yujto a Jehová 'ix 'a'n yab' eb' sirio 'a scamplamento, 'icha to xc'an̈ yec' jun tzo'n̈ caruaje yic owal, no chej yet' nan̈l soldado. Yuj cha, 'ix laj yal-lanc eb' 'a jun jun, to a sreyl chon̈b' Israel 'ix tojn win sreyl eb' hitita yet' win sreyl Egipto yic tzya'n eb' owl yet' eb' yalni.

2 Cr 14:12

Yuj cha, 'ix ya'n Jehová 'ajxoc ganar eb' etíope yuj Asa yet' yuj eb' yic Judá, 'ix 'at eb' 'elc 'a eb'.

2 Cr 14:8

A Asa cha, 'ay 'oxe ciente mil soldado 'a Judá, 'ay smacl sat jul-lab' yet' eb', yet' lanza. 'Ay pax 280 mil eb' yic Benjamín. A eb' cha, 'ay pax smacl sat jul-lab' yet' eb', 'ay pax sjul-lab' eb'. Caw jeln eb' smasnil.

2 Cr 14:9

'Ix cot Zera sreyl Etiopía yac' owl yet' eb'. 'Ix jaw eb' 'a chon̈b' Maresa, jun miyon̈ soldado ajun yet'oc, yet' 'oxe ciente caruaje yic owal.

2 Cr 16:8

¿Tom ma'ix ela, to a eb' etíope yet' eb' libio, man̈x jantcoc soldado 'ix syam sb'a yuj eb', caw niwn caruaje yic owal, niwn pax soldado 'ay q'ue 'a yib'n̈ chej? Palta b'i'an, yujto a Jehová 'ix a'ch yipc a c'ojol, yuj cha, xya'n 'och eb' 'a yol a cab'.

Is 43:3

An Jehová in, e Diosal in, e colmal waji, Cojxn In Ton e Diosal In. An 'ix wa'ch Egipto, Etiopía, yet' chon̈b' Seba e mannb'iloc.

Ez 30:5

A 'a jun owl cha, 'oj cham eb' soldado tojb'il cotnc 'a Etiopía, Libia, Lidia, smasnil eb' chon̈b' yic Arabia, Cub, yet' jun chon̈b' 'ay strato yet'oc.

Dn 11:43

'Oj 'ijxoc 'at smasnil sricoal Egipto chi yu'uj, 'icha q'uen oro, q'uen plata, yet' jun tzo'n̈ xo q'uen q'uen caw chan̈ stojol. 'Oj 'ijxoc pax 'ec' chon̈b' Libia yet' chon̈b' Etiopía yu'uj.

Nahúm 3:9

Man̈x yalnb'ilc eb' soldado yic Etiopía yet' eb' yic Egipto xcolwj yet'oc, locn eb' 'aj Fut, yet' pax eb' 'aj Libia 'aych yet'oc.

Apoc 9:16

Ax xwab'n sb'isl eb' soldado 'ay q'ue 'a yib'n̈ chej tzmunlj yet' eb' ángel cha, chab' ciente miyon̈ sb'isl eb'.

Jueces 4:13

yuj cha, syamtzan win Sísara chi b'aln̈e ciente scaruaje yic owal, yet' smasnil eb' soldado 'ayc' yet'oc, x'atn̈j eb' 'a Haroset-goim, masnto 'a sti a Cisón.

Jueces 6:5

Yujto yet' eb' smantiado tzc'och eb', yet' eb' swacax, man̈x yalnb'ilc scameyo eb' yet'i. Man̈xtzac b'ischj eb' yet' scajb'en noc', 'icha wal sb'ey tob'tnoc no c'ulub', 'ixta sb'ey eb' yic xc'och eb' 'at satl sb'al lum lum cha.

A Ch'an̈ B'ab'el Libro Samuel 13:5

'Ix syamn pax sb'a eb' filisteo yic tzya'n eb' owl yet' eb'. 'Ay lajn̈schawinc mil scaruaje eb' yic owal, waque mil eb' winc 'ay q'ue 'a yib'n̈ chej, niwnto pax eb' tzb'ey 'a yoc. 'Icha wal yarenail sti a mar, 'ixta eb'. 'Ix cot eb' axta sb'o eb' scamplamento 'a Micmas 'a stojlal 'aj tzq'uel c'u 'a Bet-avén.