2 Cr 12:12 - Chuj San Sebastian Bible

¹² Yujto 'ix yij 'ejm sb'a Roboam, yuj cha, 'ix 'och wan yowl sc'ojl Jehová 'a yib'an̈, ma'ix yac' lajwc smasnil schon̈ab'. Yuj cha wach' 'ix 'el'ch eb' 'aj Judá. 'Ix yij pax Roboam yip 'a yopiso 'a Jerusalén.

Chuj San Mateo Bible

¹² Yujto ix yac'xioch sb'a vin̈aj Roboam chi' d'a yol sc'ab' Jehová, yuj chi' ix och vaan yoval sc'ol Jehová chi' d'a yib'an̈ vin̈, maj satjiel-laj masanil chon̈ab' yuuj, yuj chi' vach' ix ajxican eb' aj Judá.

2 Cr 12:12 ပူးပေါင်းရင်းမြစ်များ

Gn 18:24

Q'uinloc 'ay 50 'anma may smul 'a yol schon̈b' cha, ¿tom 'oj a satl jun chon̈b' cha? ¿Ma'oj 'ac' am niwnc'ojlal eb' yuj eb' 50 may smul cha?

A Ch'an̈ B'ab'el Libro Yic Yab'ixal Eb' Rey 14:13

Ax smasnil eb' chon̈ab', caw 'oj cus eb' yu'uj, ax smucn eb' jun 'unn cha. Yujto cojn jun yin̈tl win Jeroboam chi 'oj mucxoc, cojn jun 'unn chi wach'tac 'a sat Jehová qui Diosalec an̈ israel on̈c tic 'a scal eb' yin̈tl Jeroboam.

2 Cr 12:11

A yic tz'at win rey 'a yatut Jehová tzyi'n 'at eb' tztan̈wni chi jun tzo'n̈ smacnb'il sat jul-lab' cha, tzlajw cha, tzyi'n pax cot eb' 'a yet'l 'a 'aj tztan̈wj eb' cha.

2 Cr 19:3

Palta b'i'an, 'ayt wal jun tzo'n̈ xo tas wach' to yoch a wach'loc, yujto 'ix ej 'el jun tzo'n̈ sch'oxnb'il comn dios Aserá 'a yol a nacion̈ tic, 'ix a'ch wal 'a a c'ojl a'n servil Dios, xchi Jehú 'a 'a.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Is 6:13

Toto 'ayt jaywn̈ocx eb' 'oj can 'a yol schon̈b' cha, ax scha ma'x pax 'ejm schon̈b' eb' chi jun 'ejm xo. Palta 'icha tzyac' te jiy mto te ma'ach', 'a yic tzch'acx 'el te', cojxn te yib' tzcani, 'ixta 'oj 'aj eb'. (Palta a te yib' cha, tzwoln pax te'. 'Icha te yib'te cha, 'ixta eb' in chon̈ab', 'oj in si'cn 'el jaywn̈ocx eb' wico'), xchi Dios.

Lm 3:22

Yujn̈ej schamc'ojlal Jehová, yuj cha, matz on̈ satc 'eli, yujto tz'o'chn̈ej sc'ojl 'ayn̈ec.

Lm 3:33

Wal yel, matz nib'j to tzon̈ ya'c 'och 'a cusc'ojlal mto 'a yailal.

Lm 3:42

'Ix 'och wal qui mul on̈, caw tenmtac xcutj qui b'a 'aych on̈, yuj cha, ma'ix ac' niwnc'ojlal qui mul on̈.

A Sb'ab'el Carta San Pedro 5:6

Yuj cha, 'emmquilal tzcutjec qui b'a 'a yol sc'ab' Dios, yujto caw niwn spoder. Toto 'ixta', niwn xo 'oj cajc 'el'ch yu'uj, yic 'oj jawc stiempoal.