2 Cr 11:5 - Chuj San Sebastian Bible

^5-10 'Ix 'aj cajn Roboam 'a Jerusalén, 'ix sb'on chan̈ smuroal jun tzo'n̈ chon̈b' 'a yol yic Judá: Atn chon̈b' Belén, Etam, Tecoa, Bet-sur, Soco, Adulam, Gat, Maresa, Zif, Adoraim, Laquis, Azeca, Sora, Ajalón yet' Hebrón. A jun tzo'n̈ chon̈b' tic ata 'ay 'a yol yic Judá yet' 'a yol yic Benjamín.

Chuj San Mateo Bible

^5-10 Ix cann̈ej vin̈aj Roboam chi' d'a Jerusalén, ix svach' b'oan smuroal juntzan̈ chon̈ab' vin̈, juntzan̈ ay d'a yol smacb'en Judá yed' Benjamín: Aton Belén, Etam, Tecoa, Bet-sur, Soco, Adulam, Gat, Maresa, Zif, Adoraim, Laquis, Azeca, Zora, Ajalón yed' Hebrón.

2 Cr 11:5 ပူးပေါင်းရင်းမြစ်များ

2 Cr 11:23

Caw wach' 'ix yutj Roboam snab'en, yuj cha, 'ix ya'cn 'at eb' yunnal chi 'a jun tzo'n̈ chon̈b' to 'aych smuroal 'a yol yic Judá, yet' 'a yol yic Benjamín. Til wal tas tzc'uxx 'ix yac' 'a eb', til wal pax yistzil eb' saycn 'och winac.

2 Cr 12:4

'Ix 'ajx ganar jun tzo'n̈ chon̈b' to 'aych smuroal 'a yol yic Judá yu'uj, masnto xc'och eb' 'a Jerusalén.

2 Cr 14:5

An̈jtona', 'ix yi'n pax 'el smacsej eb' 'anma 'a jolmctac witz, yet' pax jun tzo'n̈ yechl 'a jun tzo'n̈ chon̈b' 'a yol yic Judá. Caw 'ay junc'ojlal 'a yol stiempoal win Asa yic xya'n reyal.

2 Cr 16:6

Xlajw cha, 'ix yi'n 'at rey Asa chi smasnil eb' yic Judá yet'oc, 'ix 'at yi'nc cot eb' q'uen q'ue'en yet' te te syam sb'a yuj Baasa yic tzb'on chan̈ smuroal chon̈b' Ramá yalni, ax yet' jun tzo'n̈ chi sb'o smuroal chon̈b' Geba yet' Mizpa.

2 Cr 17:12

A Josafat, caw 'ix yij yip si'mb'il 'a yopiso. 'Ix sb'on chan̈ jun tzo'n̈ chon̈b' yet' smuroal 'a yol yic Judá, yet' jun tzo'n̈ 'aj tzmolx tas tzc'uxxi.

2 Cr 17:2

'Ix ya'n 'och soldado 'a smasnil chon̈b' 'aych smuroal 'a yol yic Judá, 'ix ya'n pax 'och soldado tzcan tan̈wnoc smasnil chon̈b' 'ay 'a yol yic Judá cha, yet' 'a jun tzo'n̈ chon̈b' 'a yol yic Efraín, atn jun tzo'n̈ chi 'ix yijcn 'ec' smam, atn Asa.

2 Cr 21:3

A smam eb' cha, til wal q'uen oro, yet' q'uen plata 'ix siyj 'a eb', yet' jun tzo'n̈ xo tas to chan̈ stojol. 'Ix ya'n pax jun tzo'n̈ chon̈b' caw wach' yajch smuroal 'a yol yic Judá 'a eb', palta a jun 'opiso yic reyal, 'ix yac' 'a Joram, yujto a b'ab'l 'unnab'il yaji.

2 Cr 26:6

'Ix 'at Ozías yac' owl yet' eb' filisteo, 'ix sma'n 'ejm lan̈chjoc smuroal chon̈b' Gat, Jabnia yet' Asdod. 'Ix sb'on chan̈ jun tzo'n̈ schon̈b' 'a yol smacb'en eb' 'aj Asdod cha, atn 'a scal eb' filisteo.

2 Cr 27:4

An̈jtona', 'ix sb'o chan̈ jun tzo'n̈ chon̈b' 'a lum jolmctac witz 'a yol yic Judá, jun tzo'n̈ cuartel yet' jun tzo'n̈ torre 'a calte'.

Jeremías 34:7

Ya' sb'a cha, a eb' soldado yic Babilonia, 'ayx 'och eb' yac' owl 'a Jerusalén, 'a Laquis yet' 'a Azeca, wan ya'n eb' yip yoch 'a smuroal jun tzo'n̈ chon̈b' tic. A 'a yol yic Judá, cojxn 'oxe chon̈b' tic mantzac 'ejm yuj eb'.