2 Cr 11:4 - Chuj San Sebastian Bible

⁴ to an tzwal 'ixtic: Man̈ eyac' owl yet' eb' eyit israelal, meltzjan̈c junjn ex 'a eyatut, yujto an 'ixta 'ix wutj jun tic, xchi Dios, xa chi 'a eb'. A yic 'ix yab'n eb' tas 'ix yal Jehová cha, 'ix pax eb' 'a yatut, man̈xtoc 'ix 'at eb' yac' owl yet' Jeroboam.

Chuj San Mateo Bible

⁴ to a in sval icha tic: Man̈ eyac' oval yed' eb' eyetisraelal chi'. Meltzajan̈ec d'a e pat e masanil, yujto a in ix vaq'uelc'och jun tic, xchi Jehová, xa chi d'a eb'. Ayic ix yab'an eb' tas ix yal Jehová chi', ix pax eb' d'a spat junjun, majxo b'atlaj eb' yac' oval yed' vin̈aj Jeroboam, vin̈ ix och sreyaloc eb' ix pax chi'.

2 Cr 11:4 ပူးပေါင်းရင်းမြစ်များ

Gn 13:8

Yuj cha, 'ay jun c'u, 'ix yaln Abram 'a Lot 'ixtic: Caw an̈to 'ochi, man̈ smojc ca'n owal, 'ixta pax eb' yilmal qui cajb'en noc', man̈ smojc ya'n eb' owal.

Gn 50:20

Ax tic, xe na e b'on jun tu nab'enal 'a in patic, palta ax Dios, xjeln jun tu nab'enal chi 'a wach'il, sec niwn 'anma tzcolchji, 'icha jun wan quilnec tic.

A Ch'an̈ Schab'l Libro Samuel 2:26

'Ix 'awj 'at Abner chi 'a Joab, xyaln 'ixtic: —¿Tom ma'oj och wan a miln cham eb' 'anma tic? ¿Tom man̈xtzac a na jab'oc, chajtlto a jun tic, cojn somc'ojlal tzyij cot 'ayon̈? ¿B'a'n̈ wal 'oj al 'a eb' 'anma tic, yic tz'och wan eb' spechn b'eyc' eb' yit chon̈ab'? xchi.

A Ch'an̈ B'ab'el Libro Yic Yab'ixal Eb' Rey 22:36

A yic wan xo wal sq'uic'b'i, 'ix 'och jun 'aw 'a scal smasnil eb' soldado cha, 'ix alx 'ixtic: Junjn mach tzpax 'a schon̈ab', mto tzpax 'a slu'um, xchi jun 'aw cha.

2 Cr 11:3

Al 'a Roboam win yunnal Salomón, sreyl Judá, yet' 'a smasnil eb' israel 'ay 'a yol yic Judá yet' 'a eb' yic Benjamín, tzal 'a eb'

Salmos 33:11

A tas tzna Jehová to tzb'o', jun 'ejmn̈ej to wach' tz'ajcni.

Os 8:4

Tzlaj ya'ch eb' jun tzo'n̈ sreyal yet' syajlil, palta man̈oc in tzin si'ch eb'. Xlaj yi'nc cot eb' q'uen plata yet' q'uen oro, ax yet' q'uen xlaj sb'o eb' jun tzo'n̈ yechl sdiosal, yuj cha, mun a jun tzo'n̈ chi tz'i'n cot 'a yib'n̈ eb'.

A Tas Sc'ulejnac Eb' Schecab' Jesús Hechos 7:26

Ax 'a yic junx c'u, 'ix c'och 'a chawn̈ xo eb' yit chon̈ab'. 'Ix yilni, wan ya'n eb' owal. Tznib'j Moisés tzcan eb' 'a junc'ojlal. Yuj cha, xyaln 'a eb' 'ixtic: Ex winac, ¿tas yuj tzeyac' owal? 'In eyit chon̈b' e b'a, xchi 'a eb'.

A Ch'an̈ Carta D'a Eb' Hebreo 13:1

Man̈ cactquec can qui chamc'ojlan qui b'a, yujto quit creyentealec qui b'a.

A Sb'ab'el Carta San Pedro 3:8

An̈jtona', tzwaln pax 'at junx tic 'ayex. Caw junxn̈ej tzlaj eyutc e nab'en e masnil. Toto 'ay eb' tzcusi, tzex colwj 'a eb'. Tzlaj e chamc'ojloc e b'a, yujto creyente ex. Tzlaj 'o'ch e c'ojl 'ayx junjn ex. 'Emmquil tzeyutj e b'a junjn ex.