2 Cr 11:16 - Chuj San Sebastian Bible

¹⁶ Ax pax jun tzo'n̈ xo eb' caw yel 'aych wal 'a snab'en yaln sb'a 'a Jehová sDiosal smam yicham, 'ix 'och tza'n eb' yuj eb' levita, 'ix jaw eb' 'a Jerusalén yic tzya'n eb' xajmb'al 'a 'a.

Chuj San Mateo Bible

¹⁶ Axo eb' ay d'a junjun yin̈tilal eb' israel to ayoch spensar yoch ejmelal d'a Jehová Dios, ix cot tzac'an eb' yed' eb' sacerdote yic Jehová chi' yed' eb' levita pax chi'. Ix javi eb' d'a Jerusalén chi', yic vach' syal yac'an silab' eb' d'a Jehová sDiosal eb' yed' smam yicham.

2 Cr 11:16 ပူးပေါင်းရင်းမြစ်များ

1 Cr 16:29

Alc wach' paxti 'a 'a, yujto niwn yel'chi. 'Ochn̈ec yet' eyofrenda 'a yamq'uil scajnub'. 'A'c 'emmquilal 'a Dios yic tzex 'och 'a yol scajnub' wach' yilxi.

1 Cr 22:1

Yuj cha, 'ix yaln David 'ixtic: A 'a tic 'oj b'o chan̈ yatut Jehová Dios, yet' jun yet'l xajmb'al 'aj 'oj ca'c tz'a qui xajmb'al an̈ israel on̈c tic, xchi.

1 Cr 22:19

Yuj cha, a ticnec 'a'c 'och wal 'a e c'ojol, yet' 'a e nab'en e sayn 'ec' Jehová qui Diosalec. Yamc 'och e b'on chan̈ jun scajnub' Jehová qui Diosalec, sec wach' 'oj 'och te scaxail strato 'a yojol, yet' jun tzo'n̈ syamc'ab'il yatut Dios to yic yaji, xchi rey David.

2 Cr 11:17

'Ixtnta x'aj Roboam yunnal Salomón yi'n yip 'a yopiso 'a yol yic Judá 'a 'oxe ab'il, yujto cojn 'oxe ab'il sb'eylb'ej sb'eyb'al David yet' Salomón.

2 Cr 15:12

Xlajw cha, 'ix ya'n eb' sti', to a Jehová sDiosal eb' yet' smam yicham, cojn 'oj yac' servil eb' 'a smasnil sc'ojol, yet' 'a smasnil snab'en.

2 Cr 15:15

Smasnil eb' yic Judá, caw 'ix tzalj eb' yuj sti eb' xyac' cha, yujto smasnil sc'ojl eb' xyac' sti', 'ix 'el wal 'a sc'ojl eb' ya'n servil Dios. 'Ix 'ilchj wal scolwal yuj eb', yujto a Jehová 'ix yac' junc'ojlal 'a eb' yet' eb' cajn 'a sla'nil eb'.

2 Cr 15:9

Xlajw cha, 'ix ya'n syam sb'a smasnil eb' yic Judá, eb' yic Benjamín, yet' jun tzo'n̈ xo eb' cotnc 'a yol yic Efraín, 'a yol yic Manasés, 'a yol yic Simeón, eb' to jawnc cajn 'a scal eb', yujto niwn eb' israel 'ix 'e't yet' Asa, yujto 'ix yil eb' to 'aych Jehová sDiosal yet'oc.

2 Cr 19:3

Palta b'i'an, 'ayt wal jun tzo'n̈ xo tas wach' to yoch a wach'loc, yujto 'ix ej 'el jun tzo'n̈ sch'oxnb'il comn dios Aserá 'a yol a nacion̈ tic, 'ix a'ch wal 'a a c'ojl a'n servil Dios, xchi Jehú 'a 'a.

2 Cr 20:3

Xlajw cha, 'ix yecn xiw sb'a Josafat, caw 'emmquil 'ix yutj yaln sb'a 'a Jehová. 'Ix ya'n alxc 'a smasnil eb' 'anma 'a yol yic Judá to tz'och eb' 'a c'ajb'c'ojlal.

2 Cr 20:4

Yuj cha, a smasnil eb' 'anma 'ay 'a smasnil chon̈b' 'a yol yic Judá, 'ix syam sb'a eb' 'a Jerusalén yic tzc'ann eb' scolwal Jehová yet'oc.

2 Cr 30:11

Palta 'ay jaywn̈ eb' 'a yin̈tl Aser, yin̈tl Manasés yet' eb' yic Zabulón, 'ix yij 'ejm sb'a eb' 'a Dios, 'ix jaw eb' 'a Jerusalén.

Job 34:14

Q'uinloc tzyal sc'ojl Dios, tzyij pax 'ec' yic' 'ac'b'il yuj 'a 'ayn̈ qui masnil an̈ 'anman̈ec tic,

Salmos 108:1

Ach in Diosal, caw yipc'ojlal 'aj wu'uj. Caw tzin nib'j tzach in b'itnej, tzwaln in wach' paxti 'ayach.

Salmos 62:10

A mach tzyac' ganar tumn 'a spatc maysch'olnil mto yuj 'elc'al, caw matz tac' ya'n 'och jun chi yipc sc'ojol. Toto tzq'ue'ch yet' tas 'ay 'a 'a, matz tac' ya'n 'och sricoal chi yipc sc'ojol.

Ex 9:21

Palta 'ay pax jun tzo'n̈ xo eb' ma'ix schaj yab' tas xyal Jehová, ma'ix smol eb' scajb'en noc', yet' eb' smoso eb', ma'ix smol sb'a eb'.

Dn 6:14

A yic xyab'n win rey jun cha, caw wal x'och pitz'n cusc'ojlal 'a winac, til to wal x'ec' win rey chi snani tas tzyutj scoln 'el Daniel cha, masnto x'em c'u.

Os 4:8

Yuj xajmb'al eb' in chon̈b' tzyac' 'ayn yuj smul, wach' e wa'i; yuj cha, tze nib'n to tz'ochn̈j smul eb'.

Hageo 1:5

An tzwal 'ayex, tzam e yil cot e b'a tas wan eyaji.

Zacarías 8:21

A eb' cajn 'a junc chon̈ab', 'oj yal eb' 'a eb' cajn 'a junc xo chon̈b' 'ixtic: Coyc calc qui b'a 'a Jehová tztac' yuj smasnil, sec tzyac' syaxilal 'ayn̈ec, 'oj xchic eb'. Ax jun tzo'n̈ xo eb', 'oj yal eb' 'ixtic: 'Oj qui 'atc pax junx an̈ec tic, 'oj xchic eb'.

A Tas Sc'ulejnac Eb' Schecab' Jesús Hechos 11:23

Ax yic xc'och Bernabé, 'ix yilni, to til wal swach'c'ojlal Dios 'ix ch'ox 'a eb'. Yuj cha, caw 'ix tzalj yuj eb', 'ix ya'n snab'enoc eb' smasnil. 'Ix yaln 'a eb' chajtlto caw te'n tzyutj sb'a eb', caw tzya'ch eb' snab'en 'a Cajlilec 'a smasnil tiempo.

Dt 12:11

A 'a jun lugar 'oj si'l Jehová yico'oc cha, ata 'oj 'at eyac' smasnil jun tzo'n̈ xwal 'ayx tic: no noc' tzeyac' xajmb'alil, yet' no xajmb'al tze n̈ustz'a'oc, e diesmo, eyofrenda to tz'el 'a e c'ojl eya'ni, yet' e colwal to ta'wb'il eyu'uj.

Dt 32:46

Xyaln 'a eb' yit chon̈b' chi 'ixtic: Nac wal si'mb'il 'a yib'n̈ smasnil jun tzo'n̈ xwalcn 'ayx tic, cuyc eb' eyunnal, sec tzb'eylb'ej eb' smasnil jun ley tic.

Josué 22:19

Toto tze na'a, to a jun lum tic to man̈ wach'oc, to matz tac' eya'n 'emmquilal 'a Jehová, cotn̈ec quet' on̈, coyc quet 'a 'aj 'ay lum lum to yicn̈ej Jehová yaji, atn 'a 'aj 'ay scajnub'. Chajec e lum 'a qui cal on̈, palta man̈ ex meltzjoc 'och 'ajc'ojlal 'a 'a, yet' 'ayn̈ on̈ yic tze b'on pax junc xo yet'l xajmb'al chuc yel 'a jun yet'l xajmb'al yic Jehová qui Diosalec 'ay 'a Silo.