2 Cr 11:15 - Chuj San Sebastian Bible

¹⁵ Yujto a Jeroboam cha, xya'ch yopiso jun tzo'n̈ eb' tz'och ya'malc 'och sti eb' 'anma 'a scomn diosal, yic tz'och eb' 'emmquilal 'a jun tzo'n̈ macsej 'a jolmctac witz, yet' 'a eb' demonio, yet' pax 'a jun tzo'n̈ yechl wacx b'ob'il chan̈ yu'uj.

Chuj San Mateo Bible

¹⁵ A vin̈aj Jeroboam chi', ix yac'och eb' comon anima vin̈ sacerdoteal yac'an servil comon dios, yic tz'och eb' ejmelal d'a juntzan̈ lugar chaan̈, d'a eb' enemigo yed' d'a juntzan̈ yechel vacax ix schec vin̈ b'ojoc.

2 Cr 11:15 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 12:28

A yic xlajw spaxtin win rey chi yet' eb' 'aych yajlil yet'oc, 'ix ya'n win b'o yechl chawn̈ quelm wacax, nab'a oro x'aji. 'Ix yaln 'a eb' 'anma 'ixtic: Ex wit israelal caw 'ajltac e 'atn̈j 'a Jerusalén. A ticnec yaj eb' qui diosalec on̈ 'i'nec 'elt 'a Egipto, xchi win 'a eb'.

A Ch'an̈ B'ab'el Libro Yic Yab'ixal Eb' Rey 12:31

'Ix sb'on pax Jeroboam chi yatutal jun tzo'n̈ comn dios chi 'a lum jolmctac witz. 'Ix si'n pax 'och jun tzo'n̈ eb' yit chon̈b' ya'malc 'och sti eb' 'anma 'a jun tzo'n̈ scomn diosal cha, atn eb' man̈ levitaoc.

A Ch'an̈ B'ab'el Libro Yic Yab'ixal Eb' Rey 13:33

Wach'xam 'ix uj smasnil jun tzo'n̈ tic, a win rey Jeroboam ma'ix yactj can win smasnil stu b'eyb'al. A yic winac, to 'ix si'x 'och win jun tzo'n̈ eb' comn 'anma ya'malc 'och sti eb' 'a scomn diosal. Tzann̈j mach tznib'j tz'och ya'malc 'och sti eb' cha, tzya'n̈j 'och win yopiso eb' 'a jun tzo'n̈ 'ay 'a jolmctac witz cha.

A Ch'an̈ B'ab'el Libro Yic Yab'ixal Eb' Rey 14:9

Palta ach xo tic, yel xo wal tu tas tza b'o 'a yib'n̈ smasnil eb' 'e'nc reyl 'a yic mantzac ach 'ochi. A jun tzo'n̈ q'uen 'ix a b'o a diosaloc, in a patquiln can 'eli, yic tza tzuntz cot wowal.

2 Cr 13:8

A ticnec, a 'e nani to 'oj stac' eya'n owl quet' an̈ yin̈tl on̈ David tic on̈, 'ac'b'il jun 'opiso chi yuj Jehová 'a yol qui c'ab' on̈, yujto ax tic caw niwn e b'eyi, eyet' pax jun tzo'n̈ yechl wacx to nab'a oro b'ob'il yuj Jeroboam yic tz'och e diosaloc.

2 Cr 13:9

'In xe pechl pax eb' ya'mal 'och sti eb' 'anma 'a Jehová, atn eb' yin̈tl can Aarón yet' eb' levita, 'in xe si'cn pax 'och eb' tz'och ya'malc 'och e ti 'a jun tzo'n̈ e comn diosal 'a yol eyico', 'icha tzb'eylb'ej jun tzo'n̈ xo nacion̈. Tzann̈j mach tzjaw yet' junc quelm wacax, yet' ucwn̈oc no mam calnelu, a xe ya'cn 'och ya'malc 'och e ti 'a jun tzo'n̈ e diosal cha, palta a jun tzo'n̈ cha, man̈ diosoc eb'.

Ex 32:31

Xlajw xoj cha, 'ix 'atx Moisés 'a lum jolm witz cha, lum 'aj 'ayc' Jehová, xyaln 'a 'ixtic: —Yel ton wal Mamin, a jun chon̈b'al eb' 'anma tic, caw wal niwquil smul eb' x'och 'a ojltac. Sb'o eb' jun sdiosal nab'a oro, xya'n 'ejm sb'a eb' 'a 'a.

Os 13:2

An̈ja sniwtj eya'n 'och e mul. Tzlaj e b'onc q'uen plata e diosaloc, a tzyal tas tznachj eyu'uj, 'ixta tzeyutj e b'on junc yechl cha. Tzlajw cha, tzeyaln 'a eb' 'anma 'ixtic: 'A'c e xajmb'al 'a 'a, xe chi. Tzlaj e tz'ub'n 'elt sti jun yechl wacx cha.

Lv 17:7

Man̈x 'a wal b'a'n̈ tzeyac' e xajmb'al 'a eb' demonio, atn jun tzo'n̈ 'aj eya'jnac 'ejm e b'a. Yujn̈ej ton jun tzo'n̈ cha, yoch e mul. A jun tic ley tz'ajcn 'a e cal 'a smasnil tiempo, yet' 'a eb' eyin̈tl b'aq'uin̈.

Dt 32:17

'Oj eyac' e xajmb'al 'a eb' demonio, 'a eb' comn dios to man̈ eyojcoc xon 'a yic yaln̈taxi, atn jun tzo'n̈ yechl comn dios tot b'ob'il, tzat checlj cha'an̈, jun tzo'n̈ to man̈ 'ojcab'ilc xon yuj eb' qui mam quichmec.

1 Ti 4:1

A Yespíritu Dios tojln̈ej yalni, chajtlto a yic wan xo sjaw jun slajb' tiempoal, 'ay eb' creyente 'oj meltzjoc pax 'a spatic. Ax wal 'a jun tzo'n̈ cuynb'il caw 'es 'aj 'oj ya'ch eb' snab'en. A jun tzo'n̈ cuynb'il cha, a 'a ewin demonio tzcoti.

Apoc 16:14

A 'oxwn̈ eb' demonio cha, checb' yaj eb' yic tzch'oxn eb' jun tzo'n̈ milagro. X'at eb' yac' syam sb'a jantcn̈ej eb' niwc yajl 'a smasnil yolyib'n̈q'uinal, yic tzya'n eb' owl 'a yic jun c'u niwn yel'ch yic Dios, atn Dios tztac' yuj smasnil.