2 Cr 10:6 - Chuj San Sebastian Bible

⁶ Xlajw cha, 'ix sc'anb'n Roboam snab'en 'a eb' yichm wincal chon̈ab', atn eb' munljnac yet' Salomón, atn smam, 'ix yaln 'a eb' 'ixtic: —¿Tas wal junc nab'en tzeyac' 'ayn ax tic, tas 'oj wutc ta'wc in b'a 'a eb' 'anma tic? xchi.

Chuj San Mateo Bible

⁶ Ix lajvi chi' ix sc'anb'an vin̈aj rey Roboam chi' d'a eb' vin̈ yichamtac vinaquil chon̈ab', aton eb' vin̈ munlajnac yed' vin̈aj Salomón smam vin̈ icha tic: —¿Tas junoc pensar tzeyac' d'ayin? ¿Tas svutej tac'voc in b'a d'a juntzan̈ anima tic? xchi vin̈.

2 Cr 10:6 ပူးပေါင်းရင်းမြစ်များ

A Ch'an̈ Schab'l Libro Samuel 16:20

Xlajw cha, 'ix yaln Absalón 'ixtc 'a win Ahitofel: —¿Tas junc nab'en tzac' ach tic, tas 'oj cutquec qui b'a? xchi winac.

2 Cr 10:5

Xlajw cha, xyaln Roboam 'a eb' 'ixtic: —At chab'j tzwul in e yilxi, xchi 'a eb'. Ax eb' chon̈b' cha, 'ix pax eb'.

Job 32:7

'Ixtc xwutj in nani: Paxtin cab' eb' 'ichm winc tic, yujto caw wal 'ay snab'en eb'; til xo wal tas yojc eb', sch'oxl cab' eb' sjelnal cha, xin chi.

Pr 12:15

A eb' may snab'en, a tzyutj eb' snani to wach'n̈j smasnil tas tz'el sb'on eb', ax eb' 'ay snab'en, tzchaj eb' yab' tas tzalx 'a 'a.

Pr 19:20

A mach tzchaj yab' junc nab'en tz'ajx 'a 'a, tzchan pax yab' tennb'ilal, to 'ixta', 'oj jelnb'oc.

Pr 27:10

May cab' b'a'n̈ tzeyactj can eb' e wach'c'ojol yet' eb' swach'c'ojl e mam. Toto 'ixta', a yic 'ay e cusc'ojlal, man̈oc to 'a yatut junc eyican 'a najat, atta tz'at eyal e b'a. Yel xo wach' a 'a eb' e wach'c'ojl cajn 'a e tz'ey, ata tzeyal e b'a.

Jeremías 42:20

Ax tic, caw wal niwquil jun e tenmtacl wan eya'n 'ochi, yujto ax xeyac' in c'anb'c 'a Jehová qui Diosalec, 'ix eyaln 'ayn 'ixtic: Tewan̈ 'a Jehová qui Diosal cuj on̈, ax a'n cojcoc 'el smasnil tas 'oj yala', 'oj qui yicloc, xe chi.