2 Cr 10:14 - Chuj San Sebastian Bible

¹⁴ A tas 'ix yal eb' quelmtac winc cha, a 'ix yal 'a eb' chon̈b' cha, 'ix yaln 'ixtc 'a eb': Toto a 'in mam cha, 'al 'ix yutj eyicatz, an xo tic, 'ec'b'al yal-l 'oj wutc eyictz cha. Toto cojn tz'um sc'anjnac in mam yic ex sma'ni, an xo pax tic, a no tz'um 'aych q'uen 'a sn̈i', a 'oj wa'lb'oc 'ayex, xchi.

Chuj San Mateo Bible

¹⁴ A tas ix yal eb' vin̈ quelemtac vinac chi', a ix yal vin̈ d'a eb' icha tic: Tato al ix yutej eyicatz vin̈ in mam chi', a inxo tic, ec'alto ol vutej yalil eyicatz chi'. Tato an̈ej noc' tz'um ix yac'lab'ej vin̈ ex smac'ani, a inxo pax tic, a noc' tz'uum ayoch q'ueen d'a sn̈i' ol vac'lab'ej d'ayex, xchi vin̈.

2 Cr 10:14 ပူးပေါင်းရင်းမြစ်များ

2 Cr 10:13

Palta ax win rey cha, caw tu 'ix yutj spacn 'a eb', ma'ix syiclj snab'en eb' yichm wincal chon̈b' cha.

2 Cr 10:15

A yic xyab'n eb' 'anma', to a win rey Roboam cha, ma'ix schaj win yab' tas 'ix yal eb', yuj cha, xyaln eb' 'ixtic: ¡May calnec quic 'a eb' yin̈tl David, win yunnal Isaí! ¡Chuc yin̈tl eb', chuc pax quin̈tlec! ¡Pax coyc 'a catut junjn on̈ec! ¡Stan̈wc cab' sb'a win yin̈tl David tic! xchi eb'. A win Adoram 'ay yopiso yi'n b'ey eb' 'anma 'a munljel to 'ac'b'il pural sb'o'i. Ax rey Roboam 'ix schecn 'at win paxtinc yet' eb' israel cha. Palta 'ix 'elt somnjoc smasnil eb' sjulq'uenoc winac, masnto xchami. Ax win rey Roboam cha, yajn̈ej x'och 'a yol scaruaje, 'ix 'at 'eloc, axta xc'och 'a Jerusalén. Xlajw cha, ax junjn macn̈il eb' israel 'ay 'a stojlal norte, 'ix pax eb' 'a yatut. Cojxn 'a eb' 'anma cajn 'a yol jun tzo'n̈ chon̈b' 'a yol yic Judá, ata 'ix yac' Roboam reyal. 'Ixta xyutj eb' israel yi'n can 'el sb'a 'a yaln̈ schecnb'il eb' yin̈tl David. 'Ixtnta 'ix 'aji yujto a Jehová 'ix 'a'n b'o 'icha tas yaljnac win Ahías 'aj Silo 'a yib'n̈ Jeroboam yunnal Nabat.

Pr 12:5

A eb' 'anma wach' snab'en, cojn tas wach' an̈j chi tzna eb'; palta matz ca'c 'och yipc qui c'ojl snab'en eb' tu snab'en.

Pr 17:14

'Icha junc a a tzmacx 'och wa'an, jab'jnal yel a 'a yet'l cha, palta ax tz'aji tzjacw 'el secn̈joc a smasnil, 'ixta wal junc owl jab'jnal tz'aj yel yich. Yuj cha, yel xo wach' tzyac' junc mach niwnc'ojlal yic mantzac 'el yich junc owl cha.

Ec 10:16

'Oltac wal junc nacion̈ to quelm 'unn junc tzya'ch sreyloc, ax eb' yichmtac wincal chon̈ab', an̈j 'a 'aj 'ay q'uin̈ ata tzq'uin̈lb'i 'el eb'.

Ec 2:19

Yujto may yalnb'il, tom jelan mto may snab'en win 'oj macn 'ec' yico'oc in munljel xlaj wab' syal in b'on yet' in jelnal. A jun tzo'n̈ tic, caw wal nab'an̈ej.

Ec 7:8

Wach'xam a yic tz'el yich junc tas janc'n̈ej tzaljc'ojlal, palta ax yic tzb'o 'el'chi, yel xo niwn tzaljc'ojlal 'a jun c'u cha. Toto 'emmquilal tzcutjec qui b'a, yel xo wach' quiquec 'a yib'n̈ pax to cob' tzquijec chan̈ qui b'a.

Dn 6:7

Qui masnil an̈ tic 'aych copiso oj tic 'a yol jun nacion̈ tic, 'ix qui yam qui b'a qui masnil 'a jun qui c'umjb'a. 'Ix calni, to wach' tza b'o junc ley, tzlajw cha, tzalx 'el 'a scal smasnil eb' 'anma 'ayc' 'a yol a macb'en tic, may cab' junc 'anma tzyac' 'ejm sb'a 'a junc xo dios yic tzyaln sb'a 'a 'a, mto 'a junc xo chuc 'anma'il, palta cojn cab' 'aych tzyal sb'a eb' 'a junc 'ujal. A mach matz yiclni jun ley cha, tojln̈ej cab' sjulx 'ejm 'a yol yet'l e no león.

Santiago 3:14

Palta caw man̈ e b'an̈ e b'a yuj e jelnal 'a sat Dios, toto tzex comn chichni, toto cojxn̈ej eyic tze nib'j tzeyala, tze nib'n ax xoj tzeyac' mandar. Toto 'ixta tzeyutj e b'a, caw wan eya'n 'es yuj jun e b'eyb'al cha, yujto matz eyiclj jun cuynb'il caw yel.

Apoc 9:10

'Ay sn̈e junjn e no'. Ax 'a sn̈e e no cha, ata 'ay stotz'b' e no 'icha yic no sina'an. A stotz'b' e no cha, 'ay spoder yixtn 'anma 'a o'e 'uj.

Apoc 9:3

Til wal e no c'ulb' xq'uel 'a scal jun tab' cha. 'Ix laj pucb't e no 'a yolyib'n̈q'uinal. A e no c'ulb' cha, 'ix 'ajx spoder e no schiwj 'icha schiwj no sina'an.

Apoc 9:5

Ma'ix 'ajx smil e no junc 'anma'. Palta x'ajx yopiso e no o'e 'uj ya'n 'och syailal eb'. Ax jun yailal tzya'ch e no cha, caw lajn 'icha schiwj no sina'an.