2 Cr 10:13 - Chuj San Sebastian Bible

¹³ Palta ax win rey cha, caw tu 'ix yutj spacn 'a eb', ma'ix syiclj snab'en eb' yichm wincal chon̈b' cha.

Chuj San Mateo Bible

¹³ Palta te chuc ix yutej vin̈ spacan d'a eb'. Maj sc'anab'ajej vin̈ tas ix yal eb' vin̈ yichamtac vinaquil chon̈ab' chi'.

2 Cr 10:13 ပူးပေါင်းရင်းမြစ်များ

Gn 42:30

—A win yajl 'a jun chon̈b' cha, caw wal ow xyutj paxtinc sb'a win 'ayn̈ on̈, tolab' ton̈j tz'at quil 'elt 'a yol schon̈b' cha, 'icha to 'ilwjum on̈ yalni.

Gn 42:7

Yajn̈ej xyojcan 'el José eb' yu'tac cha, palta 'icha to man̈ yojcoc sb'a yet' eb', 'ixta xyutj sb'a, ow xyutj paxtinc sb'a 'a eb': —¿'Ajtil ex cot ax tic? xchi. —On̈ cot 'a Canaán, to tzon̈ jaw manj trigo on̈, xchi eb'.

2 Cr 10:12

Ax 'a schab'jil cha, 'ix jaw Jeroboam yet' smasnil eb' chon̈b' 'a rey Roboam, 'icha yutjnac yaln 'a eb'.

2 Cr 10:14

A tas 'ix yal eb' quelmtac winc cha, a 'ix yal 'a eb' chon̈b' cha, 'ix yaln 'ixtc 'a eb': Toto a 'in mam cha, 'al 'ix yutj eyicatz, an xo tic, 'ec'b'al yal-l 'oj wutc eyictz cha. Toto cojn tz'um sc'anjnac in mam yic ex sma'ni, an xo pax tic, a no tz'um 'aych q'uen 'a sn̈i', a 'oj wa'lb'oc 'ayex, xchi.

2 Cr 10:8

Palta ma'ix chaj yab' snab'en eb' 'ichmtac winc cha, ax 'a eb' quelmtac winc 'ix sc'anb'j snab'en, eb' to junn̈j q'uib'nc chan̈ yet'oc, atn eb' 'aych 'a'j servil 'a 'a.

Ex 10:28

Yuj cha, 'ix yaln pax win rey chi 'ixtc 'a Moisés: —'Eln̈ 'a in tz'ey tic. Man̈x b'a'n̈ tzin nib'j tzach wil jun 'ejm xo 'a tic. Toto tzach jaw jun 'ejmoc xo, a 'a yic xon jun c'u cha, tzach cham 'a tic, xchi win rey cha.

Pr 15:1

A mach wach' tzyutj spacn junc paxti', tztup 'ejm owl yu'uj; ax toto ow tzyutj spacni, ton̈j tzwach' niwtj junc owl chi yu'uj.

Pr 18:23

A eb' meb'a', caw 'emmquilal stew eb' 'a mach 'aj tzyal sb'a; ax eb' rico, caw niwquil tzyutj eb' yol sjaj yic tzta'w eb'.

Pr 19:27

Ex wunnal, toto ma'oj e cha 'ajxoc cuenta e b'a, caw najt 'oj eyelcn 'a stz'ey jun cuynb'il tic.