2 Cr 10:11 - Chuj San Sebastian Bible

¹¹ Toto a 'in mam cha, 'al 'ix yutj eyicatz, an xo pax tic, yel xo wal 'al 'oj wutc eyictz cha. Toto cojn tz'um sc'anjnac in mam yic ex sma'ni, palta an xo pax tic, a no tz'um 'aych q'uen 'a sn̈i', a 'oj wa'lb'oc 'ayex, xa chi 'a eb', xchi eb' quelmtac cha.

Chuj San Mateo Bible

¹¹ Tato al ix yutej eyicatz vin̈ in mam chi', a inxo pax tic, ec'alto yalil ol vutej eyicatz chi'. Tato an̈ej noc' tz'uum ix yac'lab'ej vin̈ in mam chi' ex smac'ani, a inxo tic, a noc' tz'um ayoch q'ueen d'a sn̈i' ol vac'lab'ej d'ayex, xa chi d'a eb', xchi eb' vin̈.

2 Cr 10:11 ပူးပေါင်းရင်းမြစ်များ

2 Cr 10:10

Xlajw cha, xta'w jun tzo'n̈ quelmtac winc cha, 'ix yaln eb' 'a 'ixtic: —A jun tzo'n̈ 'anma 'ix aln 'aych cha, chajtlto tzej 'emt yoc jun munljel 'aycn 'och 'a yib'n̈ eb' yuj a mam cha, 'ixtc tzotj aln 'a eb': Toto ya munljel 'aj 'ayx can 'och yuj in mam, an xo pax tic, yel xo pax caw ya munljel 'aj 'oj ex wa'chi.

2 Cr 10:12

Ax 'a schab'jil cha, 'ix jaw Jeroboam yet' smasnil eb' chon̈b' 'a rey Roboam, 'icha yutjnac yaln 'a eb'.

Ex 5:18

'Ixquec munljoc, wach'xam to ax tze say te 'ac cha, te tzeya'ch 'a scal lum xamit tze b'o cha, cojn to tz'acn tze b'o lu'um, xchi win rey chi 'a eb'.

Is 47:6

A yic 'ay cot wowl 'a eb' in chon̈ab', 'ix wa'ch eb' 'a yol a c'ab' sec tz'ixtx eb' o'oj. Ma'ix 'o'ch a c'ojl 'a eb', ax eb' 'ichmtac 'anma', caw wal ya x'ec' eb' o'oj.

Is 58:6

Palta an tzwal 'ixtc 'ayex: A jun e c'ajb'c'ojlal cha, man̈ 'ichcta stzolil. A jun caw yel to c'ajb'c'ojlal, yaj stzol-l tic: Colc 'elt eb' 'anma 'a yol sc'ab' eb' tu snab'en, man̈x eyixtc eb' 'anma tzmunlj 'ayex; 'a'c 'el eb' tz'ixtx chi 'a libre, man̈x eyixtc eb'.

Mt 11:29

Cuchc junx 'icha 'ictz 'oj wac' 'ayex. Cuywan̈c 'ayin, yujto an tic manso in, 'emmquil in, toto 'ixta', 'oj ex wac' 'iljoc.

Lc 10:19

An xwac' e poder sec tztac' e te'n no chan yet' no sina'an. Wu'uj, tztac' eya'n ganar 'a yib'n̈ jantcn̈ej spoder win Satanás. Toxn may junc tas tztac' ex yixtni.

Apoc 9:10

'Ay sn̈e junjn e no'. Ax 'a sn̈e e no cha, ata 'ay stotz'b' e no 'icha yic no sina'an. A stotz'b' e no cha, 'ay spoder yixtn 'anma 'a o'e 'uj.

Apoc 9:3

Til wal e no c'ulb' xq'uel 'a scal jun tab' cha. 'Ix laj pucb't e no 'a yolyib'n̈q'uinal. A e no c'ulb' cha, 'ix 'ajx spoder e no schiwj 'icha schiwj no sina'an.

Apoc 9:5

Ma'ix 'ajx smil e no junc 'anma'. Palta x'ajx yopiso e no o'e 'uj ya'n 'och syailal eb'. Ax jun yailal tzya'ch e no cha, caw lajn 'icha schiwj no sina'an.

A Ch'an̈ B'ab'el Libro Samuel 8:18

A 'a jun c'u cha, 'oj cob' eyal e b'a 'a Jehová yuj tas 'oj ex yutc win e reyl 'oj e si'l cha, palta man̈x 'oj ta'wc 'ayex, xchi.