2 Cr 10:10 - Chuj San Sebastian Bible

¹⁰ Xlajw cha, xta'w jun tzo'n̈ quelmtac winc cha, 'ix yaln eb' 'a 'ixtic: —A jun tzo'n̈ 'anma 'ix aln 'aych cha, chajtlto tzej 'emt yoc jun munljel 'aycn 'och 'a yib'n̈ eb' yuj a mam cha, 'ixtc tzotj aln 'a eb': Toto ya munljel 'aj 'ayx can 'och yuj in mam, an xo pax tic, yel xo pax caw ya munljel 'aj 'oj ex wa'chi.

Chuj San Mateo Bible

¹⁰ Ix tac'vi juntzan̈ eb' vin̈ quelemtac vinac chi' icha tic: —A eb' tz'alan chi' to tziq'uel jab'oc munlajel aycanoch d'a yib'an̈ eb' yuj vin̈ a mam chi', al d'a eb' icha tic: Tato ya munlajel b'aj ayex och yuj vin̈ in mam chi', a inxo pax tic, ec'alto syail b'aj ol ex vac'ochi.

2 Cr 10:10 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 12:1

'Ix 'at Roboam 'a Siquem, yujto a smasnil eb' yit israelal tox 'ix syam sb'a eb' 'a Siquem cha, yic tzya'n 'och eb' reyal.

2 Cr 10:11

Toto a 'in mam cha, 'al 'ix yutj eyicatz, an xo pax tic, yel xo wal 'al 'oj wutc eyictz cha. Toto cojn tz'um sc'anjnac in mam yic ex sma'ni, palta an xo pax tic, a no tz'um 'aych q'uen 'a sn̈i', a 'oj wa'lb'oc 'ayex, xa chi 'a eb', xchi eb' quelmtac cha.

2 Cr 10:9

'Ix sc'anb'n 'a eb' 'ixtic: —¿Tas junc nab'en tzeyac' 'ayn ax tic, tas 'oj wutc ta'wc in b'a 'a eb' chon̈b' cha? Yujto tznib'j eb', to tzwij 'emt jac yoc munljel 'aycn 'och 'a yib'n̈ eb' yuj in mam, xchi.

Pr 10:14

A eb' jelan, matz yij chan̈ sb'a eb' yet' sjelnal cha; ax eb' may snab'en, caw 'ay xo smay jun tzo'n̈ paxti tzyal eb'.

Pr 13:16

Toto 'ay qui nab'enec, tzcham wal quilnec tas tzqui b'o'o, ax toto tu qui nab'enec, a tas tzqui b'o'ec, a tzch'oxn 'el qui man̈ nab'enalec cha.

Pr 14:16

Toto 'ay qui nab'enec, tzon̈ xiwc 'a tas 'ay smay, tzqui'nec 'el qui b'a 'a scal maysch'olnil, ax toto tu qui nab'enec, caw tzqui b'an̈c qui b'a, may yel'ch junc tas 'a qui satec.

Pr 19:27

Ex wunnal, toto ma'oj e cha 'ajxoc cuenta e b'a, caw najt 'oj eyelcn 'a stz'ey jun cuynb'il tic.

Pr 21:30

Wach'xam 'ay mach jelan, 'ay snab'en, toxn̈ej niwn tas yojtac, palta matz tac' stenn 'och wan snib'b'en Jehová.

Pr 28:25

A mach til wal tas tznib'j 'och yet' snab'en, cojn owl tzyij cha'an̈; palta toto a Jehová tzya'ch yipc sc'ojol, caw wal 'oj alxoc wach'il.

Pr 29:23

A mach tzyij chan̈ sb'a, 'oj 'ijxoc 'ejmi, ax mach 'emmquilal tzyutj sb'a, 'oj 'ijxoc cha'an̈.