2 Cr 1:12 - Chuj San Sebastian Bible

¹² yuj cha, tic 'oj wac' a jelnal. 'Oj wac' pax a ricoal, yet' sniwquil-l el'chi. May junc xo rey lajn 'icha ach tic 'a yic yaln̈taxi. An̈jtona', man̈x 'a pax junc xo lajn 'icha ach tic, 'a yic b'aq'uin̈, xchi Dios.

Chuj San Mateo Bible

¹² yuj chi', ol vac' a jelanil yed' aj pensaril chi'. Ol vac'anpax a b'eyumal yed' snivanil elc'ochi. Malaj junoc rey jelan ec'nacxo icha ach tic, man̈xa pax junocxo icha ach tic olto ochoc, xchi d'a vin̈.

2 Cr 1:12 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 10:24

Smasnil 'anma 'a yolyib'n̈q'uinl tic, caw tznib'j eb' yila', yet' yic tzyab'n eb' jantc wal sjelnal x'ajx yuj Dios.

1 Cr 29:12

A 'aych tzcot smasnil ricoal yet' yic tzon̈ 'ijx cha'an̈, ach tzac' mandar 'a yib'n̈ smasnil. A 'a yol a c'ab' 'ay te'nal yet' jelnal, ach tztac' alni to niwn quel'chi, tza'n qui jelnal 'a smasnil.

1 Cr 29:25

'Ix 'ijx chan̈ sb'inab'ilal win yuj Jehová 'a sat smasnil eb' yit israelal, caw rico x'aj 'el'ch winac. Caw niwn x'aj 'el'ch 'a yopiso chi yu'uj, mant 'a xon junc sreyl chon̈b' Israel sb'inax 'icha rey Salomón tic.

2 Cr 9:22

A rey Salomón, 'ec'b'al sricoal yet' sjelnal 'a yib'n̈ smasnil eb' rey 'a yolyib'n̈q'uinl tic.

Nehemías 13:26

'Ixtn tic x'aj yoch smul Salomón sreyl Israel. Wach'xam may junc xo rey lajn yet' 'a jun tzo'n̈ xo nacion̈, to 'ay schamc'ojlal Dios 'a 'a, 'ix 'ajx 'och qui reyloc an̈ israel on̈c tic, palta 'ix 'ijx 'at 'a maysch'olnil yuj eb' 'ix chuc chon̈b'al.

Ec 2:9

In 'och niwc wincal si'mb'il, til wal tas 'ay 'ayn 'a yib'n̈ eb' 'e'nc 'a Jerusalén 'a yaln̈taxi. Wach'xam 'ay smasnil jun tzo'n̈ tic 'ayin, palta ma'ix satl in jelnal.

Ec 5:19

Toto a Dios tz'a'n niwtjoc tas 'ay 'ayn̈ec, tzya'n pax qui tzaljc'ojlalec qui c'uxnec tas tzyac' qui munljel. A jun cha syaxilal Dios.

Mt 6:33

Yuj cha, 'a'c eyip e wach' 'a'n 'och e b'a 'a yol sc'ab' Dios. Tojln̈ej tzeyutj e b'eyb'al 'icha tznib'ej. Toto 'ixta', 'oj yac' jun tzo'n̈ chi 'ayx smasnil.

Ef 3:20

A ticnec, calc wach' paxti 'a Dios, yujto a tz'a'n spoder 'ayn̈ec. Tzann̈j tas tzqui c'anc 'a 'a, wach'xam junc ton̈j nant tzqui na'a, tzta'n̈j yu'uj, yujto yel xo wal 'ay spoder sb'on smasnil tas.

Santiago 1:5

Toto 'ayn̈ 'ayt palta qui jelnal, qui c'anc 'a Dios. 'Oj yac'a', yujto yelc'ojlal tzyac' 'ayn̈ec qui masnil, toto tzqui c'anc 'a 'a. Matz cot yowl 'ayn̈ec.