2 Cr 1:1 - Chuj San Sebastian Bible

¹ A Salomón yunnal David, 'ix yij yip 'a sreyal, yujto a Jehová sDiosal a 'aych yet'oc, yel xo 'ix 'ijx chan̈ yopiso.

Chuj San Mateo Bible

¹ A vin̈aj Salomón yuninal vin̈aj David, ix tec'c'aj val yopisio vin̈, yujto a Jehová sDiosal vin̈ ayoch yed'oc, ix te q'uechaan̈ vin̈ d'a yopisio chi'.

2 Cr 1:1 ပူးပေါင်းရင်းမြစ်များ

Gn 21:22

Atn 'a yic jun tiempoal cha, 'ix 'at Abimelec paxtinc yet' Abraham, ajun win Ficol yet'oc, sat yajl yaj 'a scal eb' soldado. Ax Abimelec 'ix yaln 'a Abraham 'ixtic: —Xwila to a Dios 'aych et' 'a smasnil tas tza b'o'o.

Gn 39:2

Palta a Jehová a 'aych yet' José, yuj cha, caw jeln x'aj 'el'chi yic 'ayc' 'a yatut spatron̈ cha.

Gn 39:21

Palta a Jehová 'aych yet' José, xch'ox schamc'ojlal 'a 'a, yuj cha, caw wach' x'el'ch 'a sat win tan̈m preso cha.

Gn 39:3

'Ix nachj 'el yuj win patron̈ cha, to caw 'aych Jehová yet' win quelm cha, yuj cha, wach' tz'el'ch smasnil tas tzb'o winac.

A Ch'an̈ B'ab'el Libro Yic Yab'ixal Eb' Rey 2:12

A Salomón 'ix 'ochcn reyl sjelc rey David, atn smam. Caw te'n yutjnac sb'a 'a yopiso cha.

A Ch'an̈ B'ab'el Libro Yic Yab'ixal Eb' Rey 2:46

Xlajw cha, 'ix yaln win rey 'a Benaía, to tz'at smil cham Simei cha, yuj cha 'ix 'at Benaía 'at smila'. 'Ixtnta 'ix 'aj swach' can jun 'opiso chi 'a yol sc'ab' Salomón.

1 Cr 17:8

Tzann̈j 'ajtil ach 'eq'ui, caw 'aynn̈ej 'och et'oc, in satjnac 'el smasnil eb' 'ajc'ojl yajch 'ayach, xwi'n q'ue'ch a b'inab'ilal, 'icha sb'inax eb' niwc winc 'a yolyib'n̈q'uinl tic.

1 Cr 22:11

Ax ticnec ach wunnal, 'och cab' Jehová et'oc, 'oj colwjoc et'oc yic 'oj a b'on chan̈ jun yatut cha, 'icha 'ix yutj yaln oj tic.

1 Cr 29:23

'Ixtnta 'ix 'aj yochcn Salomón reyl 'a sdespacho Jehová sjelc David, atn smam. Caw wach' 'ix 'el'ch yet' yopiso cha, 'ix syiclj smasnil eb' israel 'a 'a.

1 Cr 29:25

'Ix 'ijx chan̈ sb'inab'ilal win yuj Jehová 'a sat smasnil eb' yit israelal, caw rico x'aj 'el'ch winac. Caw niwn x'aj 'el'ch 'a yopiso chi yu'uj, mant 'a xon junc sreyl chon̈b' Israel sb'inax 'icha rey Salomón tic.

1 Cr 29:30

A eb' 'oxwn̈ tic 'ix tz'ib'n smasnil tas 'ix sb'o David 'a yic 'aych reyal, yuj tas tztac' yu'uj, yet' pax tas 'ix 'ec' 'a yib'an̈, yet' 'a yib'n̈ chon̈b' Israel, yet' 'a yib'n̈ jun tzo'n̈ xo nacion̈ 'a stz'ey.

2 Cr 32:23

Yuj cha, caw niwn eb' nacion̈ xyij cot yofrenda 'a Jerusalén, yic tzya'n eb' 'a Jehová, xya'n pax eb' siylab' chan̈ stojl 'a Ezequías sreyl Judá. A yictax cha, caw niwn yel'ch x'aj 'a sat jun tzo'n̈ xo nacion̈.

Ex 3:12

'Ix ta'w pax Jehová, 'ix yaln 'ixtic: —Wal yel an 'oj woch et'oc, 'ay jun ch'oxnb'il 'oj wac' 'ayach, chajtlto an tzach in checb'ti. Ax yic tox 'ix 'elt eb' in chon̈b' chi oj 'a Egipto cha, ax wul eya'nc 'ejm e b'a 'ayn 'a jun witz tic, xchi Dios.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Josué 3:7

Xlajw cha, xyaln Jehová 'ixtc 'a Josué: A ticnec, tz'el yich ach wi'n chan̈ yet' opiso 'a sat eb' et israelal tic, sec 'oj yil eb' to 'ayn 'och et'oc, 'icha 'ix wac' yet' Moisés.