2 Co 9:7 - Chuj San Sebastian Bible

⁷ Junjn on̈ec, yowlal tzca'c 'icha tzqui nac yet' qui nab'en. Man̈ cusc'ojlaloc tzcutj ca'ni. Man̈ yujoc tzqui na'a, to tzon̈ 'ajx pural tzca'ni, yujto a Dios, tzchamc'ojlan eb' tzalji tzya'n yico'.

Chuj San Mateo Bible

⁷ Junjun ex tze na jantac tzeyac'a'. Man̈ chab'c'olaloc tzeyac'a'. Man̈ ac'b'iloc pural, yujto a Dios sxajanan eb' tz'ac'an val d'a tzalajc'olal.

2 Co 9:7 ပူးပေါင်းရင်းမြစ်များ

1 Cr 29:17

Wojc wal ach in Diosal, to tza b'eyc'ojlej qui nab'en, caw tzchaj a c'ojl tojlal. Yuj cha, an tic yet' in tojl nab'enal tzwa'n jun tzo'n̈ tic. A ticnec caw tzin tzalj wilni to a smasnil eb' a chon̈b' yamn 'a tic, wal 'a smasnil sc'ojl eb' 'ix ya'n eb' yofrenda 'ayach.

1 Cr 29:9

Caw 'ix tzalj smasnil eb' 'anma', yuj jun tzo'n̈ tas 'ix 'el 'a sc'ojl eb' yajl chi ya'ni, yujto yet' wal smasnil sc'ojl eb', 'ix ya'n eb' 'a Jehová. An̈jtona', caw 'ix tzalj pax rey David yet' eb'.

Ex 25:2

Al jun tic 'a eb' et israelal, to tzyac' eb' junc yofrenda 'ayin. A jun ofrenda cha, 'oj q'ue wan 'a scal smasnil eb' to tz'el 'a sc'ojl ya'ni.

Ex 35:5

To tzeyac' junc eyofrenda 'a Jehová, 'a'c wal 'a smasnil e c'ojol. E masnil ax tzeyac' eyofrenda cha, tztac' eyi'n cot jun tzo'n̈ tic: Oro, plata, bronce; te q'uic'mucnac ch'al, te púrpura, te chac, te lino caw wach', no xil chiwo ch'umb'il; no stz'umal calnelu chac yaj sb'o'i, no tz'um caw tzlab'b'i, te acacia, aceite tzc'anx 'a cantil, jun tzo'n̈ perjuma tz'at 'a scal aceite tzc'anlb'axi yic 'ay junc tas tz'ochcn yico'oc Dios; q'uen cornalina yet' jun tzo'n̈ xo q'uen q'uen wach' yilxi, yujto a eb' q'uen 'oj 'och 'a te efod, atn te camx chaleco, yet' te smacl yic sn̈i sc'ojl spichl win sat ya'mal 'och sti eb' 'anma 'a Dios.

Pr 11:25

A eb' tz'el 'a sc'ojl ya'n junc tas, tzniwtj tas 'ay 'a eb'; ax eb' tzcolwji, 'oj colxoc pax eb'.

Pr 22:9

A mach 'ela 'a yit 'anma'il, 'oj scha wach'il, yujto tzpojc' tas tzc'ux 'a scal eb' meb'a'.

Is 32:5

A junc amancotn 'anma'il, man̈x 'oj alxoc wach'il; ax junc mach 'e'nc 'a yib'an̈, man̈x 'oj alxoc to 'ay yel'chi.

Is 32:8

Ax pax eb' 'ela ya'n junc tas, a yela'il eb' chi nan yu'uj, yuj yela'il eb' cha, ax yi'n eb' yip.

A Tas Sc'ulejnac Eb' Schecab' Jesús Hechos 20:35

Smasnil tiempo xin ch'ox 'ayex, chajtlto yowlal 'ixta tzcutjec qui b'on qui munljel, sec tztac' tzon̈ colwjec 'a eb' 'ay tas 'ay tz'och yu'uj. Yowlal tzqui nac cot spaxti Cajlil Jesús, yic yaln can 'ixtic: A eb' 'ela', yel xo wal wach' yic eb' 'a yib'n̈ eb' tzchan siylab', xchi. 'Ixta yutjnac yaln can Cajlil, xchi Pablo 'a eb' anciano cha.

Ro 12:8

A mach tztac' ya'n snab'enoc eb', yowlal caw tzmunlj 'a yopiso cha. A mach tztac' scolwj 'a eb' meb'a', yelc'ojlal cab' tzcolwj 'a eb'. A mach 'ay yopiso ya'n cuenta eb' yit creyenteal, caw tzyac' 'ip ya'n cuenta eb'. An̈jtona', a mach tz'o'ch sc'ojl 'a eb' 'aych 'a syailal, yowlal tzcolwj 'a eb' 'a tzaljc'ojlal.

2 Co 8:12

Toto tz'el 'a qui c'ojlec ca'n cofrenda, caw tzalj Dios yet'oc, a tzyala tas 'ay 'ayn̈ec. Matz c'ana, toto may tas 'ay 'ayn̈ec.

Dt 15:14

Tzeyac' jaywn̈oc scalnelu, niwn cab' strigo tzeyac'a, tzeya'n yal uva 'a 'a, tzyal 'el'chi to tze poj tas tzyac' Jehová 'ayx yet'oc.

Filemón 1:14

Palta matz in nib'j tzin b'ab'l b'oj in trato yet'oc, masnto tzwab' 'ayach. Yujto tzin nib'ej tzach colwj 'ayn yet'oc, man̈toc tzach 'ajx pural.

Santiago 5:9

Ex wu'tac, ex wanab', man̈ eya'lac queja e b'a, sec wach' ma'oj e b'eyc'ojlaxi. Yujto jab'xoj 'oj jawc qui Juezalec.

A Sb'ab'el Carta San Pedro 4:9

Ca'c sposada eb' quit creyenteal tzlaj 'ec' 'ayn̈ec, palta man̈oc cab' yet' qui chab'c'ojlal.