2 Co 8:23 - Chuj San Sebastian Bible

²³ Toto 'ay mach 'oj c'anb'noc 'ayex, tas yaj Tito tic, toto xchi eb', tzeyal 'ixtc 'a eb': Yitb'eym sb'a yet' Pablo, to 'ayl munljoc 'a qui calc tic, xe chi. Toto 'ay mach 'oj c'anb'noc pax 'ayex, tas yaj eb' ajun yet' Tito tic, toto xchi eb', tzeyal 'ixtc 'a eb': A eb' tic, checb'il cot eb' yuj eb' creyente 'a jun tzon̈ xo iglesia, caw tzcheclj 'el swach'l Cristo yuj sb'eyb'al eb', xe chi 'a eb'.

Chuj San Mateo Bible

²³ Tato ay eb' sc'anb'an vin̈aj Tito chi' d'ayex, tzeyal d'a eb': Yetb'eyum sb'a vin̈ yed' vin̈aj Pablo, ayul vin̈ munlajel d'a co cal tic, xe chi. Tato ay pax mach sc'anb'an yuj chavan̈ eb' vin̈ cuc'tac yetb'eyum sb'a yed' vin̈aj Tito tic, tzeyal d'a eb': A eb' vin̈ tic, checb'ilcot eb' vin̈ yuj juntzan̈xo iglesia, scheclaj val el svach'il Cristo yuj eb' vin̈, xe chi.

2 Co 8:23 ပူးပေါင်းရင်းမြစ်များ

Lc 5:10

An̈jtona', 'ixta pax Jacobo yet' Juan, atn eb' yunnal Zebedeo, yitb'eym sb'a eb' yet' Simón cha. Caw 'ix sat sc'ojl eb' yilni. Palta xyaln Jesús 'a Simón chi 'ixtic: —Man̈ ach xiwoc; 'icha tzotj a yamn no chay tic, 'ixta 'oj otc e'n cot eb' 'anma 'ayin, xchi 'a 'a.

Lc 5:7

Yuj cha, 'ix ya'n eb' sc'ab' 'a jun tzo'n̈ ewin yitb'eym 'a junx te barco cha, sec tzcot eb' colwjoc yet' eb'. Ax yic xjaw eb', til wal no chay chi xq'ueta, caw xb'ut'j te barco chi schab'l yuj no'. 'Ijn wal tz'ejm te 'a yojl a yuj yal-l no'.

Jn 13:16

Wal yel tzwal 'ayex, may junc moso 'ec'b'al yel'ch 'a yib'n̈ spatron̈. 'Ixta pax eb' checab', may junc eb' 'ec'b'al 'a yib'n̈ jun tzchecn eb' cha.

1 Co 11:7

An̈ winc on̈ec, man̈ smojc tzca'c q'ue junc tas 'a qui jolom, yujto 'icha to yechl Dios cajec, tzqui ch'oxnec 'eli, chajtl yaji. Ax eb' 'ix 'ix, a eb' tzon̈ ch'oxnec 'el an̈ winc on̈ tic.

2 Co 12:18

'In tewnacn 'och 'a Tito, yic 'at ex yilnoc, in checjnac 'at jun cu'tac yet'oc. ¿Tom 'ixtxnacx paxti yuj Tito chi jun? Caw lajnn̈ej 'ec' cutjnac qui b'eyb'al 'a e cal on̈, lajnn̈ej 'ec' cutjnac pax qui nab'en on̈.

2 Co 7:6

Palta a Dios, a tz'a'n sniwnal sc'ojl jantcn̈ej mach 'aych 'a scusc'ojlal. A x'a'n sniwnal qui c'ojl on̈, yujto xjaw Tito 'a tic.

2 Co 8:16

Tzwac' yuj diosal 'a Dios, yujto a tz'a'n jawc 'a sc'ojl Tito, yic tzex sya'ilni, 'icha tzwutj ex wiln an tic.

2 Co 8:18

'Ay junx cu'taquec 'oj qui checb't yet' on̈. A jun tic, caw tzyal eb' creyente wach'l 'a junjn iglesia, yujto caw wach' smunlj 'a wach' 'ab'x yic colnb'il.

2 Co 8:19

An̈jtona', atn jun cu'tac tic sic'b'il 'el yuj eb' creyente 'a junjn iglesia, yic tz'ec' schanc jun colwal chi quet' on̈. Wan qui b'on jun tic on̈, sec 'oj checljoc 'el swach'l Cajlilec, ax scheclj pax 'el swach'l e nab'en.

2 Co 8:22

'Ay pax junx cu'taquec 'oj qui checb't yet' eb' tic on̈. A jun tic, til wal 'ejm 'ix ch'ox sb'a, to yelc'ojlal tzmunlj 'a Cajlilec. Al ticnec, yel xo wal tznib'j tzmunlji, yujto caw tzex ya'ch yipc sc'ojol.

2 Co 8:6

Yuj cha, on̈ tew 'och 'a Tito on̈, sec tz'atx 'ayex. Ax 'at swach' chanc eyofrenda 'oj eyac' yuj e wach'c'ojlal, yujto a x'i'n 'el yich yic tzeya'ni.

A Scarta San Pablo D'a Eb' Aj Filipos 2:25

An̈jtona', tzin na'a, tecn yowlal 'oj in checb't pax cu'tac Epafrodito. Atn jun cu'tac tic e checjnac cot 'a tic, yic tzin wul ya'nc servil. Caw te'n tzyutj sb'a smunlj wet' 'a Cajlil.

A Scarta San Pablo D'a Eb' Aj Filipos 4:3

Ach xo wu'tac, yel quit munljumal qui b'a. Yuj cha, tzin tew 'at 'ayach, caw tzach colwj a b'onyaj jac eb' canb' chi ta', yujto a eb' cha, caw te'n yutjnac sb'a eb' smunlj wet'oc, yic 'ec' walnc 'el wach' 'ab'x yic colnb'il. An̈jtona', 'ix munlj pax Clemente wet'oc, yet' jun tzo'n̈ xo eb'. A eb' cha, tz'ib'b'ilx sb'i eb' 'a jun ch'an̈ libro 'aj 'ay qui b'i an̈ec 'ay qui q'uinl 'a jun 'ejmn̈ej.

A Scarta San Pablo D'a Eb' Aj Colosas 1:7

A Epafras, a cuyjnacx 'a jun 'ab'x tic. Chamc'ojlb'il cujec, yujto quit munljumal qui b'a yet' on̈. Caw yiclum tzyutj sb'a ya'n servil Cristo 'a e cal ta'.

1 Ts 2:2

A 'a chon̈b' Filipos, b'ab'l 'e'nc on̈ on̈. Eyojtac, caw niwn syal 'ec' cab'jnac ta 'on̈. Caw ya'jnac eb' 'anma stul 'ayn̈ on̈. Ax yic qui c'och 'a e chon̈b' cha, caw cab'jnac pax syal ta 'on̈. Palta a qui Diosalec 'ochnc quet' on̈. Yuj wal cha, ma'on̈ xiw caln 'el wach' 'ab'x 'a e cal on̈.

2 Ti 4:10

Yujto a Demas, in yactj can in ch'ocoj. 'Ix 'at 'a Tesalónica, yujto cojn tas 'ay 'a yolyib'n̈q'uinl tic tznib'j 'ochi. Ax cu'tac Crescente, 'ix 'at 'a Galacia. Yet' cu'tac Tito, 'ix 'at pax 'a Dalmacia.

Tito 1:4

Ach Tito, tic tzwa't jun in carta tic 'ayach. Yel 'icha wunnal ach, yujto wu'uj, tza'n 'och a c'ojl 'a Cristo wet'oc. Ya' cab' qui Mam Dios yet' Cajlil Jesucristo qui Colmal, swach'c'ojlal yet' sjunc'ojlal 'ayach. ['O'ch cab' sc'ojl 'aych ta'].

Filemón 1:17

Toto tza na wet'oc, to qui wach'c'ojl qui b'a, caw tza chaj sc'och ta'. 'Icha to an tzin c'ochi, 'ixta tzotj a chan sc'och ta'.

Filemón 1:24

Ax eb' tzmunlj wet' 'a tic, atn Marcos, Aristarco, Demas, yet' Lucas, tic tzya't pax eb' stzatzl a c'ojl jun xo.

3 Jn 1:8

Yuj cha, qui cuentaec qui colwj 'a eb'. Toto 'ixta', locn on̈c wan qui munlj pax yet' eb', yic tz'ec' yalnc 'el eb' jun cuynb'il caw yel.