2 Co 8:21 - Chuj San Sebastian Bible

²¹ Yuj cha, caw wach' tzcutj qui b'on jun tzo'n̈ tic on̈. Man̈ocn̈ej 'a sat Cajlilec wach' tzcutj qui b'a on̈. An̈jtona wach' tzcutj qui b'a 'a sat eb' quit 'anma'il.

Chuj San Mateo Bible

²¹ Yuj chi' te tojol scutej juntzan̈ tic. Man̈ocn̈ej d'a yichan̈ Cajal Jesús tojol scutej co b'a, an̈ejtona' tojol scutej co b'a d'a yichan̈ eb' quetanimail.

2 Co 8:21 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 18:34

Xlajw cha, xyaln 'ixtc 'a eb': —B'ut'c chan̈e'oc ch'ub' yet' a a', tze secn q'ue 'a yib'n̈ no xajmb'al tic yet' sc'atztzil, xchi. 'Ix yaln pax 'a eb', to tzsec q'ue eb' a a chi 'a scha'ejmal; yuj cha, secn q'ue eb' a a cha. Xyaln paxi to tzya'x q'ue eb' a 'a yox'ejmal; 'ix secn q'ue eb' a 'a yox'ejmal cha.

Pr 3:4

Toto 'ixta', caw tzalj Dios et'oc, ax ach sb'inan pax eb' 'anma'.

Mt 23:5

Yujn̈ej to tznib'j eb' wach' 'a sat eb' 'anma', tzcob' sb'onc eb' jun tzo'n̈ tas wach' yil eb'. 'Ay jun tzo'n̈ tz'um 'aj tz'ib'b'il 'och jac spaxti Dios, tzya'ch eb' 'a sc'ab' yet' 'a snan̈l sat, caw niwc tzyutj 'och eb' stz'ib'ul sec wach' eb' snan 'a sat eb' 'anma'. Ax sjucn pichl eb' tzya'chi, yel xo wal caw jucn yajch sti yuj eb'.

Mt 5:16

'Icha junc cantil cha, 'ixta 'ex cab'i', tze ch'oxl e sacq'uinlal 'a eb' 'anma'. Tzyal 'el'chi, atn e wach' b'eyb'al tze ch'ox yil eb', sec 'oj yal eb' wach' paxti 'a qui Mam 'ayc' 'a satcha'an̈.

Mt 6:1

Tzeyil wal e b'a, man̈ cojnoc cab' 'a sat eb' 'anma wach' tzeyutj e b'a. Toto cojn 'a sat eb' wach' tzeyutj e b'a, may jac spac 'oj e cha 'a qui Mam 'ayc' 'a satcha'an̈.

Mt 6:4

Caw c'ultacn̈ej tzex colwj 'a eb' meb'a cha. Wach'xam c'ultac tzex colwj 'a eb', a qui Mam Dios tzyila. Yuj cha, a 'oj pacnc 'ayex.

Ro 12:17

Toto 'ay mach maysch'olnil tzyutj sb'a 'ayn̈ec, caw wal matz tac' qui pacnec qui b'a 'a 'a. Caw wach' tzcutjec qui b'eyb'al 'a sat eb' 'anma smasnil.

Ro 14:18

Toto 'ixta tzcutjec ca'n servil Cristo, 'oj tzaljoc Dios quet'ec. Ax yiln pax eb' quit 'anma'il, to wach' qui b'eyb'alec.

2 Co 2:17

An̈ tic on̈, man̈ yujoc ca'n ganar 'a spatc spaxti Dios, tz'ec' calnc 'el on̈, 'icha tzyutj sb'a nan̈l xo eb'. Tz'ec' cob' sb'al alnc 'el eb'. Palta an̈ xo tic on̈, caw yelc'ojlal tz'ec' cal-l on̈, yujto 'ac'b'il copiso yuj Dios on̈. Tz'ec' cal-l on̈, sec tzalj Dios quet' 'on̈, yujto schecb' on̈ Cristo on̈.

2 Co 8:20

Tzqui nib'j on̈, may mach tz'a'n 'och junc tas 'a quib'n̈ on̈, chajtl tz'ec' cutc qui chan jun ofrenda tic on̈.

2 Co 8:22

'Ay pax junx cu'taquec 'oj qui checb't yet' eb' tic on̈. A jun tic, til wal 'ejm 'ix ch'ox sb'a, to yelc'ojlal tzmunlj 'a Cajlilec. Al ticnec, yel xo wal tznib'j tzmunlji, yujto caw tzex ya'ch yipc sc'ojol.

A Scarta San Pablo D'a Eb' Aj Filipos 4:8

Ax ticnec ex wu'tac, ex wanab', caw ca'c 'och qui nab'en 'a jantcn̈ej tas yel, 'a jun tzo'n̈ smoj 'ay yel'ch 'a qui satec, 'a jantcn̈ej tas tojol, 'a jun tzo'n̈ may spaltail, 'a jantcn̈ej tas wach', 'a jun tzo'n̈ niwn yel'chi. An̈jtona', yet' 'a jantcn̈ej tas wach' 'a sat Dios, yet' 'a jun tzo'n̈ 'aj smoj yalx wach' paxti', ata tzca'c pax 'och qui nab'en.

1 Ts 5:22

Smasnil tas maysch'olnil, caw man̈ e cha eyab'i'.

1 Ti 3:7

A eb' 'ay yopiso, yowlal wach' tzyutj eb' sb'eyb'al 'a sat eb' man̈ creyenteoc, sec ma'oj b'uchxoc eb', yic ma'oj 'ajxc ganar eb' yuj win diablo.

1 Ti 5:14

Yuj cha, tzin nib'ej a eb' cob'stac 'ix chamnc yichmil, wach' tzya'ch eb' yichmil jun 'ejm xo. 'Unewoc cab' eb', munlj cab' eb' 'a yol yatut. Toto 'ixta tzyutj sb'a eb', ax eb' 'ajc'ojl yajch 'ayon̈, matz tac' sb'uchwj eb' 'ayn̈ yuj eb' 'ix.

A Sb'ab'el Carta San Pedro 2:12

Caw wach'n̈j tzcutjec qui b'eyb'al yil eb' mant 'ojtnacoc Dios. A ticnec, tzyal eb' to maysch'olnil tzcutjec qui b'a. Palta toto tzyil eb' qui wach' b'eyb'alec, 'oj yal eb' wach' paxti 'a Dios yic 'oj jawoc.

Rt 3:14

Xlajw cha, 'ix way 'ix Rut 'a yoctc win Booz 'a jun 'ac'wl cha. Caw wal 'ayt sacb'i 'ix q'ue wan 'ix, yujto 'ix yal winac, to may cab' mach tz'ilni, toto xit'c 'ix wayc 'a 'aj tzmunlj win cha.