2 Co 8:18 - Chuj San Sebastian Bible

¹⁸ 'Ay junx cu'taquec 'oj qui checb't yet' on̈. A jun tic, caw tzyal eb' creyente wach'l 'a junjn iglesia, yujto caw wach' smunlj 'a wach' 'ab'x yic colnb'il.

Chuj San Mateo Bible

¹⁸ Ay junxo vin̈ cuc'tac ol co checb'at yed' vin̈. A jun vin̈ cuc'tac tic, tz'alji vin̈ vach'il yuj eb' creyente ay d'a junjun iglesia, yujto smunlaj val vin̈ yalanel vach' ab'ix yic colnab'il.

2 Co 8:18 ပူးပေါင်းရင်းမြစ်များ

Ro 16:4

'Ijn milxnac cham eb' 'a jun 'el, yic xit' 'in scolnc 'elt eb' 'a yol sc'ab' chamel. Yuj cha, caw tzwac' yuj diosal 'a eb'. An̈jtona eb' creyente 'a junjn iglesia 'a scal eb' man̈ israeloc, tzyac' pax eb' yuj diosal 'a eb'.

1 Co 16:3

Tze sic' 'elt jaywn̈oc eb' 'oj in checb't 'a Jerusalén. At 'oj in c'ochi, ax in b'on scarta eb', sec chequel, to 'ay yopiso eb'. Atn eb' 'oj 'i'nc 'at eyofrenda 'a eb' creyente ta'.

1 Co 4:17

Yuj wal jun tic, tzin checn 'at Timoteo tic 'ayex. A Timoteo tic, 'icha to wunnal yaj 'a sat Cajlilec. Caw chamc'ojlb'il wu'uj, caw yiclum pax tzyutj sb'a. A 'oj 'at alnoc 'ayex, ax e nan coti, tas xwutj in b'eyb'al 'a yic wa'n 'och in nab'en 'a Cristo. 'Icha tzwutj in cuyn eb' creyente 'a junjn iglesia, 'ixta 'oj yutc ex scuyn jun xo.

1 Co 7:17

Junjn on̈ec, a tas caj xon yuj Cajlilec yic on̈ yawtnec 'och Dios, tzon̈ cann̈j 'ixta'. 'Ixta tzwutj waln pax 'a eb' creyente 'a junjn iglesia.

2 Co 12:18

'In tewnacn 'och 'a Tito, yic 'at ex yilnoc, in checjnac 'at jun cu'tac yet'oc. ¿Tom 'ixtxnacx paxti yuj Tito chi jun? Caw lajnn̈ej 'ec' cutjnac qui b'eyb'al 'a e cal on̈, lajnn̈ej 'ec' cutjnac pax qui nab'en on̈.

2 Co 2:12

A yic in c'och 'a chon̈b' Troas, waln 'el yab'xil Cristo, caw coln in munlj 'a yic Cajlil ta'.

2 Co 8:19

An̈jtona', atn jun cu'tac tic sic'b'il 'el yuj eb' creyente 'a junjn iglesia, yic tz'ec' schanc jun colwal chi quet' on̈. Wan qui b'on jun tic on̈, sec 'oj checljoc 'el swach'l Cajlilec, ax scheclj pax 'el swach'l e nab'en.