2 Co 7:7 - Chuj San Sebastian Bible

⁷ Man̈ yujocn̈ej xjaw Tito, x'ajx qui niwnc'ojlal on̈, palta caw tzon̈ tzalj pax on̈, yujto xeyac' sniwnal sc'ojl Tito tic, yic yec' 'ayex. A xaln 'ayn̈ on̈, chajtlto caw tze nib'j tzin eyila. 'Ix yaln paxi, to caw tzex cus yuj jun e b'ojnac cha, 'ix yalni, to caw tzin e na'a. Yuj cha, 'ix wach' jaw in tzaljc'ojlal eyu'uj.

Chuj San Mateo Bible

⁷ Man̈ yujocn̈ej to ix ja vin̈aj Tito chi' ix ac'ji snivanil in c'ool, palta tzon̈ tzalaj pax eyuuj, yujto ix eyac' snivanil sc'ool vin̈ ayic ix ec' vin̈ d'ayex. Ix yalan vin̈ d'ayon̈ to e gana tzin e yila'. Ix yalanpax vin̈ to tzex cus val yuj jun ix uji d'a e cal chi'. Ix yalanpax vin̈ to tzin e nacoti. Yuj chi' ix vach' ja in tzalajc'olal eyuuj.

2 Co 7:7 ပူးပေါင်းရင်းမြစ်များ

Salmos 141:5

Palta q'uinloc a junc 'anma wach' snab'en tzin ma'n yet' tz'u'um, mto tzin stumej, a jun cha, caw wach' 'ayin. Yujto lajn 'icha junc perjuma tzlab'b'i tz'ajq'ue 'a in jolom. Palta tzin leslwin̈ej sec tz'och wan eb' maysch'olnil sb'on tas tu'.

Salmos 30:5

Yujto jun wal rato tzcot yowal, palta ax swach'c'ojlal, 'ayc'n̈ej 'a smasnil tiempo. Wach'xam tzon̈ 'o'c 'a 'ac'wal, ax 'a yic tzsa'cb' pax 'eli, tzjapx qui tzaljc'ojlalec jun 'ejm xo.

Salmos 38:18

Yuj cha, 'oj wal q'uet in mul, yujto somchjnacn yuj in mul cha.

Salmos 51:1

Caw 'ay a chamc'ojlal ach in Diosal, 'o'ch cab' wal a c'ojl 'ayin, suc sat in paltail.

Mt 26:75

Yuj cha, 'ix snan cot Pedro tas yaljnac Jesús 'a 'a, yic yaln 'ixtic: Yic mantzac 'oc' no 'ajtzo', 'ox 'ejm 'oj e'l 'a eb'an̈, chajtlto man̈ in ojcoc, xchi Jesús 'a 'a. Yuj cha, yajn̈ej 'ix 'elt Pedro cha, syamn 'och wal yoc' si'mb'il.

Mt 5:4

A eb' tzcus yuj smul, caw wach' yic eb', yujto 'oj 'ajxc sniwnc'ojlal eb' yuj Dios.

Lc 22:44

Caw wal x'och pitz'n cuslal 'a spixan, yuj cha, caw yelc'ojlal xleslwi. Til wal x'el yalil, 'icha yem niwc tz'uj, 'ixta x'aj yel schic'l yaliloc, x'em 'a sat lu'um.]

A Tas Sc'ulejnac Eb' Schecab' Jesús Hechos 11:23

Ax yic xc'och Bernabé, 'ix yilni, to til wal swach'c'ojlal Dios 'ix ch'ox 'a eb'. Yuj cha, caw 'ix tzalj yuj eb', 'ix ya'n snab'enoc eb' smasnil. 'Ix yaln 'a eb' chajtlto caw te'n tzyutj sb'a eb', caw tzya'ch eb' snab'en 'a Cajlilec 'a smasnil tiempo.

Ro 1:12

Tzin nib'ej, a yic 'oj in c'och eyet' ta', 'oj laj qui mol jucb'tzoquec qui b'a 'a tzaljc'ojlal. Yujto jun lajnn̈ej tzcutjec ca'n 'och Cristo 'a qui c'ojol.

1 Co 5:2

Eyojtac, 'ixta tzyutj sb'a winac, palta an̈ja e b'an̈n e b'a. Smoj wal caw tzex cus si'mb'il. A win tzb'on jun maysch'olnil cha, yowlal tzeyij 'el 'a e cal.

2 Co 1:14

Yuj cha, tzwa'ch yipc in c'ojol, to 'oj wach' nachjc 'el eyu'uj, chajtlto a yic 'oj jawc Cajlil Jesús, 'oj stac' e tzalj cuj on̈, 'icha tzon̈ 'aj qui tzalj eyuj on̈.

2 Co 1:4

A yic tzcab'nec syail, a tz'a'n sniwnal qui c'ojlec, sec wach' tztac' ca'nec sniwnal sc'ojl eb' tz'ab'n pax syail. 'Icha tzyutj Dios ya'n sniwnal qui c'ojlec, 'ixta tzcutjec pax ca'n sniwnal sc'ojl eb'.

2 Co 2:9

In tz'ib'jnac 'at 'ayx yuj jun tic 'a jun 'el, yic wa'n ex prowal. Yujto in nib'j wojcoc 'eli, toto yel tzeyiclj tas tzwala.

2 Co 5:2

Yel toni, a yic 'ayn̈ect 'ec' 'a jun qui niwnal tic, tzon̈ c'acwec, yujto tzqui nib'jec tz'ajx junx yic satchan̈ chi 'ayn̈ec.

2 Co 7:6

Palta a Dios, a tz'a'n sniwnal sc'ojl jantcn̈ej mach 'aych 'a scusc'ojlal. A x'a'n sniwnal qui c'ojl on̈, yujto xjaw Tito 'a tic.

2 Co 7:8

Wach'xam caw x'och e cusc'ojlal yuj jun carta wa'jnac 'at 'ayex, palta matz in cus yu'uj. Cusnc in ton yuj 'a jun 'el, yujto xwab'i, to 'ochnc e cusc'ojlal jun tiempoal yu'uj.

2 Co 8:16

Tzwac' yuj diosal 'a Dios, yujto a tz'a'n jawc 'a sc'ojl Tito, yic tzex sya'ilni, 'icha tzwutj ex wiln an tic.

A Scarta San Pablo D'a Eb' Aj Filipos 1:20

Tzwa'ch yipc in c'ojol, to ma'oj wac' in q'uixwloc. Tzin nib'ej, caw te'n 'oj wutc waln 'eli, 'icha xon tzwutj in b'a. Toto 'ixta', wach'xam pitzn in, wach'xam tzin chami, wu'uj 'oj checljoc can 'eli, chajtlto caw niwn yel'ch Cristo.

A Scarta San Pablo D'a Eb' Aj Colosas 2:5

Wach'xam man̈ in 'ayc 'ec' eyet' ta', palta 'icha to caw 'ayn 'ec' eyet'oc. Yuj cha, caw tzin tzalji, yic tzwab'ni to junn̈j tzeyutj e b'a ta', te'n tzeyutj eya'n 'och e c'ojl 'a Cristo.

1 Ts 3:6

Al ticnec, 'ix xit' Timoteo tic 'ayex. 'Ix yal eyu'uj, to an̈ja 'aych e c'ojl 'a Cristo, an̈ja 'ay e chamc'ojlal ta'. 'Ix yalni, to smasnil tiempo tzon̈ e na cot on̈, tzon̈ e chamc'ojlan cot on̈. 'Ix yaln paxi, to caw tze nib'j tzon̈ eyil on̈. An̈jtona', 'ixta 'on̈ pax on̈, caw tzqui nib'j tzex quil on̈.

1 Ts 3:8

A yic xcab'n on̈, to an̈ja te'n tzeyutj eya'n 'och e nab'en 'a Cajlilec, xjapx can qui c'ojl eyuj on̈.

A Ch'an̈ Carta D'a Eb' Hebreo 2:1

Yuj cha, yowlal caw tzca'c 'och qui nab'en 'a jun tzo'n̈ cuynb'il xlaj cab'ec. Toto ma'ay, 'ay smay jab'jnal 'oj qui wach' juwc 'eli.

Santiago 5:17

A 'e'nc Elías 'a pecti', 'anman̈ej win 'icha on̈c tic. A yic sleslwi 'a smasnil sc'ojol, sec matz yac' n̈ab', nan̈l schan̈l ab'il man̈x 'ic yac' n̈ab' yu'uj.

2 Jn 1:4

Caw wal xjaw in tzaljc'ojlal, yic xwab'ni, to 'ay eb' one wan sb'eylb'an jun cuynb'il caw yel, 'icha yaj yaln can qui Mam Dios 'ayn̈ec.

San Judas 1:3

Ex chamc'ojlb'il wu'uj, caw xin nib'j xwa't junc in carta 'ayex, yic tzwaln 'at 'ayx yuj qui colnb'ilec. Palta ax ticnec, 'ay jun caw yowlal 'oj walb't 'ayex. Tzin tew 'at 'ayex, caw tzeyac' eyip, sec may tz'aj sjuw jun tzo'n̈ cuynb'il 'aj tzca'c 'och qui c'ojol. Yujto an̈ec yic on̈c xo Dios tic, a 'ayn̈ec ya'jnac can jun tzo'n̈ cuynb'il tic 'a jun 'ejmn̈ej.