2 Co 7:15 - Chuj San Sebastian Bible

¹⁵ A Tito tic, caw niwn schamc'ojlal 'ayx ticnec, yujto tzna coti, chajtl eyutjnac eyiclni tas xyal 'ayex. Tznan cot paxi, to caw 'emmquilal eyutj e b'a yic e chan sc'och ta', xiwc'ojlal eyutjnac e b'a.

Chuj San Mateo Bible

¹⁵ A vin̈ tic, te xajan exxo pax yuj vin̈ ticnaic, yujto snacot vin̈ tas eyutejnac e c'anab'ajan tas yalnac vin̈ d'ayex. Snaanpaxcot vin̈ to emnaquil eyutejnac e b'a e chaan vin̈, xivc'olal eyutejnac e b'a d'a vin̈.

2 Co 7:15 ပူးပေါင်းရင်းမြစ်များ

Gn 43:30

Xlajw yaln José jun tzo'n̈ cha, caw wal x'och pitz'n 'a spixn yiln 'och jun yu'tac cha, 'ijn wal x'oc' muc'uc. Yuj cha, yajn̈ej x'och 'a yol scuarto, axta x'oc' wal si'mb'il.

A Ch'an̈ B'ab'el Libro Yic Yab'ixal Eb' Rey 3:26

Palta ax 'ix snun jun 'unn pitznto cha, caw 'ix 'och pitz'n cusc'ojlal 'a 'ix yuj jun yune cha, 'ix yaln 'ix 'a win rey chi 'ixtic: —¡Mamin rey! ¡'El cab' 'a a c'ojol, matz polx 'ejm snan̈l jun 'unn pitznto tic! ¡'Ajx cab' 'a 'ix tic! xchi 'ix. Palta 'ix yaln junx 'ix cha: —Matz can wet'oc, matz can pax yet' 'ix. ¡Polx cab' 'ejm snan̈al! xchi 'ix.

Esdras 10:9

Yuj cha, smasnil eb' winc yic Judá yet' eb' yic Benjamín, 'ix syam sb'a eb' 'a Jerusalén 'a yoxl c'u cha, atn 'a junc'l yoch sb'aln̈il 'uj. 'Ix 'em wocn eb' smasnil 'a yamq'uil yatut Dios, caw wal tzxiw eb' yuj jun paxti cha, tz'ib'x pax eb' yuj n̈ab' tz'ejmi.

Esdras 9:4

'Ix syamn sb'a smasnil eb' wit israelal wet'oc, atn eb' to tzxiw 'a spaxti Dios, eb' tzyab' syal yuj smul eb' paxncta 'a Babilonia. Palta an xo tic, an̈ja wocn in 'ejmi, man̈x 'anmac yaj in nab'en xwab'i, masnto 'a yorail yajx xajmb'al yic yemc'ual.

Job 21:6

A yic tzin nan cot jun tzo'n̈ cha, caw tzin xiw chan̈ yu'uj, tzchinchni in niwnal xiwi.

Salmos 119:120

Mamin, a 'in niwnal tic, tz'ib'x yuj xiwlal 'a ojltac, yujto caw niwn yel'ch a ley 'a in sat.

Salmos 2:11

'A'c 'emmquilal 'a Jehová yet' e tzaljc'ojlal. 'Ay cab' pax yel'ch 'a e sat.

Cantares 5:4

Ax ni quelm cha, xya'n 'och ni sc'ab' 'a jun oln 'a smac watut. A yic xwab'n yawj 'och na, in q'ue jucnjoc 'a wet'ul, palta caw 'ijn in cham mu'c xwab'i. Xlajw cha, xin jacn smac watut cha, sec tz'och ni quelm chi walni, ax yic xin yamn sch'apl watut cha, 'ix tz'ujlni 'ejm yal mirra 'a yune in c'ab', 'ix 'em t'ujljoc 'a yib'n̈ te sch'apl smac watut cha. Ax yic xin jacn watut chi 'a ni quelm cha, ax x'aji, tox x'atx na. In cob' 'eltc in sayc' na, palta man̈x 'ic chax ni wu'uj, in cob' 'awj 'a na, palta man̈x 'ic ta'w ni 'ayin.

Is 66:2

An Jehová in, an tzwala. An b'ojnac smasnil tas, 'ixta 'ajnc spitzw chan̈ smasnil. Palta an tic tz'o'ch in c'ojl 'a eb' 'anma 'emmquilal yeq'ui, eb' tzlaj yab' syal yuj smul, eb' to 'ay yel'ch in paxti 'a sat.

Os 13:1

A yic xpaxtin eb' yichm wincal chon̈b' Efraín 'a scal eb' israel 'a yic pecti', caw 'ay yel'ch eb' 'a sat jun tzo'n̈ xo eb' yit israelal. Ax ticnec ex yin̈tl Efraín, 'oj e cham yuj e mul xeya'chi, yic x'at eya'nc 'emmquilal 'a jun yechl Baal.

Jn 16:21

Q'uinloc 'ay junc 'ix ticnec, wan yalj yune'. Tzcus toni, yujto 'aych 'a syailal. Palta ax yic tox 'ix 'alj yune cha, man̈xtzac sna cot syailal cha, caw tzalj paxi, yujto x'alj jun 'unn chi 'a yolyib'n̈q'uinl tic.

A Tas Sc'ulejnac Eb' Schecab' Jesús Hechos 16:29

Yuj cha, 'ix sc'ann cot win staj. 'Ix 'ochch win 'a 'aj 'ay eb' cha. Caw x'ib'x chan̈ win yuj xiwlal. 'Ix 'em cumn win 'a yojltac Pablo yet' Silas.

1 Co 2:3

A yic wec' ta', may wel'ch 'a sat junc 'anma'. 'Ib'xnacn yuj xiwlal.

2 Co 2:9

In tz'ib'jnac 'at 'ayx yuj jun tic 'a jun 'el, yic wa'n ex prowal. Yujto in nib'j wojcoc 'eli, toto yel tzeyiclj tas tzwala.

2 Co 6:12

Caw man̈x 'a junc tas xqui c'ub'j 'el 'ayx on̈. Palta ax xo, 'ay jun tzo'n̈ tas xe c'ub'j 'el 'ayn̈ on̈.

Ef 6:5

Ax xo moso eyaji, tzeyiclj tas tzyal e patron̈ 'a yolyib'n̈q'uinl tic. 'Ay cab' yel'ch eb' 'a e sat, tzex xiw 'a eb'. Yelc'ojlal tzex munlj 'a eb', 'icha cab' to wan e munlj 'a Cristo.

A Scarta San Pablo D'a Eb' Aj Filipos 1:8

Tzyil Dios, to caw tzex in chamc'ojlej e masnil yet' schamc'ojlal Jesucristo.

A Scarta San Pablo D'a Eb' Aj Filipos 2:12

Yuj cha, ex chamc'ojlb'il wu'uj, yiclumn̈ej cab' tzeyutj e b'a 'icha xon e ley. Caw tzeyac' eyip 'a 'emmquilal, 'a xiwc'ojlal, sec 'oj 'el'choc e colnb'il eyu'uj. Man̈ cojnoc yic 'ayn 'ec' eyet' ta', 'ixta tzeyutj e b'a. Palta tze wach' b'oj jun tzo'n̈ tic, yic man̈ in 'ayc 'ec' eyet'oc.

A Scarta San Pablo D'a Eb' Aj Colosas 3:12

A Dios, caw 'ay schamc'ojlal 'ayn̈ec. On̈ si'c 'och yico'oc. Yuj cha, caw wach' cab' tzcutjec qui b'eyb'al 'a sat. Tz'o'ch qui c'ojlec 'a eb' quit 'anma'il, wach' tzcutjec qui b'a 'a eb'. 'Emmquilal tzlaj cutquec qui b'a. Tzca'nec niwnc'ojlal 'a eb' tzlaj 'och smul 'ayn̈ec.

2 Ts 3:14

Toto 'ay eb' matz yiclni tas tzcalb't 'ayx 'a jun qui carta tic on̈, yowlal tze checltej 'el eb' 'a e cal, sec 'oj q'uixwc 'el eb'. An̈jtona', caw matz tac' jun tzex 'ec' yet' eb'.

1 Jn 3:17

Q'uinloc 'ay tas 'ay 'ayn̈ec, ax tzquilnec junc quit creyenteal to caw 'ay tas sc'a'l tz'och yu'uj. Toto matz 'o'ch qui c'ojlec 'a 'a, may jac qui chamc'ojlalec 'a Dios tzyal cha.