2 Co 7:13 - Chuj San Sebastian Bible

¹³ Yuj cha, caw x'ajx sniwnal qui c'ojl on̈. Man̈ cojnoc x'ajx sniwnal qui c'ojl on̈. Caw xwach' jaw pax qui tzaljc'ojlal on̈, yic xyaln Tito, to caw tzalj eyet'oc, yujto 'ix wach' jaw sniwnc'ojlal eyuj e masnil.

Chuj San Mateo Bible

¹³ Yuj chi' ix ac'ji snivanil co c'ool. Man̈ocn̈ej ix ac'ji snivanil co c'ool. Ix vach' ja pax co tzalajc'olal ayic ix yalan vin̈aj Tito to ix te tzalaj vin̈ eyed'oc, yujto ix vach' ja snivanil sc'ool vin̈ eyuuj e masanil.

2 Co 7:13 ပူးပေါင်းရင်းမြစ်များ

Ro 12:15

A mach tzalji, tzalj coyc yet'oc. Ax mach tzcusi, cus coyc pax yet'oc.

Ro 15:32

Tzex leslwi pax wu'uj, sec tzaljc'ojlal 'oj in c'och eyet' ta', toto 'ixta tznib'j Dios. 'Oj wilj jaye'oc c'u 'aj 'ayx cha.

1 Co 12:26

Q'uinloc 'ay junc eb' tzyab' syail, tzyab' syal pax smasnil yet'oc. Toto 'ay pax junc tzaljc'ojlal yaji, tzaljc'ojlal yaj eb' smasnil yet'oc.

1 Co 16:13

Macwjan̈ec, caw te'n tzeyutj e b'a eya'n 'och e c'ojl 'a Cajlilec. Man̈ ex xiwoc. Caw tze te'wtzej e b'a junjn ex.

1 Co 16:18

'Icha xyutj eb' ya'n sniwnal e c'ojl ta', 'ixta tzyutj eb' ya'n pax sniwnal in c'ojl 'a tic. Comnoc 'ay yel'ch eb' 'a e sat. Toto 'ay jun tzo'n̈ xo eb' 'icha eb' tic, 'ay cab' yel'ch pax eb' 'a e sat.

2 Co 2:13

Palta x'och jab' in somc'ojlal, yujto ma'ix 'ilchj cu'tac Tito wuj ta'. Yuj cha, waln can in b'a 'a eb', in cotx ta', in jaw 'a Macedonia tic.

2 Co 2:3

'Ixta wutjnac waln 'at 'ayx 'a junx in carta, yujto in nib'jnac, ma'in 'at wa'ch e cusc'ojlal. Smoj to ax tzeyac' in tzaljc'ojlal. Xwa'ch yipc in c'ojol, toto tzjaw in tzaljc'ojlal, ax sjaw pax e tzaljc'ojlal jun xo.

2 Co 7:14

A 'a jun 'el, ex wal wach'l 'a Tito tic, al ticnec, matz in q'uixw yuj tas waljnac cha. Jantcn̈ej tas caljnac 'ayx on̈, caw yel. An̈jtona', yic caln e wach'l 'a Tito on̈, caw yel xcal on̈.

2 Co 7:15

A Tito tic, caw niwn schamc'ojlal 'ayx ticnec, yujto tzna coti, chajtl eyutjnac eyiclni tas xyal 'ayex. Tznan cot paxi, to caw 'emmquilal eyutj e b'a yic e chan sc'och ta', xiwc'ojlal eyutjnac e b'a.

2 Co 7:6

Palta a Dios, a tz'a'n sniwnal sc'ojl jantcn̈ej mach 'aych 'a scusc'ojlal. A x'a'n sniwnal qui c'ojl on̈, yujto xjaw Tito 'a tic.

A Scarta San Pablo D'a Eb' Aj Filipos 2:28

Yuj cha, caw tzin nib'j tzin checb't pax 'ayex, sec 'oj e tzalji, ax eyiln sc'ochx 'ayx jun 'ejm xo. Toto 'ixta', an xo tic, 'oj wach' sat in cusc'ojlal 'a tic.

2 Ti 1:16

Palta caw tzin nib'j tz'o'ch sc'ojl Cajlil 'a eb' 'ay 'a yol yatut Onesíforo, yujto niwn 'ejm xwul yac' sniwnal in c'ojol. Wach'xam preso waji, palta ma'ix q'uixw sjaw 'ayin.

Filemón 1:20

Yuj chi wu'tac, colwjan̈ 'ayin, yujto creyente on̈ 'a Cajlil, sec tzac' in tzaljc'ojlal yuj Cristo.

Filemón 1:7

Caw tzin tzalj o'oj, yujto 'ay ab' a chamc'ojlal ta'. O'oj caw tzjaw sniwnal in c'ojl 'a tic, yujto ach tic wu'tac, caw tzac' stzaljc'ojlal eb' creyente ta'.

A Sb'ab'el Carta San Pedro 3:8

An̈jtona', tzwaln pax 'at junx tic 'ayex. Caw junxn̈ej tzlaj eyutc e nab'en e masnil. Toto 'ay eb' tzcusi, tzex colwj 'a eb'. Tzlaj e chamc'ojloc e b'a, yujto creyente ex. Tzlaj 'o'ch e c'ojl 'ayx junjn ex. 'Emmquil tzeyutj e b'a junjn ex.