2 Co 7:11 - Chuj San Sebastian Bible

¹¹ Palta ax xo, caw 'ochnc e cusc'ojlal 'icha tznib'j Dios. Yuj cha, nac coti, tas 'ajnc ex yu'uj. Caw yelc'ojlal 'ochnc ex 'il, caw e coljnac e b'a, cotnc eyowl yuj jun maysch'olnil xb'o 'a e cal cha. Xiwnc ex paxi, caw e nib'jnac in e c'umoc, 'elnc 'a e c'ojl eya'n 'och 'a yib'n̈ jun 'ochnc smul cha. 'Ixta eyutjnac e ch'oxni, to man̈ex locnoc 'a jun maysch'olnil cha.

Chuj San Mateo Bible

¹¹ Palta a exxo tic, ochnac e cusc'olal icha sgana Dios. Yuj chi' naeccoti tas ajnac ex yuuj. Ochnac ex val d'a ilc'olal sic'lab'il. E sayannac modo tas tz'aj e colan e b'a. Cotnac eyoval yuj jun chucal ujinac d'a e cal chi', xivnac ex pax yuuj. E nib'ejnac val in e c'umej. E nanac eyac'b'at d'a yib'an̈ jun vin̈ ochnac smul chi'. Icha chi' eyutejnac e ch'oxani to man̈xo ex locanoc d'a jun chucal chi'.

2 Co 7:11 ပူးပေါင်းရင်းမြစ်များ

Nehemías 13:25

A yuj jun cha, xin tej in b'a yet' eb', xin catb'tzej can eb'. 'Ay eb' xin mac'a, xin to'n 'el xil sjolm eb', xwa'n pax pural eb' ya'n sti 'a Dios, to man̈xtzac yij sb'a yunnal eb', yisl eb' yet' eb' chuc chon̈b'al. An̈jtona', matz tac' pax yoch eb' 'ix chuc chon̈b'al chi yistloc eb'. 'Ix waln pax 'ixtic:

Job 42:6

Yuj cha, tznachj 'el wu'uj to may jac wel'chi, yel xo wach' tzin 'emwocn 'a sat lu'um, mto 'a scal stan̈il c'ac' yic tzin nan in b'a yuj tas xwala, xchi Job.

Salmos 119:139

Caw tztac in c'ojl wiln 'och eb' 'ajc'ojl yajch 'ayin, yujto may yel'ch a paxti 'a eb'.

Salmos 130:6

Caw tan̈b'il a colwal wu'uj, 'icha stan̈wni eb' tan̈m chon̈b' sacb'i, 'icha snib'n eb' sacb' cha, 'ixta 'in.

Salmos 145:19

A eb' yiclum 'ayach, tzac' tas tznib'j eb'. A yic tzc'ann eb' a colwal, yajn̈j cha, tzach colwj 'a eb'.

Salmos 2:11

'A'c 'emmquilal 'a Jehová yet' e tzaljc'ojlal. 'Ay cab' pax yel'ch 'a e sat.

Salmos 35:13

Palta an xo pax tic, a yic ya'ay eb', tzwa'n 'och in b'a 'a cusc'ojlal yet' 'a c'ajb'c'ojlal yuj eb'. Tzin cusi, caw matz in 'och wan in leslwi yuj eb'.

Salmos 38:9

Mamin, a wal yic si'sni sjaw in c'ojol, ojc wal smasnil tas tzin nib'ej, c'uxn tzel smasnil, may tas c'ultac yaj 'ayach.

Salmos 42:1

Ach in Diosal caw wal tzin nib'j to junn̈j in et'oc 'icha wal snib'n junc no c'ultquil chej yuc' a a yuj tacn̈ti'al, 'ixta waj et'oc.

Salmos 69:9

Caw pitz'n 'och 'a in c'ojl in ya'iln atut, a wal yic tzb'uchwj eb' 'anma 'ayach, caw locn in tzwab' syail.

Pr 14:16

Toto 'ay qui nab'enec, tzon̈ xiwc 'a tas 'ay smay, tzqui'nec 'el qui b'a 'a scal maysch'olnil, ax toto tu qui nab'enec, caw tzqui b'an̈c qui b'a, may yel'ch junc tas 'a qui satec.

Pr 28:14

Caw tzaljc'ojlal yic junc mach to 'ay yel'ch Jehová 'a sat, ax toto pit tzyutj snab'en, 'oj cotcn yailal 'a yib'an̈.

Cantares 8:6

Comnoc matz chaj a c'ojl tas tzyal junc xo 'ix 'ix, cojn cab' wic tzchaj a c'ojol. May cab' junc xo mach tza la'coti, cojn in cab' tzin a la'coti. A qui chamc'ojlal 'ayn̈ junjn on̈, 'ay cab' yip 'icha chamel. 'Icha yet'l eb' chamnac, matz yactj 'el tas yamb'il yu'uj, 'ixta cab' qui chamc'ojlal tic, lajn cab' 'icha te stzac'ac' caw ow sn̈ilchji.

Is 26:8

Mamin Jehová, an̈ tic on̈ caw wal tzqui b'eylb'ej jun tzo'n̈ b'eyb'al tzyal a ley. A wal tas tzqui nib'ej, to nab'ilchn̈ej cuj on̈.

Is 66:2

An Jehová in, an tzwala. An b'ojnac smasnil tas, 'ixta 'ajnc spitzw chan̈ smasnil. Palta an tic tz'o'ch in c'ojl 'a eb' 'anma 'emmquilal yeq'ui, eb' tzlaj yab' syal yuj smul, eb' to 'ay yel'ch in paxti 'a sat.

Dn 6:14

A yic xyab'n win rey jun cha, caw wal x'och pitz'n cusc'ojlal 'a winac, til to wal x'ec' win rey chi snani tas tzyutj scoln 'el Daniel cha, masnto x'em c'u.

Mr 3:5

'Ix 'ec' q'uel-loc Jesús 'a eb', 'ix cot yowal, 'ix cus pax cha'an̈, yujto caw pit eb', 'ix yaln 'a win 'ixtic: —'A' cot a c'ab', xchi. 'Ix ya'n 'at win sc'ab' 'a 'a, 'ixta to b'i'an, 'ix b'ox cani.

Jn 2:17

Ax eb' scuywum, 'ix snan cot eb' tas tzyal 'a Ch'an̈ U'un̈, 'a 'aj tzyal 'ixtic: Caw pitz'n 'och 'a in c'ojl in ya'iln atut, xchi.

A Tas Sc'ulejnac Eb' Schecab' Jesús Hechos 17:16

Ax Pablo, 'ix stan̈wni sc'och Silas yet' Timoteo 'a chon̈b' Atenas. Ata', til wal jun tzo'n̈ tas tzya'ch eb' 'anma sdiosaloc. Yuj cha, caw wal xcus sc'ojl yilni.

Ro 11:20

Yel toni, 'icha to tzuc'b'il 'el eb' israel cha, yujto ma'ix ya'ch eb' sc'ojl 'a Dios. Ax xo, yujn̈ej to tzeya'ch e c'ojl 'a 'a, ex 'ochcn sjelc eb'. Yuj cha, xe b'an̈t e b'a, tzeyil wal e b'a.

Ro 14:18

Toto 'ixta tzcutjec ca'n servil Cristo, 'oj tzaljoc Dios quet'ec. Ax yiln pax eb' quit 'anma'il, to wach' qui b'eyb'alec.

Ro 3:5

An̈ec tic, man̈ on̈ tojloc. Yuj cha, tzcheclj 'eli to cojn Dios tojol. Palta ¿tasm tze na'a? ¿Tom man̈ tojloc Dios yujto 'oj ya'ch qui yailalec yuj qui mul? 'Ay eb' 'anma tznan 'ixta'.

1 Co 12:25

Yuj cha, matz tac' spojn sb'a qui niwnalec tic. Yujto tzmol coltj sb'a junjn tas 'ay 'a 'a.

1 Co 5:2

Eyojtac, 'ixta tzyutj sb'a winac, palta an̈ja e b'an̈n e b'a. Smoj wal caw tzex cus si'mb'il. A win tzb'on jun maysch'olnil cha, yowlal tzeyij 'el 'a e cal.

2 Co 13:7

Tzon̈ leslwi 'a Dios eyuj on̈, sec matz e b'o junc maysch'olnil. Man̈ ton̈joc tzon̈ leslwi eyuj on̈, sec tzcheclj 'eli, to wach' qui munljel on̈. Wach' cab' tzcheclj 'eli, to man̈ wach'c qui munljel on̈, palta an̈ja tzqui nib'j on̈, to wach' tzeyutj e b'eyb'al.

2 Co 2:6

A jun yailal eya'jnac 'och 'a yib'an̈, yic eya'n cuenta, colb'il cab'i'.

2 Co 6:4

Smasnil tiempo tzqui ch'oxl qui wach' b'eyb'al on̈, yujto ya'mal on̈ servil Dios on̈. Caw te'n tzcutj qui b'a ca'n techjoc yailal on̈, 'ay 'aj 'ay tas caw sc'a'l tz'och cuj on̈, 'ay 'aj caw tz'och oyn yailal 'ayn̈ on̈.

2 Co 7:1

Ex chamc'ojlb'il wu'uj, atn jun tzo'n̈ tic yaljnac can Dios, yic ya'n can sti 'ayn̈ec. Yuj cha, caw qui wach' 'actquec can jantcn̈ej tas tz'i'n 'at qui niwnal yet' qui nab'enec 'a maysch'olnil. Yowlal tzqui wach' tojlb'tzejc qui nab'en si'mb'il, yuj qui xiwc'ojlalec 'a 'a.

2 Co 7:7

Man̈ yujocn̈ej xjaw Tito, x'ajx qui niwnc'ojlal on̈, palta caw tzon̈ tzalj pax on̈, yujto xeyac' sniwnal sc'ojl Tito tic, yic yec' 'ayex. A xaln 'ayn̈ on̈, chajtlto caw tze nib'j tzin eyila. 'Ix yaln paxi, to caw tzex cus yuj jun e b'ojnac cha, 'ix yalni, to caw tzin e na'a. Yuj cha, 'ix wach' jaw in tzaljc'ojlal eyu'uj.

2 Co 7:9

Ax ticnec, wach'xam x'och e cusc'ojlal yu'uj, palta tzin tzalji, yujto yuj e cusc'ojlal cha, e nan e b'a. Cusnc ex 'icha tznib'j Dios, yuj cha, may jac x'aj sjuw 'el e nab'en cuj on̈.

2 Co 9:2

Yujto wojc xoni, to caw tze nib'j colwjc e b'a 'a eb'. Wan ex waln wach'l 'a eb' 'aj Macedonia tic. Tzwal 'ixtc 'a eb' eyu'uj: A eb' 'a yol yic Acaya, yab'lil xo sc'ojl eb' yi'n chan̈ yofrenda, xin chi. Ax eb' 'aj Macedonia tic, yic 'ix yab'n eb', to yelc'ojlal tzeyac' eyico', yuj cha, til wal eb' x'el 'a sc'ojl ya'n yic jun xo.

Ef 4:26

Toto 'ay 'aj tzlaj cot eyowal, man̈ e b'o junc maysch'olnil yuj jun eyowl cha. Matz tac' an̈j 'ijnoc 'ay cot eyowal tz'ejm c'u.

Ef 5:11

Man̈ eya't e b'a 'a scal jun tzo'n̈ tas tzlaj sb'o eb' q'uic'q'uinl to yaj spixan, yujto a jun tzo'n̈ tas tzlaj sb'o eb', may jac yopiso. Yel xo wach' tzeyal-li, tze ch'oxli, to may yel'ch jun tzo'n̈ cha.

A Scarta San Pablo D'a Eb' Aj Filipos 2:12

Yuj cha, ex chamc'ojlb'il wu'uj, yiclumn̈ej cab' tzeyutj e b'a 'icha xon e ley. Caw tzeyac' eyip 'a 'emmquilal, 'a xiwc'ojlal, sec 'oj 'el'choc e colnb'il eyu'uj. Man̈ cojnoc yic 'ayn 'ec' eyet' ta', 'ixta tzeyutj e b'a. Palta tze wach' b'oj jun tzo'n̈ tic, yic man̈ in 'ayc 'ec' eyet'oc.

1 Ts 4:6

Caw man̈ quixtquec junc eb' quit creyenteal yet' jun tzo'n̈ tic. Xcham wal 'ec' calnc 'ayx on̈, toto 'ay eb' tzb'on jun tzo'n̈ maysch'olnil tic, caw 'oj yac' Dios syailal eb'.

1 Ti 5:20

Toto 'ay mach matz yactj can sb'on maysch'olnil, caw tza tench wan eb' 'a sat eb' creyente smasnil, sec 'oj xiw eb' smasnil yoch smul 'a Dios.

2 Ti 2:15

Caw tzac' 'ip a munlj 'a yic Dios, sec tzyila, to wach' a munljel, caw tojl tzotj aln 'el spaxti Dios caw yel. Toto 'ixta tzotj a b'a, may yuj 'oj a q'uixw 'a sat Dios.

Tito 3:8

A jun tzo'n̈ tic, caw yel. Tzin nib'j caw te'n tzotj a b'a aln 'el jun tzo'n̈ cuynb'il tic, sec wach' a eb' tzya'ch sc'ojl 'a Dios, 'oj ya'ch wal eb' snab'en sb'on jun tzo'n̈ tas wach'. A jun tzo'n̈ cuynb'il tic, caw wach'. Caw 'ay yopiso 'ayon̈ yet' 'a smasnil 'anma'.

A Ch'an̈ Carta D'a Eb' Hebreo 4:1

Ya'jnac can Dios sti', chajtlto tztac' tzon̈ 'ochc 'iljoc yu'uj. Yuj cha, caw ca'c cuenta qui b'a si'mb'il, sec toq'ue may junc mach 'a qui calc to ma'oj tzawnoc yoch 'iljoc yu'uj.

Santiago 3:17

Palta ax jun jelnal tzcot 'a satcha'an̈, man̈ 'ichcta tz'aji. Toto 'aych jun jelnal tic 'ayn̈ec, may qui paltailec 'a sat Dios, junc'ojlal xoj tzcutjec qui b'a. 'Emmquilal tzcutjec qui b'a. Yiclum on̈cn̈ej 'a junc tas. Caw tz'o'ch qui c'ojlec 'a eb' quit 'anma'il, 'ela tzlaj cutquec qui b'a 'a eb'. Man̈ qui chab'c'ojloquec eb' quit 'anma'il, man̈ chab'satoc tzcutjec pax qui b'a 'a eb'.

A Sb'ab'el Carta San Pedro 1:17

A Dios, 'oj sb'eyc'ojloc junjn 'anma', a tzyala tas sb'eyb'al jun jun. Yuj cha, toto tzcalc qui Mamoc, caw xiw coyc 'a 'a, ya' sb'a 'ayn̈ect 'ec' 'a yolyib'n̈q'uinl tic.

A Sb'ab'el Carta San Pedro 2:2

'Icha junc tz'ulc 'unn tznib'j yim, 'ixta cab' e nib'n jun cuynb'il yic Dios, atn jun may jac spaltail, sec 'oj 'och ste'nal e nab'en yu'uj, ax e wach' colchji.

San Judas 1:23

Yet' pax eb' 'icha to 'ay't 'a scal c'ac', qui colc 'elt eb'. 'Icha to wan qui to'nec can 'elt eb' 'a scal c'ac' cha. 'Ay pax jun tzo'n̈ xo eb', yowlal tz'o'ch qui c'ojlec 'a eb'. Palta xiw coyc cab' pax yuj eb', yujto 'ay smay tzon̈ juwc 'el yuj sb'eyb'al eb'. Ax jun tzo'n̈ maysch'olnil chi tzb'o eb' cha, caw qui yajc can 'el smasnil, 'icha tzqui yajc 'el junc pichl caw b'i'chtac.

Apoc 3:19

Jantcn̈ej eb' chamc'ojlb'il wu'uj, tzin tench wan eb', tzwa'n syailal eb'. Yuj cha, caw nac e b'a, tzeya'n pax 'och e nab'en 'ayin.