2 Co 7:10 - Chuj San Sebastian Bible

¹⁰ Toto tzon̈ cusc 'icha tznib'j Dios, yuj jun cusc'ojlal cha, tzqui nanec qui b'a, ax qui colchjec. Toto 'ixta', matz on̈ caw cusc yu'uj, palta 'ay junc'aj xo cusc'ojlal. A jun cha, yic yolyib'n̈q'uinl tic. A eb' tzcus 'ixta', ton̈j tz'atcn eb' 'a chaml 'a jun 'ejmn̈ej yu'uj.

Chuj San Mateo Bible

¹⁰ Tato tzon̈ cus icha val sgana Dios, yuj jun co cusc'olal chi' sco na co b'a yic tzon̈ colchaji. Tato icha chi', max on̈ te cuslaj yuuj. Palta ay junxo macan̈ cusc'olal. A jun chi', yic yolyib'an̈q'uinal tic yaji. A eb' scus icha chi', ton̈ej sb'atcan eb' d'a chamel d'a juneln̈ej yuuj.

2 Co 7:10 ပူးပေါင်းရင်းမြစ်များ

Gn 30:1

Snan sb'a sc'ojl 'ix Raquel, yujto may yune 'ix yet' Jacob, yuj cha, syamn 'och 'ix schichn 'och 'a spatc 'ix Lea cha, xyaln 'ix 'a win Jacob chi 'ixtic: —'Ac' wune', toto ma'ay tic 'oj in chami, xchi 'ix.

A Ch'an̈ Schab'l Libro Samuel 12:13

Yuj cha, xyaln David 'ixtc 'a Natán: —Yel wal b'i'an, 'ix 'och in mul 'a Jehová, xchi. —A Jehová, 'ix 'a'n lajwoc a mul cha, ma'oj a cham yu'uj.

A Ch'an̈ Schab'l Libro Samuel 13:4

'Ay jun c'ual, 'ix sc'anb'n win Jonadab chi 'a win Amnón chi 'ixtic: —Ach yunnal rey, ¿tas yuj caw tacnc a c'ojol? 'A junjn c'u 'ipn a tz'onb' cha'an̈. ¿Tom matz tac' aln 'ayin tas yuj 'ixta tzach 'aji? xchi winac. 'Ix ta'w win Amnón chi 'ixtc 'a winac: —Caw wal tzin nib'j 'och 'unx Tamar, 'unx yanb' ni wu'tac Absalón, xchi winac.

A Ch'an̈ Schab'l Libro Samuel 17:23

Palta ax xyiln win Ahitofel to ma'ix 'och yopiso snab'en xyala, 'ix ya'n 'och stzum sb'uru, 'ix pax 'a schon̈b' 'aj 'ay yatut, 'ix laj sb'onc can yaj smasnil tas 'ay 'a 'a, xlajw cha, 'ix st'un̈n q'ue sb'a, 'ix chami. Axta 'ix mucx 'a 'aj mucn smam.

A Ch'an̈ B'ab'el Libro Yic Yab'ixal Eb' Rey 21:4

Xlajw cha, 'ix pax win Acab 'a yatut, tzcus winac, caw wal tzowx sc'ojl yuj tas xyal win Nabot cha. Yuj cha, a yic 'ix c'och 'a yatut cha, 'ix 'ec' t'ocn 'a sat sch'at, ax 'a yich n̈a chi 'ix 'och q'uelan, ma'ix yal sc'ojl win xwa'i.

Salmos 38:18

Yuj cha, 'oj wal q'uet in mul, yujto somchjnacn yuj in mul cha.

Pr 15:13

A mach tzalji, tzewj sat, ax mach tzcusi, cusltac yilx sat cha.

Pr 15:15

Toto 'aych junc mach 'a somc'ojlal, caw wal ya yec' junjn c'u yu'uj; ax toto tzalji, caw wach'n̈j yec' tiempo chi yu'uj.

Pr 17:22

A tzaljc'ojlal, lajn wal 'icha junc remel, ax pax cusc'ojlal, ton̈j tzyij 'el quipec.

Pr 18:14

Toto 'ayn̈ec 'och 'a qui yailal, tzca'c techjoc qui yailal cha, tzyal 'el'chi to te'n qui nab'enec; ax toto man̈x te'noc yaj qui nab'enec cha, man̈xtzac techj cujec.

Ec 7:3

Yel xo wach' to tzon̈ cusec, 'a yib'n̈ pax to tzon̈ tzewjec, yujto wach'xam cusltac yilx qui satec, palta tzb'o qui nab'enec yu'uj.

Jeremías 31:9

Wan xoj sleslwi eb', wan xoj yoc' eb' ax sjaw eb'. An xo 'oj wi't eb' 'aj 'ay a a tz'el yoctac, 'a jun b'e caw wal pan̈an, man̈x 'a 'aj 'oj stench eb' yoc. Yujto an tic, Mamb'il waj 'a chon̈b' Israel, ax chon̈b' Efraín, 'icha to in b'ab'l 'unnal yaji.

Ez 7:16

A eb' 'oj yac' ganar s'atcn 'elc 'a lum jolmctac witz 'icha no 'uch, 'oj c'acwc eb' yab'n syal yuj smul cha.

Jonás 3:10

A yic xyiln Dios sjeln eb' 'aj Nínive snab'en, 'ix yactn can eb' stu b'eyb'al, yuj cha, 'ix sjeln snab'en 'a yib'n̈ eb' 'anma cha, xyalni to mant 'oj yac' lajwc 'el jun chon̈b' cha, 'icha xyutj ya'n alxc 'eli.

Jonás 3:8

Palta a quiquec to tzca'c 'och te pichl n̈achtac sat, yic tzqui ch'oxnec 'eli, to tzon̈ cusi, yet' pax no cajb'en noc'. Leslw coyc 'a Dios yet' 'a smasnil quip. Tzlajw cha, tzcactnec qui b'on smasnil maysch'olnil tzlaj qui b'o'ec, man̈x quixtquec eb' 'anma'.

Jonás 4:9

'Ix yaln Dios 'a 'ixtic: —¿Tom wach' cob' a nani to tzcot owal, yujto xtacj 'el jun 'ib'n̈ te te 'aych en̈loc tic? xchi Dios. —¡Yel pax tzwala, toxn̈ej tzin cham yuj wowl tic! xchi Jonás cha.

Mt 26:75

Yuj cha, 'ix snan cot Pedro tas yaljnac Jesús 'a 'a, yic yaln 'ixtic: Yic mantzac 'oc' no 'ajtzo', 'ox 'ejm 'oj e'l 'a eb'an̈, chajtlto man̈ in ojcoc, xchi Jesús 'a 'a. Yuj cha, yajn̈ej 'ix 'elt Pedro cha, syamn 'och wal yoc' si'mb'il.

Lc 15:10

Yuj cha, tzwal 'ayex, toto 'ay junc maysch'olnil sb'eyb'al tzna sb'a yuj smul, caw tzalj eb' yángel Dios yu'uj, xchi Jesús.

Lc 18:13

Ax win tecm 'el tumn cha, najttac xcan lin̈n winac. Caw 'ix xiw winac. Toxn ma'ix q'ue q'ueln xon win jac 'a satcha'an̈. Caw man̈x oc yaj yilx win yuj scusc'ojlal. Xyaln win 'ixtic: Ach in Diosal, comnoc tz'o'ch wal a c'ojl 'ayin, to caw yel 'ajmul in si'mb'il, xchi win 'a Dios.

A Tas Sc'ulejnac Eb' Schecab' Jesús Hechos 11:18

Ax eb' creyente 'a Jerusalén cha, yic xyab'n eb' jun tzo'n̈ tic, man̈x 'a tas xyal eb'. Cojxn wach' paxti xyal eb' 'a Dios, 'ix yaln eb' 'ixtic: —An̈jtona eb' man̈ israeloc, 'ay pax eb' 'ix yac' Dios sna sb'a, sec wach' 'oj scha pax eb' sq'uinl quet' 'a jun 'ejmn̈ej, xchi eb'.

A Tas Sc'ulejnac Eb' Schecab' Jesús Hechos 3:19

Yuj cha, nac e b'a. Jelc e b'eyb'al, 'a'c 'och e nab'en 'a Dios, sec wach' 'oj sucxoc sat e mul. Toto 'ixta', 'ay jun tiempoal 'oj jawoc, ax ya'n Dios tzaljc'ojlal 'ayn̈ an̈ israel on̈c tic.

2 Co 12:21

Tzin xiw in 'at 'ayx jun 'ejm xo, toq'ue a qui Diosal 'oj 'a'nc in q'uixwloc eyu'uj. Toq'ue caw 'oj woc' eyu'uj, yujto 'a yictax yalan̈, caw niwn ex tze b'o maysch'olnil. Caw matz eyactj can e b'on jun tzo'n̈ maysch'olnil yet' e niwnal, atn 'ajmulal yet' jun tzo'n̈ xo tas caw q'uixweltac.

2 Co 7:9

Ax ticnec, wach'xam x'och e cusc'ojlal yu'uj, palta tzin tzalji, yujto yuj e cusc'ojlal cha, e nan e b'a. Cusnc ex 'icha tznib'j Dios, yuj cha, may jac x'aj sjuw 'el e nab'en cuj on̈.

A Ch'an̈ Carta D'a Eb' Hebreo 12:17

Cojquec, at 'a junx tiempoal, snib'jnac tot cob' 'ajxnac pax yic yuj smam cha, palta man̈x 'ic 'ajx 'a 'a. Wach'xam caw 'o'nc to, palta man̈xtoc stac' sb'onyaj win jun sb'ojnac can cha.

A Ch'an̈ B'ab'el Libro Samuel 30:6

Caw 'ix 'och 'il David si'mb'il, yujto snib'j eb' winc ajun yet' chi sjul q'uenej. Chab'c'ojlal xoj yaj eb' smasnil, yuj tas 'ix 'aj yunnal eb', yisl eb' cha. Palta xya'ch David chi snab'en 'a Jehová sDiosal.