2 Co 6:16 - Chuj San Sebastian Bible

¹⁶ A jun tzo'n̈ tzalx 'och diosal, caw may yaln eb' yic 'a yatut Dios. Yujto an̈ec tic, yatut on̈ec Dios pitzan, 'icha yaj yaln can 'ixtic: 'Oj in can cajn 'a scal eb', ax in b'eyc' yet' eb'. 'Oj woch sDiosalc eb', ax yoch eb' in chon̈b'oc, xchi.

Chuj San Mateo Bible

¹⁶ A juntzan̈ comon dios, malaj yalan yic yed' eb' scajnub'xo Dios yaji. Yujto a on̈ tic, scajnub' on̈xo Dios pitzan, icha ix yalcani: A in tic, ol in och cajan d'a eb', ol in b'eyec' yed' eb'. Ol in och sDiosaloc eb'. Axo eb' ol och in chon̈ab'oc, xchi.

2 Co 6:16 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 18:21

Xlajw cha, 'ix snitzn 'at sb'a Elías 'a stz'ey eb' 'anma chi smasnil, 'ix yaln 'a eb' 'ixtic: —¿B'a'n̈ 'oj eyact sq'ue'i tz'ejm e nab'en? Toto a Jehová caw yel a Dios, cojn 'a tzeyac' 'ejm e b'a. Toto a pax Baal a dios pax jun, cojn cab' pax 'a tzeyac' 'ejm e b'a, xchi. Ax smasnil eb' 'anma cha, man̈xtoc 'ix nachj 'el yuj eb' tas xyutj eb' ya'n spac 'a 'a.

Salmos 90:1

Mamin, 'a yictax pecti', yic xlaj 'ec' jun tzo'n̈ tiempo 'a yalan̈, toxn to qui Colmal aj on̈.

Ex 20:3

May cab' junc xo e diosal 'aj tzeyac' 'ejm e b'a, palta cojn 'ayin.

Ex 23:13

Yicljec smasnil tas 'ix wal 'ayx tic. Man̈ eyal e b'a 'a jun tzo'n̈ tzalx 'och diosal, man̈ e b'inoc sb'i eb'.

Ex 25:8

Tze b'on junc in cajnub', sec wach' tzin can cajn 'a e cal.

Ex 29:45

An tic, 'oj in can cajn 'a e cal yujto e Diosal in.

Ex 34:14

Man̈ ex leslwoc 'a jun tzo'n̈ comn dios, yujto an Jehová in, caw wal own yuj jun tzo'n̈ cha.

Jeremías 24:7

'Oj wac' wal snab'en eb', yic tzin yojcan 'el eb', chajtlto an ton Jehová in, ax eb', in chon̈b' yaj eb'; 'oj woch sDiosalc eb', yujto yet' wal smasnil sc'ojl eb', ax smeltzj paxt eb' 'ayin.

Jeremías 31:1

A Jehová, a tzaln 'ixtic: A wal 'a yic jun tiempoal 'oj jawc cha, an wal caw 'oj woch sDiosalc junjn macn̈ eb' yin̈tl Israel, a eb' 'oj 'ochcn in chon̈b'oc.

Jeremías 31:33

Atn junx in trato tic 'oj in b'o yet' eb' 'a yic 'oj jawc jun tiempoal cha: An Jehová in, an tzwala, to 'oj wa'cn 'och jun tzo'n̈ in checnb'il chi 'a snab'en eb', 'icha to 'oj in tz'ib'c can 'och 'a spixn eb'. An 'oj woch sDiosalc eb', ax yoch pax eb' in chon̈b'oc.

Jeremías 32:38

'Oj 'och eb' in chon̈b'oc, an xo 'oj woch sDiosalc eb'.

Ez 11:20

sec 'oj e b'eylb'oc in checnb'il, ax eyiclni in ley. 'Oj eyoch in chon̈b'oc, ax woch e Diosaloc.

Ez 36:25

'Oj ex in sacb'tzoc can yuj smasnil tas maysch'olnil 'ix e b'o'o, 'icha tzyac' junc tas tzb'icx 'el yet' a a caw wal yaxt'ujnac yilxi. 'Oj wi'cn 'el e mul 'aych 'ayex, atn yic xeya'n 'ejm e b'a 'a jun tzo'n̈ comn dios.

Ez 36:28

Ax e canx cajn 'a sat slum e mam eyicham, atn lum wa'jnac 'a eb'. 'Oj eyoch in chon̈b'oc, ax wochx e Diosaloc.

Ez 43:7

xyaln 'ayn 'ixtic: Ach 'anma', atn wal jun lugar tic 'aj 'ay in despacho. Atn 'a tic 'oj in can cajn 'a e cal ax israel ex tic 'a jun 'ejmn̈ej. Man̈x b'a'n̈ 'oj spatquilc can 'el eb' et chon̈b' chi in b'i, man̈x 'oj ya'ch eb' smul sb'on chan̈ munamento 'a yib'n̈ yet'l eb' xi'lb'a 'a stz'ey watut, atn 'aj tzmucx eb' sreyl eb'.

Ez 43:9

Ax ticnec, toto tzyactj can eb' jun stenmtacl cha, ax yactn eb' smucn eb' sreyl chi 'a stz'ey watut, toto 'ixta', 'oj waj cajn 'a scal eb' 'a jun 'ejmn̈ej.

Os 14:8

Ex 'aj Efraín, toc 'ay jac yopiso jun tzo'n̈ e comn diosal cha. An 'oj in ta'w 'ayex, ax ex in tan̈wni paxi. 'Icha jun c'uyc te te pim xi'il, 'ixta waj 'ayex. Wu'uj tzex niwtj pax cha'an̈, xchi Dios.

Os 2:23

'Oj wawc pax 'ejm in chon̈b' 'a sat lum lu'um yic tz'och wico'oc. 'Ayx in chamc'ojlal 'a 'ix Man̈ Chamc'ojlb'iloc, yet' 'a win Man̈ in Chon̈b'oc, ax waln 'a eb' 'ixtic: A ticnec tzex 'ochcn in chon̈b'oc, 'oj in chioc. Ax yaln eb' 'ixtc 'ayin: Ach tic, qui Diosal ach, 'oj schic eb', xchi Dios.

Lv 26:12

'Aynn̈ej 'ec' 'a e cal, yujto e Diosal waji, ax xo tic, in chon̈b' eyaji.

Sofonías 1:5

'Oj in satl pax smasnil eb' tzlaj q'ue 'a yib'n̈ span̈nil yatut yic tzlaj yalnc sb'a eb' 'a jun tzo'n̈ c'anal, yet' eb' tzlaj 'em cuman yic tzlaj slocn eb' in b'i, palta tzloc pax eb' sb'i jun comn dios tzcuch Milcom.

Zacarías 13:9

A eb' 'oj can cha, 'oj wac' yab' eb' syail yic tz'elcn smaysch'olnilal eb', 'icha tz'aj yel slumal q'uen plata 'a scal c'ac', 'icha pax tz'aj sb'o q'uen oro. 'Oj lajwc cha, ax yaln sb'a eb' 'ayin, ax in ta'w 'a eb'. 'Oj walch eb' in chon̈b'oc, ax yaln eb' 'ixtic: A Jehová, atn qui Diosalec, 'oj xchic eb', xchi Dios.

Zacarías 8:8

Ax wi'n cot eb' 'a Jerusalén tic yic tzcajn pax eb' jun 'ejm xo. 'Oj 'och eb' in chon̈b'oc, an xo 'oj wochx sDiosalc eb'. 'Oj wac' yajlil 'a yib'n̈ eb' 'a stojlal, 'icha yaj waln cani, xchi Dios.

Mt 16:16

Yuj cha, 'ix ta'w Pedro 'ixtc 'a 'a: —Ach tic Cristo ach, Yunnal ach Dios pitzan, xchi 'a 'a.

Mt 6:24

May junc mach tztac' ya'n servil chawn̈oc spatron̈, yujto 'ay jun 'aj 'oj chichnc 'ochi, ax jun 'oj schamc'ojloc, mto 'ay junc 'aj 'oj ya'ch snab'en, ax junc may yel'ch 'a sat. Yuj cha, matz tac' ca'nec servil Dios, tzca'nec pax 'och qui nab'en 'a q'uen tumin.

Lc 5:36

Xlajw cha, xyaln pax junx 'ab'x tic 'a eb' 'ixtic: —May junc mach 'ay junc ya't pichul, tzlot'j 'elt jab'oc, tzya'n 'och sniploc junc 'ichm pichul. Toto 'ixta tzyutej, caw tzjuw 'el jun 'a't cha, man̈ wach'c pax tz'aj jun 'ichm pichl chi yuj jun 'a't cha.

Jn 14:23

Yuj cha, 'ix yaln pax 'a 'ixtic: —A eb' 'ay schamc'ojlal 'ayin, tzyiclni eb' tas tzwala. Yuj cha, ax in Mam, tzchamc'ojlan pax eb', ax woch cajn yet' in Mam chi 'a eb'.

Jn 6:56

Tzann̈j eb' 'oj chinc in chib'jal tic, ax yu'n pax eb' in chic'l tic, junxn̈ej tz'ajcn eb' wet'oc. An xo tic, 'ayn 'och pax 'a eb'.

Ro 8:11

A Dios a 'a'jnac pitzwc pax Jesús 'a scal eb' chamnac. Toto a Yespíritu Dios chi 'aych 'ayn̈ec, atn jun 'a'jnac pitzwc pax Cristo cha, 'oj yac' pitzwc pax qui niwnalec yic chaml yaj tic, yujto a 'aych 'ayn̈ec.

Ro 8:9

Palta an̈ec tic, man̈xtzac qui b'eylb'ejec qui tu nab'enal. An̈j tas tznib'j Yespíritu Dios, an̈j tzqui b'eylb'ejec, yujto a 'aych 'ayn̈ec. A eb' man̈ 'ayc 'och Yespíritu Cristo 'a 'a, man̈ yico'oc Cristo eb'.

Ro 9:26

'Ay jun lugar 'aj waljnac 'a eb' 'ixtic: Ax tic, man̈ ex in chon̈b'oc, xin chi. Atn 'a lugar chi 'oj alxoc 'a eb' 'ixtic: Yunnalx Dios pitzan, xchi, xchi 'a Ch'an̈.

1 Co 10:21

Matz tac' qui comn 'u'lb'anec jun vaso yic Cajlil, toto tzcu'lb'ejec pax jun yic ewin demonio. An̈jtona', matz tac' qui comn wanec jun pan tz'ajx 'ayn̈ec 'a smexa Cajlil, toto tzqui c'uxc jun tzo'n̈ tas tz'ajx 'a smexa ewin demonio cha.

1 Co 6:19

Eyojc xoni, to a qui niwnalec tic, to yatut Yespíritu Dios yaji. A 'aych 'a 'a, yujto a Dios 'a'jnac 'och 'ayn̈ junjn on̈ec. Man̈x quico'oquec qui b'a ticnec,

Ef 2:20

'Icha junc n̈a 'ix b'o'i, 'ixta 'ex. An̈ schecb' on̈ Jesús tic on̈, yet' jun tzo'n̈ xo eb' schecb' Dios, 'icha to an̈ ca'jnac 'ejm yich on̈. Ax xo, 'icha to ax tusb'ilx q'ue 'a yib'an̈. Ax Jesucristo, 'icha junc q'uen q'uen yipnub' yich n̈a yaji, 'ixta yaj 'ayn̈ec.

Ef 2:22

Ax xo, man̈ ex 'ichcta 'a yic yalan̈. Al ticnec, junxn̈ej eyaj yet'oc. Ex 'och yatutoc qui Mam Dios quet' on̈, yujto a x'och cajn 'ayn̈ec qui masnil yet' Yespíritu.

Ef 3:17

Tzin c'ann pax 'a 'a, sec 'oj wach' 'och cajn Cristo 'a e pixan, yujto 'aych e c'ojl 'a 'a. Toto 'ixta', 'oj wach' q'uib' e chamc'ojlal. 'Icha junc te caw niwn sch'an̈lyib', 'ixta 'oj eyaji.

Dt 5:7

Man̈ e say junc xo e diosal 'a in sat.

1 Ti 3:15

Palta lemb'il ma'oj stac' in 'at muc'uc. Yuj cha, tzin tz'ib'n 'at jun in carta tic 'ayach, sec wach' ojtac tas wal tzqui b'eylb'ej an̈ yunnaln̈ xo Dios. Yujto an̈ tic, 'ayn̈ xo 'och stz'acb'oc yiglesia Dios pitzan. 'Ay copiso caln 'el jun cuynb'il caw yel. Cu'uj, caw tz'och yip jun cuynb'il caw yel tic.

2 Ti 1:14

A jun tzo'n̈ cuynb'il x'ajx 'och 'a yol a c'ab' yuj Dios, caw tza tan̈wej. Ax Yespíritu Dios, 'oj 'och et'oc, yujto a 'aych 'a qui pixn junjn on̈.

A Ch'an̈ Carta D'a Eb' Hebreo 3:6

Palta ax Cristo, yiclum yutjnac sb'a, yujto Yunnal Dios. A 'aych Yajlil 'a yib'n̈ eb' yunnal xo Dios yet'oc. Toto te'n tzcutjec qui b'a ca'n 'och qui c'ojl 'a 'a, toto tzon̈ tzalji, tzca'nec 'och yipc qui c'ojol, [masnto 'a slajb' qui q'uinal,] to 'ixta', yunnaln̈ec xo Dios tzyal cha.

A Ch'an̈ Carta D'a Eb' Hebreo 8:10

A 'a yic 'oj lajwc jun tiempoal cha, 'ayt junx in trato 'oj wac' 'a eb' yin̈tl Israel. 'Ixtc 'oj wutoc: 'Oj wa'ch jun tzo'n̈ in checnb'il chi 'a snab'en eb'. 'Icha to 'oj in tz'ib'c can 'a spixn eb'. An 'oj woch sDiosalc eb', ax yoch pax eb' in chon̈b'oc.

Santiago 4:5

¿Tom tze na'a, to may yel'ch tas tzyal spaxti Dios 'a Ch'an̈ U'un̈ 'a 'aj tzyal 'ixtic: A Dios 'ix 'a'n 'och cajn Yespíritu 'ayn̈ junjn on̈. Caw wal tznib'j Yespíritu cha, to yic on̈cn̈ej 'a jun 'ejmn̈ej, xchi.

1 Jn 4:12

Wach'xam may junc mach 'ix 'iln Dios jun 'ejmoc, palta toto tzqui chamc'ojlejc qui b'a junjn on̈ec, caw a cajn 'och 'ayn̈ec. Ax schamc'ojlal, caw tzwach' tz'acw 'ayn̈ec yu'uj.

1 Jn 4:15

A mach tzaln 'ixtic: A Jesús Yunnal Dios, toto xchi, junn̈j yaj yet' Dios, ax Dios junn̈j yaj pax yet'oc.

Apoc 2:1

'Ix yaln pax Jesús 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Éfeso: A jun 'ay uque c'anal 'a yol swach' c'ab', atn jun tzb'eyc' 'a snan̈l uque yet'l cantil nab'a oro, a tzaln 'ayx 'ixtic:

Apoc 21:3

Ax xwab'n yoch jun paxti 'a sdespacho Dios. Caw 'ip yaln 'ixtic: —'Ilto, a Dios 'ayc' yet' eb' 'anma ticnec. A 'oj cann̈j yet' eb'. Atn eb' chi schon̈b' yaji. Caw a Dios 'oj can 'a scal eb', atn wal sDiosal eb'.

Apoc 21:7

A eb' tz'a'n ganar ya'n techjoc, 'oj scha eb' smasnil jun tzo'n̈ tic smacloc 'ayin. Yujto an tic, sDiosal in eb', ax eb' wunnal eb', wisl eb'.