2 Co 5:8 - Chuj San Sebastian Bible

⁸ Yuj cha, caw 'aych Dios yipc qui c'ojlec. Caw tzqui nib'j tzcactjec can qui niwnalec tic, sec 'oj stac' qui c'ochc 'a junx catut 'aj 'ayc' Cajlilec cha.

Chuj San Mateo Bible

⁸ Yuj chi' a Dios scac'och yipoc co c'ool. D'a val yel co gana scactejcan jun co nivanil tic, yic ol yal co c'och d'a junxo co pat b'aj ayec' Cajal Jesús.

2 Co 5:8 ပူးပေါင်းရင်းမြစ်များ

Salmos 16:11

'Ix ac' wojcoc 'el jun b'e yic q'uinl 'a jun 'ejmn̈ej. Caw niwn tzaljc'ojlal 'oj ac' 'ayin, yic 'oj in c'och 'a ojltac. 'Ay tzaljc'ojlal 'a a tz'ey 'a jun 'ejmn̈ej.

Salmos 17:15

Palta an xo tic, yujto tojl in nab'en, 'oj ach wil yet' in sat; man̈x 'a tas 'oj in na', yic 'oj in pitzw pax chan̈ 'a ojltac.

Pr 14:32

Toto maysch'olnil qui b'eyb'alec, mun a qui maysch'olnilal chi tz'i'n cot 'a quib'n̈ec; ax toto wach' qui b'eyb'alec yic 'oj qui chamec, 'ay jun tas 'aych yipc qui c'ojol.

Mt 25:21

Wach' jun, caw wach' xotj a munlj 'ayin, caw tza b'o 'icha tzin nib'ej. Yujto yiclum ach yet' jab' tic, yuj cha, til to wal tas 'oj wac' 'ayach, 'ochan̈, tzaljan̈ wet'oc, xchi win 'a win smoso cha.

Mt 25:23

Wach' jun, caw wach' xotj a munlj 'ayin, caw tza b'o 'icha tzin nib'ej. Yujto yiclum ach yet' jab' tic, yuj cha, til to wal tas 'oj wac' 'ayach, 'ochan̈, tzaljan̈ wet'oc, xchi win 'a junx smoso cha.

Lc 2:29

Mamin, an tic wa'mal ach servil, a ticnec cham quin cab' 'a junc'ojlal, yujto x'el'ch 'icha wal otjnac a'n can a ti 'ayin.

Jn 12:26

Toto 'ay mach tznib'j tzin 'a'n servil, yowlal tzb'eylb'ej in b'eyb'al tic. A eb' tzin 'a'n servil cha, 'oj 'aj eb' wet' 'a 'aj 'ayn 'eq'ui. Toto 'ay eb' tzin 'a'n servil, ax in Mam 'oj 'a'nc spac 'a eb', caw niwn yel'ch 'oj 'aj 'a sat.

Jn 14:3

'Oj lajwc in b'on can eyet'l chi ta', ax in japx jun 'ejm xo. Ax wul ex wi'nc wet'oc, sec wach' a 'aj 'ayn 'ec' cha, ata 'oj eyaj wet'oc.

Jn 17:24

Mamin, a eb' tzac' 'ayin, tzin nib'ej to 'oj 'aj eb' wet' 'a 'aj 'oj in c'ochi, sec 'oj yil eb' in wach'l 'ac'b'il oj 'ayin. Yujto chamc'ojlab'iln xon o'oj, yictax mantzac b'o yolyib'n̈q'uinl tic.

A Tas Sc'ulejnac Eb' Schecab' Jesús Hechos 21:13

Palta xyaln Pablo 'ixtc 'ayn̈ on̈: —¿Tas yuj tzex 'oq'ui? ¿Tas yuj tzeya'ch in cusc'ojlal 'ixtic? Toc 'ay yel'chi, toto tzin sjal eb'. Toxn̈ej tzin smil cham eb' 'a Jerusalén chi yuj Cajlil Jesús, 'oj wac' in b'a 'a eb', xchi 'ayn̈ on̈.

2 Co 5:6

Yuj cha, smasnil tiempo, tzca'c 'och Dios yipc qui c'ojol. Cojquec, ya' sb'a 'ayn̈ect 'ec' 'a jun qui niwnalec tic, mant toc 'ayn̈ec 'ec' 'a jun catut 'aj 'ayc' Cajlilec.

2 Co 5:9

Yuj cha, smasnil tiempo wach'n̈j cab' tzcutjec qui b'a, sec 'oj tzaljoc Cajlilec chi quet'ec, wach'xam 'ayn̈ect 'ec' 'a qui niwnal tic, wach'xam ma'ay, ax sjawi.

1 Jn 3:2

Ex wu'tac, ex wanb' chamc'ojlb'il wu'uj, yunnaln̈ec xo Dios ticnec. Mant cojcoquec, chajtl yilx 'oj cajec. Palta cojquec to a yic 'oj jawc Jesucristo, lajn 'oj cajc yet'oc, yujto 'oj quilc wal chajtl yilxi.

Apoc 22:3

May junc tas, may junc mach catb'tzab'il yuj Dios 'oj c'och ta'. A 'a jun chon̈b' cha, ata 'ayc' sdespacho Dios yet' yic jun tzcuch Calnelu. Ax eb' ya'mal servil, 'oj yal sb'a eb' 'a 'a.