2 Co 5:19 - Chuj San Sebastian Bible

¹⁹ A jun tic, tzyal 'el'chi to a Dios 'aych 'a Cristo yic swulq'ui, sec junc'ojlal tz'aj eb' 'anma yet' smasnil. An̈ec tzon̈ canc 'a junc'ojlal yet'oc, man̈x 'oj ya'ch qui mul 'a quib'n̈ec. A 'a'jnac 'och jun 'ab'x tic 'a yol qui c'ab' on̈, sec tz'ec' cal-l on̈, chajtl tz'aj eb' 'anma yoch 'a junc'ojlal yet'oc.

Chuj San Mateo Bible

¹⁹ A jun tic syalelc'ochi to a Dios ayoch yed' Cristo, ayic ix uleq'ui, yic tz'och eb' anima masanil junc'olal yed'oc. Maxtzac ac'jioch co mul d'a quib'an̈ yuj Dios. A ac'jinaccan jun ab'ix tic d'a yol co c'ab', yic tzec' caleli chajtil tz'aj yoch eb' anima junc'olal yed'oc.

2 Co 5:19 ပူးပေါင်းရင်းမြစ်များ

Is 43:25

Palta an tic, yuj swach'l in nab'en, yuj cha, tzin sucsat e maysch'olnilal, man̈x 'a b'a'n̈ 'oj in na cot e mul cha.

Is 44:22

An 'ix wac' satl e maysch'olnilal yet' e mul, 'icha tz'aj satchan̈ xob' lum lu'um. Meltzjan̈c pax cot 'ayin, yujto 'oj ex wa'l 'a libre, xchi Dios.

Nm 9:16

'Ichn̈jta 'ix 'aj 'a smasnil tiempo. 'Aychn̈ej jun 'asn chi 'a yib'n̈ Mantiado yic tz'ec' c'u, ax 'a yic 'ac'wal, 'icha to 'aych sc'a'l jun 'asn cha.

Mt 1:23

'Ay jun cob's 'ix, mant 'a xon junc winc tzyi'aj, palta 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel, xchi. (Emanuel tzyal 'el'chi, 'ayc' Dios quet'oc).

Jn 14:20

A 'a jun c'u yic 'oj 'ochcn Espíritu 'ayex, atta 'oj nachjoc 'el eyu'uj, chajtlto 'ayn 'och 'a qui Mam Dios, 'aych pax 'ayin. Ax snachj pax 'el eyu'uj, chajtlto 'ayx 'och 'ayin, 'ayn pax 'och 'ayex.

Jn 17:23

An 'ayn 'och 'a eb', ach xo 'aych 'och 'ayin, sec wach' caw junxn̈ej 'oj 'aj snab'en eb'. Yuj cha, ax eb' 'anma 'a yolyib'n̈q'uinl tic, 'oj nachjc 'el yuj eb', to ach checjnacn coti. 'Oj yil eb', 'icha tzotj in a chamc'ojlani, 'ixta tzotj a chamc'ojlan pax eb' tic jun xo.

Ro 11:15

A eb' israel cha, patcab'il can 'el eb' yuj Dios jun tiempoal. Yuj wal cha, smasnil jun tzo'n̈ xo 'anma', tztac' junc'ojlal tz'aj eb' yet' Dios. Ax 'a yic 'oj chaxoc pax 'och eb' israel chi jun 'ejm xo, man̈ jantcoc am wal swach'l 'oj scha eb' 'anma smasnil. 'Icha to 'oj pitzwc pax eb' 'a scal eb' chamnac, yujto caw niwn swach'l 'oj scha eb'.

1 Co 13:5

Toto yel 'ay qui chamc'ojlalec, may 'aj tzca'c sq'uixwloc junc xo mach. Tzqui nib'ej, man̈oc on̈n̈ej 'ay caln quico'. Man̈ 'utznoc tzcutjec qui c'ojol. May 'aj tzqui na'ec, tas tzcutjec ca'n qui pac 'a junc mach.

A Scarta San Pablo D'a Eb' Aj Colosas 2:9

A Cristo, tz'acn yajch Dios 'a 'a.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.

1 Jn 4:10

A schamc'ojlal tic, caw yel, yujto man̈oc on̈c xqui b'ab'l ch'oxj qui chamc'ojlal 'a 'a. Palta a sb'ab'l ch'oxj schamc'ojlal 'ayn̈ec. 'Ix schec cot Yunnal, xwul ya'nc cham sb'a yic stojn qui mulec.