2 Co 5:15 - Chuj San Sebastian Bible

¹⁵ Atn Cristo xcham qui jelc qui masnil, sec wach' an̈ec 'ayx qui q'uinl yu'uj, man̈xtzac qui b'eylb'ejc 'icha tzqui nib'j junjn on̈c 'a yol quico'. Palta tzqui b'eylb'ejc 'icha tznib'j jun xcham qui jelquec, xpitzw paxi.

Chuj San Mateo Bible

¹⁵ A Cristo ix cham cuuj co masanil, yic vach' a on̈ pitzan on̈ tic, maxtzac cac' co gana junjun on̈. Palta yic scac' sgana jun ix chami ix ac'jixi pitzvoc yuj Dios cuuj.

2 Co 5:15 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 5:17

Xlajw cha, 'ix yaln 'ixtic: —Toto 'ixta jun, tzin tew 'ayach, comnoc tz'el 'a a c'ojl a'n chawn̈oc chejl lum slum chon̈b' Israel tic 'ayin, yic tzwi'n 'at wet'oc, yic tzin b'on junc yet'l xajmb'al yic Jehová yet' lu'um, man̈x 'oj wac' in xajmb'al 'a jun tzo'n̈ comn dios, palta cojn 'a Jehová 'oj wac'a'.

Ez 16:6

An xo, in 'ec' 'a stz'ey, 'ix wiln 'ochi to caw wal c'almtac yilx yet' schiq'uil, 'ix in nani to wach' tzpitzw chan̈ 'a scal schic'l cha.

Ez 37:14

An tzwala, to 'oj wa'x 'och Wespíritu 'ayex, 'icha to 'oj e pitzw paxi; ax wa'n e cajx e lum chi jun 'ejm xo. 'Ixta to b'i'an, ax eyojcan 'eli to a tas 'aj tzwa'cn in ti an Jehová in, yowlal tzwac' 'el'choc, xchi Dios.

Ez 37:9

Xlajw cha, xyaln Jehová 'ayn 'ixtic: Ach 'anma', al 'ixtc 'a 'ic' 'ay 'a yolyib'n̈q'uinl tic. To an Jehová Yajl in, an tzwal 'ixtic: Ach 'ic' cotan̈, 'ochn̈ 'a jun tzo'n̈ niwnal milb'il cham tic yic tzpitzw pax eb', xchi Dios, xa chi 'a 'a, xchi 'ayin.

Habacuc 2:4

Tz'ib'j can paxi, chajtlto a eb' maysch'olnil sb'eyb'al, caw wal tzb'an̈ sb'a eb', palta ax eb' tojl snab'en, pitznn̈ej eb', yujto tzin ya'ch eb' 'a sc'ojol, xchi Dios.

Zacarías 10:9

Wa'jnac sactzic can 'at eb' 'a scal jun tzo'n̈ nacion̈. Wach'xam najt 'ay eb', palta 'oj in sna cot eb'. 'Ay wal jun c'ual 'oj meltzjc paxt eb' yet' yunnal.

Lc 1:74

yaljnac cani, chajtlto 'oj on̈ scolc 'elt 'a yol sc'ab' eb' 'ajc'ojl yajch 'ayn̈ec, sec wach' matz on̈ xiwec, yic tzca'nec servil.

Jn 5:24

Wal yel tzwal 'ayex, a eb' tz'ab'n in paxti', tzya'n 'och eb' sc'ojl 'a jun checjnacn coti, atn eb' chi 'ay sq'uinl 'a jun 'ejmn̈ej. Man̈x 'oj 'at eb' 'a yailal, yujto tox 'ix 'el eb' 'a yol sc'ab' chamel, 'ix schaj eb' sq'uinal.

Jn 6:57

A qui Mam Dios, pitzn 'a smasnil q'uinal. A checjnacn coti. Yu'uj pitzn in jun xo. Yuj cha, a eb' tzchin in chib'jal tic, 'oj wac' pax sq'uinl eb' jun xo.

Ro 12:1

Ex wu'tac, ex wanab', caw tz'o'ch sc'ojl Dios 'ayn̈ec. Yuj wal cha, tzin tew 'at 'ayex, to tzeya'ch e b'a 'a yol sc'ab'. 'Icha junc xajmb'al pitzan, tz'ajx yico'oc, 'ixta tzcutjec ca'n qui b'a 'a 'a. Toto 'ixta tzcutjec qui b'a, tzyal 'el'chi, yic on̈n̈ej Dios, tzca'nec servil 'a smasnil qui c'ojol, 'icha wal tznib'ej.

Ro 4:25

Atn jun 'ajxnac 'och 'a yol sc'ab' chaml yuj qui mulec. Xlajw cha, xpitzw paxi, sec tzon̈ 'ochc wach'l 'a sat Dios yu'uj.

Ro 6:2

Ma'ay, caw wal matz tac'a. A 'a sat Dios chamnc on̈c xo, man̈x 'a yaln maysch'olnil yic 'ayn̈ec. Yuj cha, ¿tom an̈ja tzat stac' qui b'eylb'anec maysch'olnil?

Ro 6:6

Cojquec, a jun qui nab'enec 'a yic yalan̈, a 'a sat Dios, t'un̈xnac q'ue yet' Cristo 'a spenc culus, sec wach' tzsatl qui tu nab'enalec, 'icha to caw tzchami. 'Ixta on̈ 'ajec, sec wach' man̈xtzac ca'c servil maysch'olnil ticnec.

Ro 8:10

Palta an̈ec tic, 'ayx 'och Cristo 'ayn̈ec. Yuj cha, wach'xam yowlal 'oj cham qui niwnalec tic yuj maysch'olnil tzb'o'o, ax qui pixnec, pitznn̈ej, yujto wach'n̈ec 'a sat Dios ticnec.

Ro 8:2

A Yespíritu Dios a tz'a'n qui q'uinlec 'a jun 'ejmn̈ej, yujto junxn̈ej cajc yet' Cristo Jesús. Yuj spoder Yespíritu, on̈ colchjec 'elt 'a yol sc'ab' maysch'olnil, yet' 'a yol sc'ab' chamel.

1 Co 10:33

An xo tic, jantcn̈ej tas tzin b'o'o, tzwa'lj wa'n stzaljc'ojlal smasnil 'anma'. Man̈toc mun wic tzin sayq'ui, yic tzin chan swach'il. Palta tzin say yic jun tzo'n̈ xo 'anma', sec wach' toq'ue 'oj colchjoc 'el eb'.

2 Co 12:10

Yuj cha, tzin tzalj ticnec, yujto may wel'chi. Wach'xam tzin b'uchxi, mto caw 'ay tas 'ay tz'och wu'uj. Toxn̈ej tz'ajx 'och yailal 'a wib'an̈, wach' cab' tzwab' syal yuj Cristo, palta caw tzin tzaljn̈ej. Yujto a yic may jac wel'chi, at wal ta caw tz'ajx in poder.

2 Co 3:6

A 'a'jnac copiso ya'malc servil on̈, tzcaln 'el yab'xil jun yac' trato on̈. A jun strato tic, man̈ yujoc qui yiclni junc tas tz'ib'b'il cani, tz'el'chi. Palta yujn̈ej Yespíritu tz'el'chi. A jun ley tz'ib'b'il cani, yopiso ya'n 'och chaml 'a quib'n̈ec. Palta ax Yespíritu Dios, yopiso ya'n qui q'uinlec 'a jun 'ejmn̈ej.

2 Co 5:16

Yuj cha, an̈ xo tic on̈, man̈xtzac qui b'eyc'ojlej junc mach, yuj tas yilx on̈. A 'a yic yalan̈, wach'xam qui b'eyc'ojlejnac Cristo, yuj tas yilx on̈, palta man̈xtzac qui na yuj 'ixta ticnec on̈.

Gl 5:25

Yuj Yespíritu Dios, 'ay qui q'uinlec 'a jun 'ejmn̈ej. Yuj cha, yowlal tzqui b'eylb'ejc 'icha tznib'j Yespíritu tic.

Ef 4:17

A jun tzo'n̈ 'oj walb't 'ayx tic, atn schecnb'il Cajlilec. Caw man̈x lajnoc tzeyutj e b'eyb'al 'icha eb' man̈ 'ojtnacoc Dios, yujto a sb'eyb'al eb' cha, caw may yel'chi, nab'an̈ej tzyixtj sb'a eb'.

Ef 5:14

Yuj cha, 'ay jun tzaln 'ixtic: Ach 'icha to waynac, 'ij 'el a wayan̈. Q'uen̈ wan 'a scal eb' 'icha to chamnc to. Ax Cristo 'oj 'a'nc sacq'uinl 'ayach, xchi.

A Scarta San Pablo D'a Eb' Aj Colosas 2:12

A yic on̈ 'ajxec bautisar, junn̈j on̈ 'ajc qui mucx yet' Cristo 'a sat Dios. An̈jtona', pitzwnacn̈ec pax yet'oc, yujto tzca'c 'och qui c'ojl 'a spoder Dios. Yuj spoder cha, 'ix pitzw pax Cristo 'a scal eb' chamnac.

A Scarta San Pablo D'a Eb' Aj Colosas 3:1

A ticnec, pitzwnacn̈ec pax yet' Cristo 'a sat Dios. Yuj cha, yowlal tzca'c 'at qui nab'en 'a jun tzo'n̈ tas 'ay 'a satcha'an̈, 'a 'aj wocn 'ejm Cristo 'a swach' c'ab' Dios.

A Scarta San Pablo D'a Eb' Aj Colosas 3:17

Tzann̈j tas tze b'o'o, yet' tas tzeyala, 'icha wal tznib'j Cajlil Jesús, 'ixta tzeyutj e b'a. An̈jtona yu'uj, tzlaj eyac' yuj diosal 'a qui Mam Dios.

A Scarta San Pablo D'a Eb' Aj Colosas 3:23

Jantcn̈ej tas tze b'o'o, tze b'o wal 'a smasnil e c'ojol. 'Icha cab' to a 'a Cajlilec tzex munlji, man̈ocn̈ej 'a junc 'anma cha.

1 Ts 5:10

A Cristo 'ix cham qui jelquec. Yuj cha, toxn̈ej pitzn on̈ec, toxn̈ej chamnc on̈ xo, ax sjawi, palta junn̈j 'oj cajc yet' qui masnil.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

A Sb'ab'el Carta San Pedro 4:6

Yuj wal jun tic, alb'il can wach' 'ab'x 'a eb' chamnc xo. Yuj cha, wach'xam xcham sniwnal eb' yuj sb'eyc'ojlal Dios, 'icha tz'aj smasnil 'anma', palta ax spixn eb', tztac' schan sq'uinal, 'icha Dios 'ay sq'uinal.

1 Jn 4:9

Caw sch'ox Dios schamc'ojlal 'ayn̈ec, yujto xchec cot jun c'otn̈ Yunnal chamc 'a yolyib'n̈q'uinl tic, sec tz'ajx qui q'uinlec 'a jun 'ejmn̈ej yu'uj.

Apoc 1:18

Pitzn in. Wach'xam in chami, palta pitzn in 'a jun 'ejmn̈ej ticnec. An tic, yajl waj 'a yib'n̈ chamel, yajl pax waj 'a jun lugar 'aj 'ay spixn eb' chamnac.