2 Co 5:12 - Chuj San Sebastian Bible

¹² Man̈ ton̈joc tzcalb't qui b'a wach'l 'ayx jun 'ejm xo on̈. Palta tzqui nib'j 'oj stac' e tzalj quet' on̈, sec 'oj stac' e pacn 'a jun tzo'n̈ eb' ton̈j tzb'an̈ sb'a yuj jun tzo'n̈ tas tzquilc yet' qui sat 'a eb'. Ax tas 'ay 'a snab'en eb', matz na xon eb', toto wach', mto ma'ay.

Chuj San Mateo Bible

¹² Mantoc ton̈ej scal co b'a vach'il d'ayex junelxo. Palta co gana tzex tzalaj qued'oc, yic ol yal e pacan e b'a d'a juntzan̈ eb' ton̈ej scomon iq'uejchaan̈ sb'a yuj juntzan̈ tas scheclajel d'a co sat. Axo tas ay d'a spensar eb', max snalaj eb' tato vach', mato chuc.

2 Co 5:12 ပူးပေါင်းရင်းမြစ်များ

Pr 27:2

Scha cab' e c'ojl to chuc mach tzex aln wach'il; yujto man̈ wach'oc toto mun ax tzeyalch wach'l e b'a.

2 Co 1:14

Yuj cha, tzwa'ch yipc in c'ojol, to 'oj wach' nachjc 'el eyu'uj, chajtlto a yic 'oj jawc Cajlil Jesús, 'oj stac' e tzalj cuj on̈, 'icha tzon̈ 'aj qui tzalj eyuj on̈.

2 Co 10:12

An̈ tic on̈, matz qui te'wtzej qui b'a qui nan on̈, to lajn on̈ 'icha jun tzo'n̈ xo eb' mun tzyal wach'l sb'a. Matz qui lajb'tzej qui b'a yet' eb' on̈. A eb' cha, man̈ nab'enal yaj eb', yujto junjn eb', mun a snab'en eb' tzcob' sc'anlb'oc yic tzb'eyc'ojlan sb'a eb'. An̈jtona', tzcob' slajb'tzanc eb' snab'en yet' jun tzo'n̈ xo eb'.

2 Co 10:18

'Ay eb' mun tzyal wach'l sb'a, palta may yel'ch tas tzyal eb' cha, cojn eb' tzyal Cajlilec wach'il, an̈j eb' wach'.

2 Co 10:7

Ax xo, cojxn tas tzeyil yet' e sat tztac' snachj 'el eyu'uj. Toto 'ayx tze na'a, to cojn ex caw yic ex Cristo, nachj cab' 'el eyu'uj, to an̈jtona', yic on̈ pax Cristo on̈.

2 Co 10:8

Wach'xam caw tzin 'ec' 'a yib'n̈ waln yuj copiso on̈, palta ma'oj in q'uixw yu'uj. Yujto a Cajlilec a 'a'jnac copiso tic on̈, yic tzca'n 'och e te'nal on̈, man̈ yujoc ex ca'n juwc 'el on̈, ya'n copiso tic on̈.

2 Co 12:11

'Icha to man̈ nab'enal waji, yic tzwaln 'at in b'a wach'l 'ayex, palta ax xo in eyac' pural walni. Yujto smoj ax tzin eyal wach'il. 'Ay eb' cob' tzyalch sb'a schecb'oc Cristo si'mb'il. A 'a eb' tzlaj cob' eya'ch e nab'en. Wach'xam may xon jac wel'chi, palta may wal jac yel'ch eb' 'a in sat.

2 Co 3:1

A yic tzcaln 'at jun tzo'n̈ tic 'ayx on̈, ¿tom tze na'a, to ton̈j tzcalb't qui b'a wach'l 'ayx jun 'ejm xo on̈? Man̈ yowlalc tzca't jun tzo'n̈ carta tic 'ayx on̈, yic tzyalni tas copiso on̈, 'icha tzyutj sb'a jun tzo'n̈ xo eb'. An̈jtona', man̈ yowlalc tzqui c'an cot e carta on̈, tzeyaln coti, toto 'ay copiso 'a e sat on̈.

2 Co 6:4

Smasnil tiempo tzqui ch'oxl qui wach' b'eyb'al on̈, yujto ya'mal on̈ servil Dios on̈. Caw te'n tzcutj qui b'a ca'n techjoc yailal on̈, 'ay 'aj 'ay tas caw sc'a'l tz'och cuj on̈, 'ay 'aj caw tz'och oyn yailal 'ayn̈ on̈.

A Scarta San Pablo D'a Eb' Aj Filipos 1:26

Yuj cha, 'oj in c'ochx 'ayx jun 'ejm xo, sec wu'uj, ax e tzalj chan̈ eyaln wach' paxti 'a Cristo Jesús.