2 Co 4:9 - Chuj San Sebastian Bible

⁹ Caw tzon̈ 'ixtx 'aj tzon̈ laj 'ec' on̈, palta matz on̈ 'actx can qui ch'ocj on̈. Caw tzon̈ ma'x telwc on̈, palta matz on̈ lajw 'el 'a jun 'ejmn̈ej on̈.

Chuj San Mateo Bible

⁹ Vach'chom tzon̈ pechji b'eyec' b'aj tzon̈ b'eyeq'ui, palta man̈ on̈ actab'iloccani. Vach'chom tzon̈ mac'ji telvoc, palta max on̈ chamlaj.

2 Co 4:9 ပူးပေါင်းရင်းမြစ်များ

Job 22:29

A Dios 'oj 'i'nc can 'ejm eb' tzyij chan̈ sb'a, ax scolwj yet' eb' 'emmquilal yeq'ui.

Salmos 129:2

Yic cochc can chon̈b'al, til wal eb' x'a'n cab' syail, palta ma'ix techj yuj eb' 'ayn̈ec.

Salmos 22:1

Ach in Diosal, ach in Diosal, ¿tas yuj tzin actj can in ch'ocoj? ¿Tas yuj matz in a colo yic tz'el waw yuj in yailal?

Salmos 37:28

A Jehová tzchamc'ojlej tas tojol, may 'aj tzyactj can eb' to yicn̈ej yaji, molb'iln̈ej eb' yu'uj. Ax pax eb' maysch'olnil, 'oj satxoc 'el eb' yu'uj, man̈x 'a yin̈tl eb' 'oj canoc.

Salmos 42:11

¿Tas wal yuj tzjaw in chab'c'ojlal? ¿Tas yuj tzsomchj chan̈ in nab'en? Ach in Diosal tzach wa'ch yipc in c'ojol, a 'aych 'oj wal wach' paxti'. In Colmal aji, in Diosal ach paxi.

Salmos 42:5

¿Tas wal yuj tzjaw in chab'c'ojlal? ¿Tas yuj tzsomchj chan̈ in nab'en? Ach in Diosal tzach wa'ch yipc in c'ojol. A 'aych 'oj wal wach' paxti'. In Colmal aji, in Diosal ach paxi.

Salmos 9:10

A eb' tox ach 'ojcan 'eli, 'aych 'och yipc sc'ojl eb', may b'a'n̈ tzactj can eb' tzc'ann a colwal.

Pr 24:16

yujto wach'xam tzcotcn 'a yib'n̈ eb' uc 'ejmoc, an̈jtona uc 'ejm 'oj q'uex wan eb'; a pax eb' tzb'on maysch'olnil jun, 'oj cotcn 'a yib'n̈ eb' 'a jun 'ejmn̈ej.

Is 43:2

A yic 'oj eyec' 'a yojl a mar, mto yic 'oj e c'axb'toc a niwc a tzb'eyi, ma'oj e jic' a'. A yic 'oj eyec' 'a scal c'ac', ma'oj e tz'a'i, yujto 'ayn 'ec' eyet' ta'.

Is 62:4

Yuj cha, man̈x 'oj alxoc 'ayex to 'Actb'ilx Cani, man̈x 'oj alxc pax 'a e lu'um to Satnc Ex 'Eli, palta to 'oj 'ajxoc e b'ioc, to Nib'b'ilx Yuj Dios, ax yalx 'a e lu'um, to 'Ayx Yajal. Yujto ax tic, nib'b'ilx yuj Jehová, a Yajl yaj 'a yib'n̈ e lu'um.

Miqueas 7:8

Ex 'ajc'ojl eyajch 'ayn̈ on̈, man̈ex tzaljoc yuj tas tzon̈ 'aj on̈. Wach'xam tzon̈ 'ejmi, palta 'oj qui q'uex wan jun 'ejm xo on̈. Wach'xam tz'och 'oynjoc q'uic'q'uinl 'ayon̈, palta a Jehová 'aych qui sacq'uinloc on̈.

Habacuc 3:17

An tic, caw 'ay in tzaljc'ojlal oj Jehová ach in Colmal. Wach'xam matz nichn te higo, wach'xam matz satn te uva yet' te olivo, wach'xam may sat smasnil 'awb'en; wach'xam tzsat 'ejm no calnelu, yet' no wacx 'a yol scolal, palta 'oj waln̈j in wach' paxti 'ayach.

Jn 15:20

Caw tze na cot jun paxti 'ix wal 'ayx tic: May junc moso 'ec'b'al yel'ch 'a yib'n̈ spatron̈, xin chi 'ayex. 'Icha tzya'ch eb' yailal 'a wib'an̈, 'ixta 'oj yutc eb' ya'n 'och 'a eyib'n̈ jun xo. Toto 'ix syiclj eb' in paxti an tic, 'oj syiclc pax eb' eyic jun xo.

Ro 8:35

May junc tas tzch'oxni, to tzyij 'el Cristo schamc'ojlal 'ayn̈ec. Wach'xam yailal, wach'xam junc niwn cusc'ojlal, mto junc mach tz'a'n 'och junc tas 'a quib'n̈ec, toxn̈ej tz'och qui wejlec, toxn̈ej may qui pichul, toxn̈ej tzjaw junc tas 'ay smay, wach'xam tzon̈ milxec chamoc, toxn matz yij 'el Cristo schamc'ojlal 'ayn̈ec.

2 Co 7:6

Palta a Dios, a tz'a'n sniwnal sc'ojl jantcn̈ej mach 'aych 'a scusc'ojlal. A x'a'n sniwnal qui c'ojl on̈, yujto xjaw Tito 'a tic.

2 Ti 3:12

A eb' tznib'j tojl tzyutj sb'eyb'al, junxn̈ej tz'ajcn eb' yet' Cristo Jesús, wal yel 'oj 'ajxc 'och 'a yib'n̈ eb' yuj eb' yit 'anma'il.

A Ch'an̈ Carta D'a Eb' Hebreo 13:5

Man̈ cojxnoc 'a tumn 'aj tzca'c 'och qui nab'en qui sayni. Tzalj coyc cab'n̈ej yet' tas 'ay 'ayn̈ junjn on̈ec, yujto yaljnac Dios 'ixtic: Ma'oj ex wactc cani, may b'a'n̈ 'oj e can e ch'ocoj, xchi.