2 Co 4:16 - Chuj San Sebastian Bible

¹⁶ Yuj cha, caw may 'aj tzon̈ tzactzj on̈. Wach'xam wan yichmax qui niwnal tic on̈, ax qui pixn on̈, 'ipn ya'tb'i 'a junjn c'u tzcab' on̈.

Chuj San Mateo Bible

¹⁶ Yuj chi', malaj b'aj staquel co c'ool. Vach'chom van yichamax jun co nivanil tic, palta a co pensar junjun c'u stec'c'aji.

2 Co 4:16 ပူးပေါင်းရင်းမြစ်များ

Salmos 119:81

Til wal in nib'n tas wal tzin otj in a colni; yuj cha, xwa'n 'och a paxti yipc in c'ojol.

Salmos 27:13

Tzwa'ch yipc in c'ojol to 'oj wil a wach'c'ojlal yic pitzn in to.

Salmos 51:10

Ach in Diosal, a wal junc nab'en caw wach' a tzac' 'ayin. Tza'n 'a'tb'oc wespíritu sec yiclum in 'ayach.

Salmos 73:26

Ach in Diosal, wach'xam tz'el yip in niwnal, palta ax 'aych tz'ilchj smasnil tas tzin nib'j 'a smasnil tiempo, tza'n pax in te'nal.

Is 40:29

A tz'a'n yip mach c'unb'nac, ax mach to may wal yip, caw tzwach' 'och yip si'mb'il yu'uj.

Is 40:31

Ax pax eb' cojn Jehová tzya'ch yipc sc'ojol, caw tzwach' 'och yip eb'. 'Oj stac' sb'ey eb' 'icha wal sjen̈w no salt'iw, 'oj stac' ya'n eb' carela, palta ma'oj c'unb'oc eb', ma'oj 'el pax yip eb' sb'eyi.

Lc 11:3

Tzac' tas tzqui c'ux 'a junjn c'u on̈.

Ro 12:2

Caw man̈x lajnoc tzcutjec qui b'eyb'al yet' eb' yic yolyib'n̈q'uinl tic. Yowlal tzqui chajec jelxc qui nab'en, sec 'oj wach' b'o qui b'eyb'alec 'a jun 'ejmn̈ej. Toto 'ixta tzcutjec qui b'a, 'oj wach' nachjc 'el cujec, tas tznib'j Dios 'ayn̈ec, atn tas wach', caw tzalj Dios yu'uj, may jac spaltail 'a 'a.

Ro 7:22

A 'in pixan, caw tzalj yet' sley Dios.

1 Co 15:58

Yuj cha, ex wu'tac, ex wanb' chamc'ojlb'il wu'uj, caw te'n tzeyutj e b'a. Man̈ e choyb'tzoc e b'a. Yet' smasnil e c'ojol, tzex munlj 'a yic Cajlil 'a smasnil tiempo, yujto eyojc xoni, a jun munljel tzqui b'o 'a yol sc'ab' Cajlilec, caw man̈ nab'an̈ejoc.

2 Co 12:15

An tic, caw tzin nib'j tzin lajl tastc 'ay 'ayin, sec 'oj wach' b'o e nab'en. Wach'xam 'oj lajwc in niwnal tic yuj 'ex wa'n servil, palta 'oj in tzaljn̈ej, wach'xam jab'xoj e chamc'ojlal 'ayin, palta yel xo wal tzex in chamc'ojlej.

2 Co 4:1

Yuj cha, caw matz on̈ tzactzj on̈, yujto x'o'ch sc'ojl Dios 'ayn̈ on̈, xya'n jun copiso tic on̈.

Ef 3:16

Man̈ jantcoc swach'l qui Mam Dios. Yuj cha, tzin c'an 'a 'a, sec 'oj swach' 'a'c ste'nal e nab'en, ax swach' 'a'n spoder 'ayx yuj Yespíritu.

Ef 4:23

Yuj cha, yowlal tzwach' b'o e nab'en 'a junjn c'u.

A Scarta San Pablo D'a Eb' Aj Colosas 3:10

A ticnec, caw xjelmj qui nab'enec. Wan swach' b'o qui nab'enec tic, sec lajn tzon̈ 'ajc yet' jun b'ojnacn̈ec, sec wach' 'oj qui wach' 'ojcoc 'el jun b'ojnacn̈ec cha.

Tito 3:5

Yuj cha, on̈ colchj yu'uj. Man̈ yujoc junc tas wach' xqui b'o'o, on̈ colchji. Palta yujn̈ej to a Dios, 'ix 'o'ch sc'ojl 'ayon̈. A yic on̈ sacb'tzan yuj qui mul, 'icha to on̈ 'alj pax 'a scha'ejmal. Yuj Yespíritu 'ix jelmj qui nab'en.

A Sb'ab'el Carta San Pedro 3:4

Palta a wal e nab'en, a tze chamc'ojlej e b'oni, sec wach' yilx 'a sat Dios. A swach'l cha, may b'a'n̈ tzjuwi. Toto wach' yaj e nab'en, toto 'emmquil yaji, atn chi caw wach' yilx 'a sat Dios, caw niwn yel'ch 'a 'a.

A Sb'ab'el Carta San Pedro 4:14

Toto 'ay eb' tzon̈ b'uchnec, yujto 'aych qui nab'enec 'a Cristo, caw tzaljc'ojlal quiquec. Yujto a Yespíritu Dios, atn jun caw niwn yel'chi, a cajn 'och 'ayn̈ec. [A eb' cha, tu tzyal eb' 'a spatc Cristo. Palta an̈ec xo tic, niwn yel'ch 'a qui satec.]