2 Co 4:14 - Chuj San Sebastian Bible

¹⁴ Cojc on̈, a Dios 'a'jnac pitzwc pax Cajlil Jesús 'a scal eb' chamnac, a 'oj ca'n pax pitzwc on̈, yujto yic on̈ Jesús on̈. 'Oj e pitzw pax quet' on̈, ax on̈ yi'nec 'at 'a 'aj 'ayc' cha.

Chuj San Mateo Bible

¹⁴ Cojtac to a jun ix ac'an pitzvoc Cajal Jesús d'a scal eb' chamnac, A' ol on̈ ac'anxi pitzvoc yuj Jesús. Ol ex pitzvocpax qued'oc, axo on̈ yic'anb'at chi' b'aj ayeq'ui.

2 Co 4:14 ပူးပေါင်းရင်းမြစ်များ

Is 26:19

Palta ax eb' chamnac, eb' to ec yaji, 'oj pitzwc pax eb'. A eb' 'icha ton̈j waynac, 'oj 'el swayn̈ eb' cha, ax sq'ue 'awjoc eb' 'a tzaljc'ojlal. 'Icha wal tz'aj sq'uel junc 'awb'en yuj chicb'chan̈ tz'ejm 'a yib'an̈, 'ixta wal 'oj otc a'n cot a sacq'uinlal 'a yib'n̈ eb' chamnac, yic 'oj q'uex wan eb' 'a 'aj mucan.

Lc 21:36

Yuj cha, caw lista tzeyutj e b'a. Leslwan̈c 'a smasnil tiempo sec 'ay e te'nal yic wach' 'oj stac' e coln 'el e b'a 'a jun tzo'n̈ 'oj jawc cha. Ma'oj e q'uixw e c'och 'a wojltac an 'Ochnc in 'Anmal tic, xchi Jesús 'a eb'.

A Tas Sc'ulejnac Eb' Schecab' Jesús Hechos 2:24

Palta a Dios 'ix 'a'n pitzwc paxi. 'Ix yac' ganar Jesús spitzw paxi, yujto may yel'ch chaml 'a 'a.

A Tas Sc'ulejnac Eb' Schecab' Jesús Hechos 2:32

A Jesús tic, a Dios x'a'n pitzwc paxi. Qui masnil on̈, tzca'ch qui b'a testigoal yuj jun tic, yujto xquil on̈.

Ro 8:11

A Dios a 'a'jnac pitzwc pax Jesús 'a scal eb' chamnac. Toto a Yespíritu Dios chi 'aych 'ayn̈ec, atn jun 'a'jnac pitzwc pax Cristo cha, 'oj yac' pitzwc pax qui niwnalec yic chaml yaj tic, yujto a 'aych 'ayn̈ec.

1 Co 6:14

Yuj cha, 'icha yutjnac Dios ya'n pitzwc pax Cajlil, 'ixta 'oj on̈ yutquec on̈ ya'nec pax pitzwc yet' spoder jun xo.

2 Co 11:2

Caw wal tzex in ya'ilej, 'icha wal tzyutj Dios ex sya'ilni. Yujto tox xwac' in trato yet' Cristo, chajtlto 'oj ex wac' 'a yol sc'ab'. 'Icha junc cob's 'ix mant 'a jac smul, tz'ajx 'och 'a yol sc'ab' yichmil, comnoc 'ixta 'ex, yic 'oj ex wa'nc 'och 'a yol sc'ab' Cristo.

Ef 5:27

'Ixta on̈ yutjec an̈ yiglesia on̈ec, sec caw wach'n̈ec 'a sat, yic 'oj qui c'ochc 'a yojltac. Yuj cha, a wal ta', man̈x 'a qui tu'al, qui maysch'olnilal. Man̈x 'a junc tas 'aych 'a qui pixnec. An̈j wal 'a 'oj ca'c 'och qui nab'en. Man̈x 'a jac qui paltailec ta'.

A Scarta San Pablo D'a Eb' Aj Colosas 1:22

yujto xcham Cristo yet' sniwnal cujec. 'Ixta x'aj schami, sec tzon̈ yijec 'och yico'oc, sec may jac qui mul yet' qui maysch'olnilal 'a sat.

A Scarta San Pablo D'a Eb' Aj Colosas 1:28

Atn Cristo tzcal-l yab'xil on̈. Tzcham wal caln yab'xil 'a junjn eb' 'aj tzon̈ 'ec' on̈. Tzon̈ cuywj pax on̈, sec tzwach' jelnb'i junjn eb' 'a yic Dios. Yujto tzqui nib'j on̈, to caw tzte'nb'i snab'en junjn mach 'a yol sc'ab' Cristo.

1 Ts 4:14

An̈ec xo tic, tzca'c 'och 'a qui c'ojol, chajtlto a Jesús 'ix chami, 'ix pitzw paxi. 'Ixta 'oj 'aj pax eb' creyente chamnc xo. A Dios 'oj 'a'nc pax cot eb' yet' Jesús.

Santiago 5:15

Toto tzeya'ch Dios 'a e c'ojol, tzex leslwi yuj eb' ya'ay cha, 'oj colchjoc 'el eb' 'a syailal. A Cajlilec, a 'oj 'a'nc b'oxc sc'ojl eb'. Toto 'ay smul eb' xlaj 'ochi, 'oj 'ajxoc lajwc can yuj Dios.

San Judas 1:24

Yuj Cajlil Jesucristo tzcalnec wach' paxti 'a Dios qui Colmalec. Cojn Dios tztac' on̈ stan̈wniec yic wach' matz on̈ telwec, sec may jac qui paltailec, ax ya'n qui tzaljc'ojlalec 'a yojltac 'a 'aj 'ay swach'il. A Dios smoj yalx yu'uj to caw niwn swach'il, niwn yel'chi, caw 'ay spoder, cojn Yajl yaj 'a smasnil tas. Smoj yalx 'ixta 'a 'a, yujto 'ixta xon yaji yic mantzac b'o yolyib'n̈q'uinl tic, 'ixta yaj ticnec yet' pax 'a smasnil tiempo. B'o cab' 'ixta'.