2 Co 4:11 - Chuj San Sebastian Bible

¹¹ Ya' sb'a pitzn on̈ on̈, smasnil tiempo 'aych chaml 'a quib'n̈ on̈, yujto junxn̈ej caj yet' Jesús on̈. Yuj cha, wach'xam 'oj cham qui niwnal tic on̈, palta wan scheclj 'el sq'uinl Jesús 'a qui niwnal tic on̈.

Chuj San Mateo Bible

¹¹ Yacb'an pitzan on̈, masanil tiempo ayoch chamel d'a quib'an̈, yujto junxon̈ej caj yed' Jesús, yic vach'chom chamelb'a yaj co nivanil tic, van scheclajel sq'uinal Jesús d'ay.

2 Co 4:11 ပူးပေါင်းရင်းမြစ်များ

Salmos 141:7

A sb'acl eb', sactzicnac 'oj 'ajcn 'a stz'ey sti sjul-l eb' chamnc 'anma', b'ulctac xoj tz'ajcn 'icha lum lu'um.

Salmos 44:22

Palta oj wali, yuj cha, junjn c'u 'ijn tzon̈ smil cham eb' on̈, 'icha no calnelu tz'ijx 'at chamoc, 'ixta tzon̈ yutj eb' on̈.

Ro 8:11

A Dios a 'a'jnac pitzwc pax Jesús 'a scal eb' chamnac. Toto a Yespíritu Dios chi 'aych 'ayn̈ec, atn jun 'a'jnac pitzwc pax Cristo cha, 'oj yac' pitzwc pax qui niwnalec yic chaml yaj tic, yujto a 'aych 'ayn̈ec.

Ro 8:36

Yujto tzyal 'ixtc 'a Ch'an̈ U'un̈: O'oj, yuj cha, junjn c'u, 'ijn tzon̈ smil cham eb' on̈, 'icha no calnelu tz'ijx 'at chamoc, 'ixta tzon̈ yutj eb' on̈, xchi 'a ch'an̈.

1 Co 15:31

An tic ex wu'tac, ex wanab', junjn c'u 'ijn tzin milx chamoc. Caw yel tzwal 'ayex, yujto 'ay in tzaljc'ojlal eyu'uj, yujto 'aych e c'ojl 'a Cajlil Jesucristo wet'oc.

1 Co 15:49

A ticnec lajn qui niwnalec yet' jun b'onc 'a lum lum cha. Ax 'a jun tiempoal cha, lajn 'oj 'aj qui niwnalec yet' jun yic satcha'an̈.

2 Co 4:10

Tzann̈j 'ajtc tzon̈ 'ec' on̈, caw tzcab' syal yet' qui niwnal tic on̈, 'icha 'ajnc Jesús yab'n syail yic schami. 'Ixta tzon̈ 'aj on̈, sec tzcheclj 'eli, to a sq'uinl Jesús 'aych 'ayn̈ on̈.

2 Co 4:12

Yuj cha, an̈ tic on̈, 'ayx 'och chaml 'a quib'n̈ on̈. Ax xo, 'ayx e q'uinl 'a jun 'ejmn̈ej.

2 Co 5:4

A yic 'ayn̈ect 'ec' yet' jun qui niwnalec tic, tzon̈ c'acwec cab'n syail. Man̈toc ton̈j tzqui nib'jec tz'ijx 'ec' jun qui niwnalec tic. Palta tzqui nib'jec to tz'ajx junx qui niwnalec, sec 'oj satl jun yic chaml yaj tic, yic 'oj qui chac qui q'uinl 'a jun 'ejmn̈ej.

2 Co 6:9

'Ay 'aj tzyal eb' 'anma', to man̈ on̈ yojcoc eb' on̈. 'Ay 'aj tzyal pax eb', to yojc on̈ eb' on̈. 'Ay 'aj tzon̈ cob' 'ajxc 'och 'a yol sc'ab' chaml on̈, palta an̈ja pitzn on̈ ticnec on̈. Caw tz'ajx 'och 'a quib'n̈ on̈, palta matz on̈ cham on̈.