2 Co 3:12 - Chuj San Sebastian Bible

¹² Yujto tzca'c 'och jun tic yipc qui c'ojol, yuj cha, caw matz on̈ xiwc caln 'eli.

Chuj San Mateo Bible

¹² Yujto scac'och jun tic yipoc co c'ool, yuj chi' max on̈ xiv calaneli.

2 Co 3:12 ပူးပေါင်းရင်းမြစ်များ

Jn 10:24

Ax eb' 'aj Judea 'ayc' ta', 'ix 'och oyn eb' 'a 'a, xyaln eb' 'a 'ixtic: —¿B'a'n̈to wal 'oj al 'ayn̈ on̈, mach ach? Toto yel Cristo ach, tojln̈ej tzotj aln 'ayn̈ ticnec on̈, xchi eb' 'a 'a.

Jn 16:25

Chuc xwutj waln jun tzo'n̈ cuynb'il tic 'ayex. Palta 'ay jun tiempoal 'oj jawoc, man̈xtoc 'oj wal 'ayx 'ixta', yujto tojl xoj 'oj wutc waln yab'xil qui Mam Dios 'ayex.

Jn 16:29

Ax eb' scuywum cha, 'ix yaln eb' 'ixtc 'a 'a: —A ticnec, caw tojl xoj tzotj aln 'ayn̈ on̈. Man̈xtoc chuc tzotj aln 'icha 'a jun 'el.

A Tas Sc'ulejnac Eb' Schecab' Jesús Hechos 14:3

Ax Pablo yet' Bernabé, niwn tiempo 'ix 'ochcn wan eb' 'a jun chon̈b' cha. Caw te'n xyutj sb'a eb' yaln 'eli, yujto xya'ch eb' Cajlil yipc sc'ojol. Yic xyaln 'el eb' yab'xil schamc'ojlal Cajlil, a x'och yet' eb', sec tzcheclj 'eli, to yel tzyal eb'. 'Ix ya'n spoder 'a eb', sec tztac' sch'oxn eb' jun tzo'n̈ milagro.

A Tas Sc'ulejnac Eb' Schecab' Jesús Hechos 4:13

Ax 'ix yiln ewin yajl cha, chajtlto caw te'n xyutj sb'a Pedro yaln yet' Juan. 'Ix yiln pax ewinac, to may 'aj cuywnac eb', comn 'anma eb'. Yuj cha, caw sat sc'ojl ewinac. 'Ix nachj 'el yuj ewinac, chajtlto jun 'e'nc eb' yet' Jesús.

A Tas Sc'ulejnac Eb' Schecab' Jesús Hechos 9:27

Palta ax Bernabé 'ix 'i'n 'at Saulo chi 'a eb' schecb' Jesús, 'ix yaln 'a eb' 'ixtic: —'Ix yil Saulo tic Cajlil 'a yol b'e. 'Ix paxtin yet'oc. Yuj cha, caw 'ix ste'wtzej sb'a yaln 'el yab'xil Jesús 'a chon̈b' Damasco, xchi Bernabé 'a eb'.

A Tas Sc'ulejnac Eb' Schecab' Jesús Hechos 9:29

Caw 'ix ste'wtzej sb'a yaln 'el yab'xil Cajlil. 'Ix stej sb'a yet' eb' yit israelal griego sti'. Palta 'ix smol alj eb', chajtl tzyutj eb' smiln chamoc.

1 Co 14:19

Palta a yic tzqui yamnec qui b'a 'a culto, yel xo wach' tzwal 'a e ti', yic tzex in cuyni. Yujto wach'xam o'en̈ej paxti'al tzwal 'ayx 'a e ti', palta 'ec'b'al yopiso 'a yib'n̈ lajn̈e'oc mil paxti'al matz nachj 'el eyu'uj.

2 Co 10:1

A Cristo, caw 'emmquilal yutjnac sb'a, til wal swach'l snab'en. 'Icha yutjnac sb'a cha, 'ixta tzwutj in b'a in tew 'at 'ayx an Pablo in tic. Tzalxi, to caw 'emmquil tzwutj in b'a, yic 'ayn 'ec' eyet'oc, palta ax ab' yic 'ayn 'ec' 'a najat, caw ab' ow in.

2 Co 3:11

Toto niwn yel'ch jun 'e'lb'a 'e'nc cha, ocxom wal jun 'ayc' 'a jun 'ejmn̈ej tic.

2 Co 4:13

A 'a Ch'an̈ U'un̈, ata 'ay jun aljnac can 'ixtic: 'Ix wa'ch Dios 'a in c'ojol, yuj cha, 'ix waln 'el spaxti', xchi. An̈ xo tic on̈, lajnn̈ej tzcutj ca'n 'och 'a qui c'ojl yet' on̈. Tzcaln 'el on̈, yujto tzca'ch pax 'a qui c'ojl on̈.

2 Co 7:4

Caw tzex wa'ch yipc in c'ojol, tzex waln wach'il. Wach'xam niwn tas tz'ajx 'och 'a quib'n̈ on̈, palta caw tz'ajx sniwnal in c'ojol. Caw tzin tzalj si'mb'il.

A Scarta San Pablo D'a Eb' Aj Filipos 1:14

A yic xyiln eb' creyente, chajtlto te'n tzwutj in b'a 'a preso tic, til wal eb' xwach' 'och ste'nal wu'uj. Caw man̈xtzac xiw eb' yaln 'el spaxti Dios 'a tic. Caw te'n tzyutj sb'a eb' yuj Cajlilec.

A Scarta San Pablo D'a Eb' Aj Filipos 1:20

Tzwa'ch yipc in c'ojol, to ma'oj wac' in q'uixwloc. Tzin nib'ej, caw te'n 'oj wutc waln 'eli, 'icha xon tzwutj in b'a. Toto 'ixta', wach'xam pitzn in, wach'xam tzin chami, wu'uj 'oj checljoc can 'eli, chajtlto caw niwn yel'ch Cristo.

A Scarta San Pablo D'a Eb' Aj Colosas 4:4

Yuj cha, leslwan̈c wu'uj, sec a yic tzwaln 'el yab'xil Cristo, 'oj nachjc 'el yuj eb' tz'ab'n 'icha tznib'ej.

1 Ts 2:2

A 'a chon̈b' Filipos, b'ab'l 'e'nc on̈ on̈. Eyojtac, caw niwn syal 'ec' cab'jnac ta 'on̈. Caw ya'jnac eb' 'anma stul 'ayn̈ on̈. Ax yic qui c'och 'a e chon̈b' cha, caw cab'jnac pax syal ta 'on̈. Palta a qui Diosalec 'ochnc quet' on̈. Yuj wal cha, ma'on̈ xiw caln 'el wach' 'ab'x 'a e cal on̈.

1 Ti 3:13

Toto wach' tzyutj eb' yopiso, caw 'ay yel'ch eb' 'a sat eb' yit creyenteal. Toto 'ixta', matz xiw eb' yaln 'eli, chajtlto 'aych sc'ojl eb' 'a Cristo Jesús.

Filemón 1:8

An tic schecb' in Cristo. Yuj cha, 'ay waln wic waln 'at 'ayach, tas yowlal tza b'o ta'.