2 Co 3:1 - Chuj San Sebastian Bible

¹ A yic tzcaln 'at jun tzo'n̈ tic 'ayx on̈, ¿tom tze na'a, to ton̈j tzcalb't qui b'a wach'l 'ayx jun 'ejm xo on̈? Man̈ yowlalc tzca't jun tzo'n̈ carta tic 'ayx on̈, yic tzyalni tas copiso on̈, 'icha tzyutj sb'a jun tzo'n̈ xo eb'. An̈jtona', man̈ yowlalc tzqui c'an cot e carta on̈, tzeyaln coti, toto 'ay copiso 'a e sat on̈.

Chuj San Mateo Bible

¹ Ayic scalanb'at juntzan̈ tic d'ayex, ¿tom tze na' to scal co b'a vach'ilal d'ayex junelxo? Man̈ yovaliloc sco ch'ox juntzan̈ carta d'ayex tz'alani tas copisio, icha syutej sb'a juntzan̈xo eb'. An̈ejtona', man̈ yovaliloc sco c'ancot e carta, tzeyalancoti to ay copisio d'a eyichan̈.

2 Co 3:1 ပူးပေါင်းရင်းမြစ်များ

A Tas Sc'ulejnac Eb' Schecab' Jesús Hechos 18:27

Xlajw cha, x'el 'a sc'ojl Apolos chi x'at 'a yol yic Acaya. Yuj cha, ax eb' creyente, 'ix colwj eb' 'a 'a. 'Ix stz'ib'n eb' jun carta tzyij 'at 'a eb' creyente, sec caw wach' tzyutj eb' schan sc'ochi. Yic 'ix c'och 'a yol yic Acaya cha, caw 'ix sjucb'tzej eb' ya'jnac 'och sc'ojl 'a Jesucristo yuj swach'c'ojlal Dios.

Ro 16:1

A canb' Febe, diaconisa 'ix 'a jun iglesia 'a chon̈b' Cencrea. Tzwac' 'ab'enal 'ix 'a yol e cab'.

1 Co 10:33

An xo tic, jantcn̈ej tas tzin b'o'o, tzwa'lj wa'n stzaljc'ojlal smasnil 'anma'. Man̈toc mun wic tzin sayq'ui, yic tzin chan swach'il. Palta tzin say yic jun tzo'n̈ xo 'anma', sec wach' toq'ue 'oj colchjoc 'el eb'.

1 Co 16:3

Tze sic' 'elt jaywn̈oc eb' 'oj in checb't 'a Jerusalén. At 'oj in c'ochi, ax in b'on scarta eb', sec chequel, to 'ay yopiso eb'. Atn eb' 'oj 'i'nc 'at eyofrenda 'a eb' creyente ta'.

1 Co 3:10

An xo tic, 'icha junc b'om n̈a tznachj 'el sb'on junc n̈a cha, 'ixta 'in yuj swach'c'ojlal Dios. An tic, yic wec' 'a e cal ta', 'icha to 'ec' wa'jnac 'ejm yipnub'al yich junc n̈a. Ax ticnec, chucx mach wan smunlj 'a e cal. 'Icha to wan ya'n q'ue xamit 'a yib'n̈ jun yipnub'al yich cha. A junjn mach tzmunlj ta', yowlal caw tzyila, chajtl tzyutj ya'n q'ue jun tzo'n̈ xamit cha.

1 Co 4:15

Toxn̈ej 'ay lajn̈e'oc mil e cuymal tzex cuyn 'a yic Cristo, palta junn̈j caw 'icha e mam yaji. An ton tic mamb'il waj 'ayex, yujto an in b'ab'l aljnac wach' 'ab'x 'ayx ta'.

2 Co 10:12

An̈ tic on̈, matz qui te'wtzej qui b'a qui nan on̈, to lajn on̈ 'icha jun tzo'n̈ xo eb' mun tzyal wach'l sb'a. Matz qui lajb'tzej qui b'a yet' eb' on̈. A eb' cha, man̈ nab'enal yaj eb', yujto junjn eb', mun a snab'en eb' tzcob' sc'anlb'oc yic tzb'eyc'ojlan sb'a eb'. An̈jtona', tzcob' slajb'tzanc eb' snab'en yet' jun tzo'n̈ xo eb'.

2 Co 10:18

'Ay eb' mun tzyal wach'l sb'a, palta may yel'ch tas tzyal eb' cha, cojn eb' tzyal Cajlilec wach'il, an̈j eb' wach'.

2 Co 10:8

Wach'xam caw tzin 'ec' 'a yib'n̈ waln yuj copiso on̈, palta ma'oj in q'uixw yu'uj. Yujto a Cajlilec a 'a'jnac copiso tic on̈, yic tzca'n 'och e te'nal on̈, man̈ yujoc ex ca'n juwc 'el on̈, ya'n copiso tic on̈.

2 Co 12:11

'Icha to man̈ nab'enal waji, yic tzwaln 'at in b'a wach'l 'ayex, palta ax xo in eyac' pural walni. Yujto smoj ax tzin eyal wach'il. 'Ay eb' cob' tzyalch sb'a schecb'oc Cristo si'mb'il. A 'a eb' tzlaj cob' eya'ch e nab'en. Wach'xam may xon jac wel'chi, palta may wal jac yel'ch eb' 'a in sat.

2 Co 12:19

Tecn tze na'a, to ton̈j tzqui col qui b'a 'a eyojltac on̈. Palta man̈ 'ichcta tzcutj qui b'a on̈, yujto a 'a sat Dios, wan caln 'at jun tzo'n̈ tic 'ayx on̈ 'icha tznib'j Cristo, sec 'oj laj 'och e te'nal.

2 Co 2:17

An̈ tic on̈, man̈ yujoc ca'n ganar 'a spatc spaxti Dios, tz'ec' calnc 'el on̈, 'icha tzyutj sb'a nan̈l xo eb'. Tz'ec' cob' sb'al alnc 'el eb'. Palta an̈ xo tic on̈, caw yelc'ojlal tz'ec' cal-l on̈, yujto 'ac'b'il copiso yuj Dios on̈. Tz'ec' cal-l on̈, sec tzalj Dios quet' 'on̈, yujto schecb' on̈ Cristo on̈.

2 Co 5:12

Man̈ ton̈joc tzcalb't qui b'a wach'l 'ayx jun 'ejm xo on̈. Palta tzqui nib'j 'oj stac' e tzalj quet' on̈, sec 'oj stac' e pacn 'a jun tzo'n̈ eb' ton̈j tzb'an̈ sb'a yuj jun tzo'n̈ tas tzquilc yet' qui sat 'a eb'. Ax tas 'ay 'a snab'en eb', matz na xon eb', toto wach', mto ma'ay.