2 Co 2:9 - Chuj San Sebastian Bible

⁹ In tz'ib'jnac 'at 'ayx yuj jun tic 'a jun 'el, yic wa'n ex prowal. Yujto in nib'j wojcoc 'eli, toto yel tzeyiclj tas tzwala.

Chuj San Mateo Bible

⁹ Yuj jun chi' in tz'ib'ejnacb'at jun in carta d'ayex, yic vach' tzex vac' proval. Yujto in gana svojtaquejeli tato yel tze c'anab'ajej tas svala'.

2 Co 2:9 ပူးပေါင်းရင်းမြစ်များ

Ex 16:4

Yuj cha, xyaln Jehová 'a Moisés 'ixtic: —'Oj wa' cot tas 'oj sc'ux eb' 'anma tic 'a satcha'an̈. 'A junjn c'u, ax si'n eb' tas 'oj sc'ux cha, palta cojn tas 'ay tz'och yuj eb' 'a jun c'u cha, a chi 'oj sic' eb'. 'Ixta 'oj wutc wilni toto 'oj syiclc eb' in checnb'il mto ma'ay.

2 Co 10:6

Ax 'a yic 'oj e wach' yiclnoc, an̈ xo tic on̈, lista xo caj on̈ yic tzca'n cuenta eb' man̈ yiclumoc tzyutj sb'a 'a e cal cha.

2 Co 2:3

'Ixta wutjnac waln 'at 'ayx 'a junx in carta, yujto in nib'jnac, ma'in 'at wa'ch e cusc'ojlal. Smoj to ax tzeyac' in tzaljc'ojlal. Xwa'ch yipc in c'ojol, toto tzjaw in tzaljc'ojlal, ax sjaw pax e tzaljc'ojlal jun xo.

2 Co 2:4

A yic in tz'ib'n 'at jun carta chi 'ayex, caw in 'och 'il eyu'uj. Caw wab'jnac syail, caw 'o'nc in paxi. Palta man̈ yujoc wa'n 'och e cusc'ojlal in tz'ib'n 'ati. In tz'ib'jnac 'ati, sec tzeyojquej 'eli, to caw niwn in chamc'ojlal 'ayex.

2 Co 2:8

Yuj cha, tzin tew 'at 'ayex, ch'oxc pax e chamc'ojlal 'a 'a.

2 Co 8:2

Wach'xam caw x'ajx prowal eb' yuj screyenteal, palta caw tzaljn̈ej eb'. Wach'xam caw meb'a eb' si'mb'il, palta 'ela eb', 'icha to caw rico eb' tzquila.

2 Co 8:24

A yic 'oj c'och eb' 'ayx ta', caw tze ch'ox e chamc'ojlal 'a eb'. Toto 'ixta tzeyutj e b'a, 'oj e ch'ox 'a eb' creyente 'a junjn iglesia, to yel xcal on̈, yic ex caln wach'l on̈.

Dt 13:3

man̈ e cha eyab' jun tzo'n̈ chi 'a 'a. A Jehová qui Diosalec, a tzex 'a'n prowal, sec tzyila toto yel tze chamc'ojlej yet' smasnil e c'ojol, yet' smasnil e nab'en.

Dt 8:16

'Ix qui wan maná 'a lum cusltac lum cha. A jun cha, man̈ 'ojcab'ilc yuj eb' qui mam quichmec. 'Ixta 'on̈ yutjec on̈ ya'lni prowal, sec wach' tzex 'el'ch b'aq'uin̈.

Dt 8:2

Nac cot wal si'mb'il, chajtlto chawinc ab'il on̈ b'eyc cot 'a lum cusltac lum yuj Jehová qui Diosalec. 'Ix yac' quilc yailal, on̈ ya'lni prowal yet' qui nab'en, toto yel tzqui yicljec schecnb'il tic, mto ma'ay.

A Scarta San Pablo D'a Eb' Aj Filipos 2:12

Yuj cha, ex chamc'ojlb'il wu'uj, yiclumn̈ej cab' tzeyutj e b'a 'icha xon e ley. Caw tzeyac' eyip 'a 'emmquilal, 'a xiwc'ojlal, sec 'oj 'el'choc e colnb'il eyu'uj. Man̈ cojnoc yic 'ayn 'ec' eyet' ta', 'ixta tzeyutj e b'a. Palta tze wach' b'oj jun tzo'n̈ tic, yic man̈ in 'ayc 'ec' eyet'oc.

A Scarta San Pablo D'a Eb' Aj Filipos 2:22

Palta eyojc xoni, a Timoteo tic, checl xon yaj sb'eyb'al. 'Icha junc 'unnab'il yet' smam, 'ixta tzyutj sb'a 'ayin. Caw tzyac' servil Cajlil wet'oc, yic tzcaln 'el wach' 'ab'x yic colnb'il on̈.

2 Ts 3:14

Toto 'ay eb' matz yiclni tas tzcalb't 'ayx 'a jun qui carta tic on̈, yowlal tze checltej 'el eb' 'a e cal, sec 'oj q'uixwc 'el eb'. An̈jtona', caw matz tac' jun tzex 'ec' yet' eb'.

Filemón 1:21

Tic tzwalb't jun tzo'n̈ tic 'ayach, yujto caw yiclum tzotj a b'a. Wojtac, jantcn̈ej tas tzwalb't 'ayach, 'oj a b'o'. Palta 'oj a wach' b'oc jun tzo'n̈ xo.