2 Co 2:2 - Chuj San Sebastian Bible

² Toto tz'at wa'ch e cusc'ojlal, ¿macht wal junc 'oj stac' ya'n sniwnal in c'ojl an tic? Yuj cha, tzin nib'j matz 'at wa'ch e cusc'ojlal, yujto cojxn ex 'oj stac' eya'n sniwnal in c'ojol.

Chuj San Mateo Bible

² Tato sb'at vac'och e cusc'olal, ¿machto junoc ol ac'anxi in tzalajc'olal? Yuj chi', malaj in gana sb'at vac'och e cusc'olal yujto a exn̈ej syal eyac'an snivanil in c'ool.

2 Co 2:2 ပူးပေါင်းရင်းမြစ်များ

Mt 19:22

A yic xyab'n win jun tzo'n̈ cha, caw cusc'ojlal xpax winac, yujto til wal tas 'ay 'a 'a.

Ro 12:15

A mach tzalji, tzalj coyc yet'oc. Ax mach tzcusi, cus coyc pax yet'oc.

1 Co 12:26

Q'uinloc 'ay junc eb' tzyab' syail, tzyab' syal pax smasnil yet'oc. Toto 'ay pax junc tzaljc'ojlal yaji, tzaljc'ojlal yaj eb' smasnil yet'oc.

2 Co 1:14

Yuj cha, tzwa'ch yipc in c'ojol, to 'oj wach' nachjc 'el eyu'uj, chajtlto a yic 'oj jawc Cajlil Jesús, 'oj stac' e tzalj cuj on̈, 'icha tzon̈ 'aj qui tzalj eyuj on̈.

2 Co 11:29

Toto 'ay eb' mant 'a ste'nal, caw tzin 'och 'il yuj eb', 'icha to may in te'nal yet' eb'. Toto 'ay eb' tz'ajx juwc 'el snab'en, caw tzwab' syal si'mb'il yuj eb'.

2 Co 7:8

Wach'xam caw x'och e cusc'ojlal yuj jun carta wa'jnac 'at 'ayex, palta matz in cus yu'uj. Cusnc in ton yuj 'a jun 'el, yujto xwab'i, to 'ochnc e cusc'ojlal jun tiempoal yu'uj.