2 Co 12:20 - Chuj San Sebastian Bible

²⁰ Tzin xiwi, yujto a yic 'oj 'at ex wila', toq'ue man̈ ex 'ichcta 'icha tzin nib'ej. An xo tic, toq'ue man̈ in 'ichcta 'icha tze nib'ej. Caw tzin xiw in 'at 'ayex, toq'ue 'ay owl 'a e cal, chichnc'ojlal, yet' c'a'lc'ojlal. Toq'ue 'ayx wan laj eyi'n chan̈ e b'a, toq'ue 'ayx tzex laj b'uchwj 'a e patc junjn ex, 'ayx alm ex peclal. Toq'ue 'ayx tzlaj e b'an̈ e b'a, 'ayx pax wan laj e somchj 'eli.

Chuj San Mateo Bible

²⁰ Tzin xiv in b'at ex vila', talaj man̈ ichoc in gana tzeyutej e b'a. A inxo tic, talaj man̈ ichoc e gana svutej in b'a. Tzin xiv in b'at d'ayex ta', ta icha chi' ayto oval, chichonc'olal yed' c'ac'alc'olal d'a e cal. Tato icha chi' ayexto tzeyic'chaan̈ e b'a, ayexto tzex b'uchvaj d'a e patic junjun ex, ayexto tzex alvi pecal, ayexto tzeyac' ac'umtaquil, talaj ayexto pax van e somchitan e b'a.

2 Co 12:20 ပူးပေါင်းရင်းမြစ်များ

Salmos 41:7

A eb' matz in nib'ni tzyam sb'a eb' smasnil, tzlaj yalnc eb' wuj 'ixtic:

Pr 16:28

A junc mach tu snab'en, saym owl 'a scal 'anma', ax junc alm peclal, tzchac sb'a eb' swach'c'ojl sb'a yu'uj.

Ro 1:29

C'aync eb' yet' jantcn̈ej tu nab'enal, [yet' 'ajmulal]. An̈j maysch'olnil 'aj 'aych snab'en eb'. Tznib'j 'och eb' ricoal. Caw tu eb'. Tznib'n 'och eb' tas 'ay 'a junc xo mach. Ma'm cham 'anma eb'. 'A'm owl eb'. 'Ixtm 'anma eb'. Caw palta sb'eyb'al eb'. Alm peclal pax eb'.

Ro 1:30

Tzyaln eb' maysch'olnil 'a spatc eb' yit 'anma'il. Tzchichn 'och eb' 'a Dios. Tzuntzm maysch'olnil eb'. Tzyij chan̈ sb'a eb'. B'an̈quintac yec' eb'. Caw jeln tzyutj eb' snan 'el junc maysch'olnil. Man̈ yiclumoc tzyutj sb'a eb' 'a smam snun.

Ro 2:8

Palta 'ay pax eb' 'aj 'oj yac' Dios yowl sc'ojol, ax ya'n can 'och syailal eb', atn eb' tznib'j axn̈ej 'ay yel'chi. Matz yiclj eb' jun cuynb'il caw yel. Cojn jun tzo'n̈ maysch'olnil 'aj 'aych snab'en eb'.

1 Co 1:11

Tzwal't jun tzo'n̈ tic 'ayx ex wu'tac, ex wanab', yujto a eb' yic Cloé xaln cot 'ayin, to wan spitzw ab' owl 'a e cal ta'.

1 Co 14:33

Toto ton̈j tzon̈ somljiec calni, man̈oc 'a Dios tzcot jun cha. Yujto tznib'ej, sictac tzon̈ 'ajec. A sb'eyb'al eb' creyente 'a junjn iglesia, caw sictac tz'aj eb' 'ix 'ix.

1 Co 5:2

Eyojtac, 'ixta tzyutj sb'a winac, palta an̈ja e b'an̈n e b'a. Smoj wal caw tzex cus si'mb'il. A win tzb'on jun maysch'olnil cha, yowlal tzeyij 'el 'a e cal.

2 Co 1:23

Palta tzin nib'j ma'ix 'och e cusc'ojlal wu'uj, yuj cha, mant 'ic in 'e'x 'ayx 'a Corinto cha. Caw yel tzwala, tzyil Dios, yujto caw yojc tas 'ayc' 'a in nab'en.

2 Co 10:2

Palta tzin tew 'at 'ayex, sec wach' a yic 'oj in c'och 'ayex, man̈ yowlalc ow 'oj wutc in b'a. Yujto 'ayx wan eyaln cuj on̈, to ton̈j tzqui b'eylb'ej 'icha sb'eyb'al junc comn 'anma 'on̈. Palta an tic, caw ma'oj in xiw in ten in b'a yet' eb' tzaln cha.

2 Co 10:6

Ax 'a yic 'oj e wach' yiclnoc, an̈ xo tic on̈, lista xo caj on̈ yic tzca'n cuenta eb' man̈ yiclumoc tzyutj sb'a 'a e cal cha.

2 Co 12:21

Tzin xiw in 'at 'ayx jun 'ejm xo, toq'ue a qui Diosal 'oj 'a'nc in q'uixwloc eyu'uj. Toq'ue caw 'oj woc' eyu'uj, yujto 'a yictax yalan̈, caw niwn ex tze b'o maysch'olnil. Caw matz eyactj can e b'on jun tzo'n̈ maysch'olnil yet' e niwnal, atn 'ajmulal yet' jun tzo'n̈ xo tas caw q'uixweltac.

2 Co 13:2

A yic wec' ta 'a scha'ejmal, 'ay jun tas alb'il wuj 'ayex. Ax ticnec, tzwaln 'at 'ayx jun 'ejm xo. Wach'xam man̈ in 'ayc 'ec' eyet' ta', palta tzwalb't 'ayx ax 'ochnc e mul 'a yic yalan̈, yet' pax 'ayx e masnil. A yic 'oj in 'atx 'ayx jun 'ejm xo, man̈x 'a xon jac niwnc'ojlal 'oj wac' 'ayx b'i'an. Atn jun tic 'ec' waljnac can 'ayex.

2 Co 2:1

Yuj cha, xin nani, to man̈x 'oj in c'ochx 'ayx 'a scal cusc'ojlal.

Gl 5:15

Palta toto an̈ja 'aych e nab'en laj eya'nc owl 'a e cal, caw 'ay smay, 'oj laj e satl e b'a.

Gl 5:26

Caw man̈ qui b'an̈c qui b'a, sec matz laj qui tzuntzquec qui b'a. Man̈ qui nib'quec 'och tastc 'ay 'a junc xo quit creyenteal.

Santiago 4:11

Ex wu'tac, ex wanab', man̈x eyal-lac e peclal. Toto tzcalc speclal junc quit creyenteal, mto tzqui b'eyc'ojlej, tzyal 'el'chi, a sley Dios tzcalc speclal, mto wan qui b'eyc'ojlani. Palta toto tzqui b'eyc'ojlejc sley Dios, man̈xtzac qui yicljec sley cha, wan ca'nec 'och qui b'a juezal.

A Sb'ab'el Carta San Pedro 2:1

Yuj cha, yowlal tze wach' 'actj can jantcn̈ej tas maysch'olnil. Man̈x eyixtc paxti junc 'anma'. Man̈x chab'satoc tzeyutj e b'a. Man̈ ex chichnc 'och 'a junc mach yuj tas 'ay 'a 'a. Man̈ ex b'uchwjc 'a spatc junc xo mach.

A Schab'il Carta San Pedro 2:18

Ton̈j tzyij chan̈ sb'a eb' yaln jun tzo'n̈ tas may yel'chi. Yujto tzyal eb' 'ixtic: Tztac' qui b'onn̈ej maysch'olnil, tztac' qui b'onec tas tzqui nib'j 'och yet' qui niwnal tic, xchi cob' eb'. 'Ixta tzyutj eb' ya'n sc'ojloc jun tzo'n̈ eb' wan scolchj 'el 'a scal maysch'olnil.

San Judas 1:16

A eb' 'ay 'a qui calc tic, chichnc'ojlaln̈ej yaj eb'. Ton̈j tzyal eb' maysch'olnil 'a spatc junc xo. An̈j 'a jun tzo'n̈ tas tznib'j 'och eb' yet' sniwnal, an̈jta tzya'ch eb' snab'en. Caw ton̈j jeln tzcob' yutc eb' spaxtini. Tzann̈j junc mach, tzcob' stz'ac eb' yal wach'il, yujn̈ej to tznib'j eb' tzyac' ganar tas 'a spatic.