2 Co 12:2 - Chuj San Sebastian Bible

² 'Ay jun winc wojtac, 'aych sc'ojl 'a Cristo. Schan̈lajn̈il ab'il xo yijx q'ue 'a satchan̈ 'aj 'ayc' Dios. Man̈ wojcoc, toto xit'nc yet' sniwnal, mto ma'ay, cojn Dios 'ojtnac.

Chuj San Mateo Bible

² Ay jun vin̈ vojtac, jichan sc'ool vin̈ d'a Cristo. A ticnaic schan̈lajun̈ilxo ab'il xid'ec' vin̈ d'a satchaan̈ b'aj ay Dios. Man̈ vojtacoc tato ic'jinacb'at snivanil vin̈ yed'oc, mato maay. An̈ej Dios ojtannac.

2 Co 12:2 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 18:12

Ax 'oj 'ajoc, a yic 'oj in 'atcni, ax ach yi'n can 'at Yespíritu Jehová 'a 'aj man̈ wojcoc. A yic 'oj in c'och 'a win Acab, ax scot win ach wul yila', ax 'oj 'ajoc, ma'oj elchj yuj winac, ax in smiln can winac. An a checb' in tic, yictax quelm in to in 'och 'emmquilal 'a Jehová.

A Ch'an̈ B'ab'el Libro Yic Yab'ixal Eb' Rey 8:27

Palta ach in Diosal, ¿yel am wali 'oj stac' aj cajn 'a sat lum lum tic? 'Intax a satcha'an̈, may yalnb'il 'aj tzlajw c'ochi, palta caw matz techj ach smolni, ¡Ocxom wal jun yune n̈a 'ix in b'o eco'oc tic!

A Ch'an̈ Schab'il Libro Yic Yab'ixal Eb' Rey 2:16

'Ix yaln eb' 'ixtic: —'Ilto, 'ay 50 eb' winc caw wal 'ay yip 'a qui cal an̈ a checb' on̈ tic. 'At cab' eb' 'at say win qui cuymal cha, toq'ue 'aj 'ix julx can 'at yuj Yespíritu Jehová 'a junc jolm witz mto 'a junc pan̈n 'a'lic, xchi eb'. Palta 'ix yaln 'a eb' 'ixtic: —May mach tz'ati, xchi.

Salmos 148:4

A satcha'an̈ yet' a a 'ay 'a yib'n̈ satcha'an̈, yal cab' eb' wach' paxti 'a 'a.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Ez 11:24

Xlajw cha, in yi'n pax chan̈ Yespíritu Dios, in yi'n pax cot 'a scal eb' wit israelal 'icha preso yaj 'a Babilonia. A jun tic, 'icha wal waychil xwutj wiln yuj Yespíritu Dios, cojxn tic, man̈x 'a tas xwila.

Ez 43:5

Ax Yespíritu Jehová in 'i'n 'ati, in yi'n 'och 'a 'aj 'ay junx 'amc' 'a yojl 'och cha. Ax xwilni, b'ut'jnacx 'el yol yatut Dios yuj stzictznial.

Lc 24:51

Wanto sc'ann jun cha, 'ix 'ijx 'at 'a satcha'an̈, xcan eb' yu'uj.

Jn 6:56

Tzann̈j eb' 'oj chinc in chib'jal tic, ax yu'n pax eb' in chic'l tic, junxn̈ej tz'ajcn eb' wet'oc. An xo tic, 'ayn 'och pax 'a eb'.

A Tas Sc'ulejnac Eb' Schecab' Jesús Hechos 14:6

Palta xyab' eb' speclal jun xalx 'a spatc cha. Yuj cha, x'at eb' 'eloc. 'Ix c'och eb' 'a chon̈b' Listra yet' 'a Derbe, 'a yol yic Licaonia. 'Ix 'ec' eb' 'a jun tzo'n̈ chon̈b' 'a sla'nil jun lugar cha.

A Tas Sc'ulejnac Eb' Schecab' Jesús Hechos 22:17

Ax yic in japx 'a Jerusalén tic, in 'at leslwoc 'a yatut Dios, palta yic wan in leslwi, 'icha to in waychni.

Ro 16:10

Tzwa'n pax 'at stzatzl sc'ojl cu'tac Apeles. A jun cha, caw chequel to 'aych sc'ojl 'a Cristo. Tzwa'n pax 'at stzatzl sc'ojl eb' yic win Aristóbulo.

Ro 16:3

Tic tzwa't stzatzl sc'ojl canb' Prisca yet' cu'tac Áquila, yujto junn̈j in munlj yet' eb' 'a yic Cristo Jesús.

Ro 16:7

Tzwa'n pax 'at stzatzl sc'ojl Andrónico yet' Junias. To wit chon̈b' in b'a yet' eb', witb'eym pax in b'a yet' eb', yic woch 'a preso yet' eb' 'a jun 'el. Caw 'ay yel'ch eb' 'a qui cal an̈ schecb' on̈ Cristo on̈. Sb'ab'l 'a'jnac 'och eb' sc'ojl 'a Cristo 'ayin.

Ro 16:9

Tzwa'n pax 'at statzl sc'ojl cu'tac Urbano, yujto junn̈j tzmunlj quet'ec 'a yic Cristo Jesús. Tzwa'n pax 'at yic cu'tac Estaquis, yujto chamc'ojlb'il pax wu'uj.

Ro 8:1

A ticnec, an̈ec junxn̈ej cajc yet' Cristo Jesús, man̈x 'ayc 'och yailal 'a quib'n̈ec.

1 Co 1:30

Yujto a on̈ 'i'nec 'och yico'oc Cristo Jesús. Atn sjelnal Cristo tzyac' 'ayn̈ec. Yuj Cristo, tzyalni to wach'n̈ec 'a sat, tzon̈ yi'nec pax 'och Cristo yico'oc. An̈jtona' yujto colchjnacn̈ec xo 'el yu'uj.

2 Co 11:11

¿Tas yuj tzwalb't jun tzo'n̈ tic 'ayx tze na'a? ¿Yuj am may in chamc'ojlal 'ayx ta tze na'a? A Dios 'ojtnac, jantc wal in chamc'ojlal 'ayex.

2 Co 13:5

Caw tze b'eyc'ojlej e b'a junjn ex, sec tzcheclji, toto yel 'aych e c'ojl 'a Cristo. Caw tzeyac' prowal e b'a junjn ex. ¿Tom man̈ eyojcoc, to a Jesucristo 'aych 'ayx junjn ex? Cojn toto man̈ ex creyenteoc 'a yel, to 'ixta', man̈ 'ayc 'och 'ayex.

2 Co 5:17

A mach junxn̈ej tz'aj yet' Cristo, caw tzjelmj snab'en, 'icha to tzcaw 'a'tb'i. A jun tzo'n̈ yichm b'eyb'al, tzlajw can 'eq'ui. C'uxn tzlaj wach' b'ocn smasnil.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

Gl 1:22

Ax eb' 'anma 'a jun tzo'n̈ yiglesia Cristo 'a yol yic Judea, mant in yojcoc eb' ta'.

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

Ef 4:10

Xit'nc 'ejmi, an̈jtona spax q'ue 'a caw satcha'an̈, sec wach' tz'acn yaj 'a smasnil tas.

Dt 10:14

Tzcham wal e nani, chajtlto a Jehová a 'ay yic satcha'an̈ yet' pax jun tzo'n̈ xo tas 'ay 'a 'a, a pax 'ay yic lum lum tic, yet' pax tas 'ay 'a sat lu'um.

1 Ts 4:17

'Oj lajwcn̈ej cha, an̈ec pitzn on̈c to ta', junn̈j 'oj 'aj quijxec chan̈ yet' eb'. Ax qui q'ue'chec 'a scal 'asn 'a snan̈l satcha'an̈, ax qui chanec sjaw Cajlilec ta'. 'Ixta to b'i'an, ax qui canc yet' 'a jun 'ejmn̈ej.

A Ch'an̈ Carta D'a Eb' Hebreo 4:14

'Ay wal jun tz'a'n 'och qui tic 'a Dios, caw niwn yel'chi, atn Jesús Yunnal. A c'ochnc 'a satcha'an̈, 'a caw stz'ey Dios. Yuj cha, yowlal caw te'n tzcutjec ca'n 'och qui c'ojl 'a 'a, yujto a 'a tzcalc qui b'a.

A Ch'an̈ Carta D'a Eb' Hebreo 9:24

Yujto a Cristo, man̈ 'ochncoc 'a yojl jun scajnub' Dios b'ob'il yuj 'anma', yujto a jun cha, yechln̈ej jun caw yel scajnub' Dios. At 'a satcha'an̈, atta 'ochnac. Ax ticnec, 'ayc' 'a yojltac Dios, yic tzya'n 'och qui tic 'a 'a.

Apoc 1:10

Ax 'a jun c'u yic Cajlilec, caw xjaw wal spoder Yespíritu 'ayin. Ax xwab'ni, 'ay jun mach caw 'ip x'awj 'a in patic, 'icha yoc' junc trompeta.

Apoc 12:5

Ax yic x'alj yune 'ix cha, winc 'unin. Atn jun chi 'oj 'a'nc Yajlil 'a yib'n̈ smasnil nacion̈ yet' jun sq'uen c'ococh. Xlajwn̈ej wal yalj muc'uc, x'ijx 'at 'a Dios 'a 'aj 'ay sdespacho.

Apoc 4:2

Yajn̈j cha, xwach' 'och wal spoder Yespíritu Dios 'ayin. 'Ix wiln jun despacho 'a satcha'an̈. Ata 'ay jun mach wocn 'ejmi.