2 Co 12:16 - Chuj San Sebastian Bible

¹⁶ 'Ay jun tzo'n̈ eb', wach'xam yojc eb' to may 'aj xwa'ch in b'a 'a scuenta eb', palta tzyal eb', to caw jeln wutjnac in b'a wa'n ganar ex wixtn paxti'.

Chuj San Mateo Bible

¹⁶ Ay juntzan̈xo eb', vach'chom yojtac eb' to maj vac'och in b'a e cuentaoc, palta syal eb' to tzex vac' musansatil yed' in jelanil yic tzex vac' ganar.

2 Co 12:16 ပူးပေါင်းရင်းမြစ်များ

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

2 Co 11:20

'Ay eb' tzex 'a'n pural, yic tzeya'n servil eb'. Ax jantcn̈ej tas 'ay 'ayex, c'uxn tztoc'c' eb'. Caw tzya'ch sb'a eb' yajlil 'ayex, tzyi'n chan̈ sb'a eb', 'ay 'aj tzpawch eb' scab' 'a e sat, palta ax xo, 'in tzeyac' techjoc 'a eb'.

2 Co 12:13

'Icha wal swach'l tz'ec' wutj in b'a 'a eb' creyente 'a junjn iglesia, 'ixta 'ec' wutjnac in b'a 'ayex. Cojxn to ma'ix wa'ch in b'a eya'n in gasto. Palta caw tzin eyac' niwnc'ojlal yuj jun in mul tic 'ochnc 'ayex.

2 Co 4:2

'Ay jun tzo'n̈ tas tzlaj sb'o eb' 'anma 'a c'ultaquil, caw q'uixweltac. An̈ xo tic on̈, cactjnac can jun tzo'n̈ chi 'a jun 'ejmn̈ej on̈. May junc mach tz'ec' quixtj paxti yuj tas jeln tzcutj caln on̈. May junc comn paxti tzca'ch 'a scal spaxti Dios on̈. Yujto cojn wal jun tzo'n̈ tas yel, an̈j tzcal on̈. 'Ixta tzcutj qui ch'oxn 'el copiso 'a junjn mach 'a sat Dios on̈, sec tztac' snan eb' yet' snab'en tas caj on̈.

2 Co 6:8

'Ay 'aj niwn quel'ch on̈, 'ay 'aj may jac quel'ch on̈. 'Ay 'aj tzon̈ alx wach'l on̈, 'ay 'aj ton̈j tzon̈ b'uchx on̈. 'Ay 'aj ton̈j tzcac' 'es snan eb' on̈, palta yel tas tzcal on̈.

2 Co 7:2

Caw tzeya'ch e nab'en 'ayn̈ on̈, 'in may junc ex 'aj x'och qui mul on̈. May junc ex xjuw 'el e nab'en cuj on̈, may pax junc ex, ex quixtj paxti on̈.

1 Ts 2:3

Caw tojl 'ec' cutjnac caln 'ayx on̈. Man̈ yujoc junc tas tzqui na 'a e patc yuj tas eya'jnac 'ayn̈ on̈, man̈ yujoc ex quixtn paxti', 'ec' calnc 'ayx on̈.

1 Ts 2:5

Eyojtac, man̈toc ton̈j ex 'ec' cob' cal wach'l on̈. Man̈ yujoc ganar tumin 'ec' calnc 'el 'ayx on̈. Tzyil Dios, caw yel tzcal on̈.

A Sb'ab'el Carta San Pedro 2:3

Yujto xeyojquej 'eli, to caw wach' Cajlil 'ayn̈ec.