2 Co 12:1 - Chuj San Sebastian Bible

¹ Nab'a tzwixtj in b'a waln in b'a wach'il. Yel xo wach' tzwalb't 'ayx yuj jun tzo'n̈ 'icha waychil wiljnac, yet' jun tzo'n̈ xo tas ch'oxb'il 'ayn yuj Cajlilec.

Chuj San Mateo Bible

¹ Nab'an̈ej svixtej in b'a valan in b'a vach'il. Más vach' svalb'at d'ayex yuj juntzan̈ icha vayich yed' juntzan̈xo tas sch'oxnac Cajal Jesús d'ayin.

2 Co 12:1 ပူးပေါင်းရင်းမြစ်များ

Ez 11:24

Xlajw cha, in yi'n pax chan̈ Yespíritu Dios, in yi'n pax cot 'a scal eb' wit israelal 'icha preso yaj 'a Babilonia. A jun tic, 'icha wal waychil xwutj wiln yuj Yespíritu Dios, cojxn tic, man̈x 'a tas xwila.

Nm 12:6

'ix yaln 'a eb' 'ixtic: 'Ab'c tas 'oj wal 'ayex: A yic tzwa'n cot junc in checb' 'a e cal, an tzin ch'ox in b'a 'a 'a, tzin paxtin pax 'a 'icha waychil 'a 'a.

Jn 16:7

Palta yel tzwal 'ayex, a yic 'oj in 'ati, yel xo caw wach' eyico'. Toto ma'oj in 'ati, ax jun 'oj jawc colwjoc eyet'oc, ma'oj jawoc. Palta a yic 'oj in 'ati, 'oj in chec cot jun chi 'ayex.

Jn 18:14

Atn win Caifás chi aljnac 'a eb' 'aj Judea cha, to yowlal tzcham jun winc sjelc eb' 'anma smasnil.

A Tas Sc'ulejnac Eb' Schecab' Jesús Hechos 18:9

Ax 'a jun 'ac'wal, 'icha waychil xyutj Cajlil yaln 'a Pablo 'ixtic: —Man̈ ach xiwoc. Man̈ ach 'och wan aln 'el in paxti',

A Tas Sc'ulejnac Eb' Schecab' Jesús Hechos 23:11

Ax 'a jun 'ac'wl cha, 'ix wul sch'oxnc sb'a Cajlilec 'a Pablo cha, 'ix yaln 'ixtc 'a 'a: Pablo, man̈ ach 'och 'il, 'icha xotj aln 'el wab'xil 'a Jerusalén tic, 'ixta 'oj otc aln 'el 'a Roma, xchi Cajlilec 'a 'a.

1 Co 10:23

Tecn 'ayx tzeyal 'ixtic: Libre cajc qui b'on smasnil tas, xe chi. Yel toni libre caji, palta man̈ smojc qui b'onec smasnil. Yel toni, libre qui b'onec smasni tas, palta man̈ smasnilc jun tzo'n̈ chi tz'a'n ste'nal qui nab'enec.

1 Co 14:6

Yuj cha, ex wu'tac, ex wanab', q'uinloc an tzin c'och wal-l jun tzo'n̈ chucchc til chi 'ayx ticnec, ¿tas wal jac swach'l tzeyij cani? Cojn to tzwac' eyojcoc 'el jun tzo'n̈ tas 'ac'b'il 'ayn yuj Dios, jun tzo'n̈ sjelnal, mto tzwal-l spaxti Dios yet' jun tzo'n̈ xo cuynb'il 'ayex, cojn 'ixta', 'ay tas wach' 'oj eyi'cn b'i'an.

1 Co 6:12

Tecn 'ayx wan eyaln 'ixtic: An̈ec tic, libre qui b'onec smasnil tas, xe chi. Yel toni libre on̈ec, palta man̈ smojc qui b'onec smasnil. Wach'xam libre qui b'onec jun tzo'n̈ cha, palta may junc tas 'aj tztac' ca'nec qui b'a 'a 'a, yic tzon̈ ya'nec mandar.

2 Co 12:11

'Icha to man̈ nab'enal waji, yic tzwaln 'at in b'a wach'l 'ayex, palta ax xo in eyac' pural walni. Yujto smoj ax tzin eyal wach'il. 'Ay eb' cob' tzyalch sb'a schecb'oc Cristo si'mb'il. A 'a eb' tzlaj cob' eya'ch e nab'en. Wach'xam may xon jac wel'chi, palta may wal jac yel'ch eb' 'a in sat.

2 Co 12:5

A jun winc cha, an̈j 'oj stac' in b'an̈ni, palta an xo tic, ma'oj in b'an̈ in b'a. 'Ay jun tzo'n̈ tas 'aych 'a wib'an̈, a tzch'oxni, to may wel'chi. An̈j chi 'oj wala', yic tzcob' in b'an̈nc in b'a jab'oc.

2 Co 12:7

A jun tzo'n̈ tas ch'oxb'il 'ayn 'a satchan̈ cha, yel xo wal niwn yel'chi. 'Ay smay in b'an̈n in b'a yu'uj. Yuj cha, 'ay jun yailal 'ajxnac 'ayn yuj win Satanás, sec tzin yixtej. A jun cha, caw lajn 'icha junc niwquil q'uix tztecx 'och 'ayin. 'Ixta 'ajnc in, sec matz in b'an̈ in b'a.

2 Co 12:9

Palta 'ixtc yutj yaln Cajlilec chi 'ayin: A in wach'c'ojlal, colb'iln̈ej 'ayach. Yujto a mach may spoder 'a yol yico', ata tzwach' checlj 'el in poder an tic, xchi 'ayin. Yuj cha, wach'xam may wel'ch an tic, palta caw tzin tzalji, sec tzwach' 'a'j Cristo spoder 'ayin.

2 Co 8:10

Tzwaln 'at 'ayex, yuj tas tzin na yuj jun eyofrenda cha, sec 'oj wach' nachjc 'el eyu'uj. A 'a junb'i, e chajnac 'el yich eya'n eyofrenda, yujto caw x'el 'a e c'ojl eya'ni.

Gl 1:12

Man̈oc 'a junc 'anma chab'il jun 'ab'x tic wu'uj. Man̈oc 'a junc 'anma cuyb'il wu'uj, yujto cojn Jesucristo 'a'jnac wojcoc 'eli.

Gl 2:2

In 'atx ta', yujto sch'oxjnac Dios 'ayin, to yowlal tzin 'ati. A yic in c'och ta', a eb' checl xon yaji, syam sb'a eb' ta sch'ocj wet'oc. Ata waljnac 'a eb', tas wal yaj jun wach' 'ab'x tzwal-l 'a scal eb' man̈ israeloc. 'Ixta wutjnac in b'a, yujto in nib'jnac, man̈ nab'an̈ejc wixtjnac in b'a in munlji.

Ef 3:3

A jun man̈ 'ojcab'ilc xon 'a yic yalan̈, a Dios xch'oxn 'ayin. 'Ix ya'n wojcoc 'eli. Tox xwal jac 'ayx yuj jun tic 'a jun in carta tic.

1 Ts 4:15

A jun tzo'n̈ wan caln 'at 'ayx tic on̈, atn scuynb'il Cajlilec. A 'a yic 'oj jawoc, an̈ec pitzn on̈c to ta', ma'oj qui b'ab'ljec 'a eb' creyente chamnc xo, yujto junn̈j 'oj cajc qui 'at yet' eb'.

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.