2 Co 11:7 - Chuj San Sebastian Bible

⁷ A yic 'ec' walnc 'el wach' 'ab'x yic colnb'il 'a e cal ta', may xon jac tas in c'anjnac 'ayex. 'Ixta wutjnac wi'n 'ejm in b'a, sec caw niwn eyel'chi. Palta, ¿Tom maysch'olnil wutjnac in b'a 'ixta'?

Chuj San Mateo Bible

⁷ Ayic vec' valel vach' ab'ix yic Dios d'a e cal ta', malaj in tojol in c'an d'ayex, yujto a in tic, emnaquil vutej in b'a ta', yic a ex tzex vic'chaan̈. Palta tzeyala' to malaj svach'il vutejnac in b'a ta'.

2 Co 11:7 ပူးပေါင်းရင်းမြစ်များ

A Tas Sc'ulejnac Eb' Schecab' Jesús Hechos 20:33

An tic, may 'aj xin nib'j 'och stumn junc 'anma', yet' pax spichul.

A Tas Sc'ulejnac Eb' Schecab' Jesús Hechos 20:34

'In eyojtac, caw in munlj yet' in c'ab' yuj tas 'ay x'och wu'uj, yet' tas 'ay x'och yuj eb' ajun wet'oc.

Ro 1:1

An Pablo in, an tzin tz'ib'j jun carta tic. An tic ya'mal in servil Jesucristo. A Dios yawtjnacn 'och schecb'oc. Sic'b'iln 'el yu'uj, yic tzwaln 'el wach' 'ab'x yic Dios.

1 Co 9:12

'Ay jun tzo'n̈ xo eb' 'ay yaln yic schan yic 'ayex. Yuj cha, an̈ tic on̈, yel xo wal 'ec'b'al 'ay caln quic 'ayx on̈. Palta wach'xam 'ay caln quic 'ayx on̈, mant 'a jun 'ejmoc qui c'anjnac qui gasto 'ayx on̈. Caw tzcac' techjoc smasnil tas on̈, sec wach' niwn yel'ch yab'xil Cristo 'a 'ajtc tz'ec' cal-l on̈.

1 Co 9:6

¿Tom may waln wic in chan jac colwal yet' Bernabé tic tze na'a? ¿Tom yowlal an̈ja tzin munlji yic tzin sayn jac in gasto? ¿Tom cojn jun tzo'n̈ xo eb' schecb' chi 'ay yaln yic e nani?

2 Co 10:1

A Cristo, caw 'emmquilal yutjnac sb'a, til wal swach'l snab'en. 'Icha yutjnac sb'a cha, 'ixta tzwutj in b'a in tew 'at 'ayx an Pablo in tic. Tzalxi, to caw 'emmquil tzwutj in b'a, yic 'ayn 'ec' eyet'oc, palta ax ab' yic 'ayn 'ec' 'a najat, caw ab' ow in.

2 Co 10:16

'Oj lajwc cha, ax 'at calcn 'el wach' 'ab'x 'a spatquil 'at e chon̈b' chi 'on̈. Palta ma'oj qui' chan̈ qui b'a on̈, yuj smunljel jun tzo'n̈ xo eb' 'e'nc xo ta'.

2 Co 12:13

'Icha wal swach'l tz'ec' wutj in b'a 'a eb' creyente 'a junjn iglesia, 'ixta 'ec' wutjnac in b'a 'ayex. Cojxn to ma'ix wa'ch in b'a eya'n in gasto. Palta caw tzin eyac' niwnc'ojlal yuj jun in mul tic 'ochnc 'ayex.

2 Co 2:12

A yic in c'och 'a chon̈b' Troas, waln 'el yab'xil Cristo, caw coln in munlj 'a yic Cajlil ta'.

1 Ts 2:9

Ex wu'tac, ex wanab', tecn tze na coti, chajtl 'ec' cutjnac qui munlj 'a e cal on̈. Caw xcac' 'ip qui munlj on̈. Yic 'ec' calnc 'el wach' 'ab'x yic Dios 'ayx on̈, sc'ual yac'wlil munljnacn̈ pax yuj qui gasto on̈. 'Ixta 'e'nc on̈ ta 'on̈, yujto qui nib'jnac on̈, may mach tz'ab'n syal ya'n qui gasto ta 'on̈.

2 Ts 3:8

Eyojtac, may 'aj qui c'anjnac wa qui b'a 'ayx 'a nab'an̈ej on̈. Palta sc'ual yac'wlil on̈ munlj 'a e cal on̈. Caw ca'jnac 'ip qui munlj on̈, yujto qui nib'jnac on̈, may mach tz'ab'n syal ya'n qui gasto ta 'on̈.