2 Co 11:31 - Chuj San Sebastian Bible

³¹ A Dios, atn Smam Cajlil Jesús, smasnil tiempo smoj tzalx wach' paxti 'a 'a. A 'ojtnac, chajtlto caw yel tzwala.

Chuj San Mateo Bible

³¹ A Dios, aton Smam Cajal Jesucristo, smoj tz'alji vach' lolonel d'ay d'a masanil tiempo. A ojtannac to te yel svala'.

2 Co 11:31 ပူးပေါင်းရင်းမြစ်များ

Nehemías 9:5

atn Josué yet' Cadmiel, Binuy, Hasabnías, Serebías, Hodías, Sebanías, yet' Petahías, 'ix yaln eb' 'ixtic: Q'uen̈ec wa'an, calc wach' paxti 'a Jehová qui Diosalec 'a smasnil tiempo. Qui b'itquec sb'i yuj calnec wach' paxti 'a 'a, wach'xam matz q'ue'ch qui b'inanec sb'i 'a 'icha wal smoj sb'inaxi, xchi eb'.

Salmos 41:13

¡Alx cab' wach' paxti 'a Jehová, atn qui Diosal an̈ israel on̈c tic, ticnec yet' 'a smasnil tiempo! 'Ixta cab' tz'aji.

Jn 10:30

An tic, caw lajn in yet' qui Mam Dios, yujto junn̈j 'anmal waj yet'oc, xchi Jesús 'a eb' 'aj Judea cha.

Jn 20:17

—Man̈ in a yama', yujto mantzac in pax q'ue 'a 'aj 'ay in Mam. Palta 'ixic, 'at al 'a eb' wu'tac, yet' 'a eb' wanb' smasnil, chajtlto 'oj in pax q'ue 'a 'aj 'ay in Mam. A in Mam cha, e Mam pax wet'oc. A in Diosal, e Diosal pax wet'oc, xchi Jesús 'a 'ix.

Ro 1:25

yujto ma'ix ya'ch eb' sc'ojl 'a spaxti Dios caw yel. Ax ticnec, ax 'a jun tzo'n̈ 'es 'aj tzlaj ya'ch eb' sc'ojol. Ax 'a jun tzo'n̈ tas b'ob'il yuj Dios, ata tzyal sb'a eb', ata tzlaj yac' 'ejm sb'a eb'. Ax 'a Dios, matz yal sb'a eb'. Palta smasnil tiempo, smoj tzcalc wach' paxti 'a 'a. 'Ixta cab' tz'aji.

Ro 1:9

An tic, tzwac' servil Dios 'a smasnil in c'ojol, tzwaln 'el yab'xil Yunnal. Tzyil Dios, to a yic tzin leslwi 'a junjn 'ejem, tzin leslwi pax eyu'uj.

Ro 15:6

Sec wach' junxn̈ej 'oj 'aj e nab'en, junxn̈ej 'oj eyutc eyaln wach' paxti 'a Dios, atn 'a Smam Cajlil Jesucristo.

Ro 9:1

A jun tzo'n̈ 'oj walb't 'ayx tic, caw yel tzwala, yujto 'aych in c'ojl 'a Cristo eyet'oc. Caw man̈ 'esc jun tzo'n̈ 'oj wal tic. A jun in nab'en tzin 'a'n cuenta tic, a tzch'oxni to yel jun tzo'n̈ tic 'oj walb't 'ayex, yujto a Yespíritu Dios tz'a'n mandar in nab'en tic.

Ro 9:5

A jun tzo'n̈ ewin niwn yel'ch 'a sat Dios 'a pecti', atn ewin yin̈tl can smam yichm eb'. A Cristo 'ochnc yit chon̈b'oc eb', yic wul ya'nc 'och sb'a 'anma'il. A Cristo tic, Dios, Yajl yaj 'a yib'n̈ smasnil tas. Smasnil tiempo 'oj alxoc wach' paxti 'a 'a. 'Ixta cab' tz'aji.

2 Co 1:23

Palta tzin nib'j ma'ix 'och e cusc'ojlal wu'uj, yuj cha, mant 'ic in 'e'x 'ayx 'a Corinto cha. Caw yel tzwala, tzyil Dios, yujto caw yojc tas 'ayc' 'a in nab'en.

2 Co 1:3

Calc wach' paxti 'a Dios, atn 'a Smam Cajlil Jesucristo. Qui Mamc paxi, yuj cha, caw tz'o'ch sc'ojl 'ayn̈ec. Caw tzyac' sniwnal qui c'ojlec, yujto qui Diosalec.

2 Co 11:11

¿Tas yuj tzwalb't jun tzo'n̈ tic 'ayx tze na'a? ¿Yuj am may in chamc'ojlal 'ayx ta tze na'a? A Dios 'ojtnac, jantc wal in chamc'ojlal 'ayex.

Gl 1:20

A 'a sat Dios tzwaln 'at 'ayex, caw yel jun tzwal tic.

Ef 1:3

Calc wach' paxti 'a qui Mam Dios, atn 'a Smam Cajlil Jesucristo. C'uxn xyac' jun tzo'n̈ wach'l yic Espíritu 'ayn̈ec, atn jun tzo'n̈ yic satcha'an̈, yujto junxn̈ej cajc yet' Cristo ticnec.

Ef 3:14

Yuj cha, tzin 'em cumn 'a yojltac Dios, [atn 'a Smam Cajlil Jesucristo.]

A Scarta San Pablo D'a Eb' Aj Colosas 1:3

A yic tzon̈ leslwi 'a junjn 'ejm eyu'uj, tzcac' yuj diosal 'a Dios eyuj on̈, atn 'a Smam Cajlil Jesucristo.

1 Ts 2:5

Eyojtac, man̈toc ton̈j ex 'ec' cob' cal wach'l on̈. Man̈ yujoc ganar tumin 'ec' calnc 'el 'ayx on̈. Tzyil Dios, caw yel tzcal on̈.

1 Ti 1:11

A jun cuynb'il caw yel tic, atn jun wach' 'ab'x ya'jnac Dios 'ayin, yic tzwaln 'eli. A jun wach' 'ab'x tic, caw niwn yel'chi. A tzaln yab'xil Dios, atn jun caw tzaljc'ojlaln̈ej yaji.

1 Ti 1:17

A Dios, Rey 'a smasnil tiempo. May b'a'n̈ tzchami. May junc mach tztac' yilni. Cojxn jun Dios tic, may junc xo. [Cojn 'ojtnac smasnil tas.] Caw niwn cab' yel'ch 'a qui sat. Smasnil cab' tiempo, cal wach' paxti 'a 'a. 'Ixta cab' tz'aji.

1 Ti 6:16

Dios chi may b'a'n̈ tzchami. Sacq'uinl 'aj 'ay. May junc mach tztac' sc'och 'a stz'ey. May xon junc mach tz'iln Dios, yujto may mach tztac' yilni. Caw niwn cab' yel'ch Dios 'a qui sat. 'Ay spoder 'a smasnil tiempo. 'Ixta cab' tz'aji.

A Sb'ab'el Carta San Pedro 1:3

Calc wach' paxti 'a Dios, atn 'a Smam Cajlil Jesucristo, yujto caw x'o'ch sc'ojl 'ayn̈ec. On̈ ya'nec 'aljoc pax 'a scha'ejmal, yujn̈ej to pitzwnac pax Jesucristo 'a scal eb' chamnac. Yuj cha, caw tzca'c 'och yipc qui c'ojol, to a 'oj 'a'nc qui q'uinlec.