2 Co 11:29 - Chuj San Sebastian Bible

²⁹ Toto 'ay eb' mant 'a ste'nal, caw tzin 'och 'il yuj eb', 'icha to may in te'nal yet' eb'. Toto 'ay eb' tz'ajx juwc 'el snab'en, caw tzwab' syal si'mb'il yuj eb'.

Chuj San Mateo Bible

²⁹ Tato ay eb' creyente manto tec'anoc, ichato mantalaj in tec'anil yed' eb'. Tato ay junoc eb' tz'ac'ji telvoc d'a junoc chucal, tzin q'uixvi yuj eb', scot voval.

2 Co 11:29 ပူးပေါင်းရင်းမြစ်များ

Mt 11:6

Yuj cha, a eb' matz somchj 'el snab'en wu'uj, caw wach' yic eb'. 'Ixta tzeyutj eyaln 'a Juan chi e c'ochi, xchi Jesús 'a eb'.

Jn 2:17

Ax eb' scuywum, 'ix snan cot eb' tas tzyal 'a Ch'an̈ U'un̈, 'a 'aj tzyal 'ixtic: Caw pitz'n 'och 'a in c'ojl in ya'iln atut, xchi.

Ro 12:15

A mach tzalji, tzalj coyc yet'oc. Ax mach tzcusi, cus coyc pax yet'oc.

Ro 15:1

An̈ec tic, te'n on̈c xo 'a yic Dios, yujto tznachj 'el cujec, to may yowlal jun tzo'n̈ cha. Palta 'ay eb' mant 'a ste'nal, tzxiw eb' yu'uj. Yuj cha, yowlal tzca'c techjoc tas tzna eb', sec matz somchj 'el eb' cujec. Matz tac' qui comn b'onec 'icha tzqui nib'ej.

1 Co 11:22

¿Tom may eyatut junjn ex, 'aj tztac' tzex wacni, tzeyu'n can tas ta'? A yic tze b'on jun tzo'n̈ cha, ax eb' eyit creyenteal, tze patquilj can 'el eb', palta yiglesia Dios pax yaj eb' eyet'oc. A eb' 'ixta tzeyutj cha, may tas tzc'ux eb' eyet'oc. Yuj cha, ton̈j tzeyac' q'uixwc can 'el eb'. ¿Tasm tze na'a? ¿Tom 'oj stac' ex waln wach'l yuj jun e b'eyb'al cha? Caw matz tac'a.

1 Co 12:26

Q'uinloc 'ay junc eb' tzyab' syail, tzyab' syal pax smasnil yet'oc. Toto 'ay pax junc tzaljc'ojlal yaji, tzaljc'ojlal yaj eb' smasnil yet'oc.

1 Co 15:36

Toto 'ayx 'oj e c'anb'c 'ixta', mant 'a e nab'en. Q'uinloc 'ay junc 'in̈t ticnec, toto matz cawej, ¿tas 'oj 'aj scomn paq'ui? A yic tzcawni, 'icha to tzcham tzquila.

1 Co 8:13

Yuj cha, q'uinloc 'ay junc mach 'oj juwc snab'en yuj tas tzin c'uxu. To 'ixta', yel xo am wach' man̈x 'a chib'j 'oj in chi', sec wach' may junc eb' 'oj juwc 'el snab'en wu'uj.

1 Co 8:9

Wach'xam libre cajc qui c'uxn smasnil tas, palta 'ay smay tzjuw 'el eb' mant 'a ste'nal 'a screyenteal cujec. Yuj cha, yowlal tzca'c cuenta qui b'a.

1 Co 9:22

Ax yic 'ayn 'ec' 'a scal eb' mant 'a ste'nal 'a screyenteal, lajn tzwutj in b'a yet' eb'. 'Icha to mant 'a in te'nal jun xo, sec 'ay eb' tzmontchj wu'uj. Tzann̈j eb' 'aj tzin 'eq'ui, lajnn̈ej tzwutj in b'a yet' eb' smasnil, sec toq'ue 'ay eb' 'oj colchjoc can 'el wu'uj.

2 Co 13:9

Yuj cha, wach'xam may wal quel'ch on̈, palta tzon̈ tzaljn̈ej on̈, sec tzwach' 'och e te'nal. An̈jtona', 'oj qui leslwi pax eyuj on̈, sec 'oj swach' b'oc e nab'en.

Gl 2:14

Palta ax yic wiln an tic, to man̈ tojloc yutjnac sb'a eb' 'icha tzyal jun wach' 'ab'x caw yel, waljnac 'ixtc 'a Pedro 'a sat eb' creyente smasnil: Ach tic, israel ach wet'oc, palta 'in lajn a b'eyb'al yet' eb' man̈ israeloc. Man̈ 'ichaoc sb'eyb'al eb' quit israelal tzotj a b'a. Yuj cha, ¿tas yuj tza nib'j tzac' pural eb' man̈ israeloc, sec lajn tzyutj eb' sb'eyb'al yet' eb' quit israelal cha? xin chi 'a 'a.

Gl 6:2

Caw tzlaj e coltc e b'a, sec 'oj laj techjoc syal eyuj e masnil. Toto 'ixta', wan eyiclni sley Cristo smasnil.

Apoc 2:2

Wojtac, jantcn̈ej tas tze b'o'o. Wojtac, caw yelc'ojlal tzex munlji, caw niwn tzeyutj e c'ojol. Ax eb' maysch'olnil, caw matz e chaj 'och eb' 'a e cal. Wojc paxi, xlaj eya'lj prowal eb' tzcob' yalch sb'a in checb'oc. 'Ix 'ilchj 'el eb' eyu'uj, chajtlto yes eb'.

Apoc 2:20

Palta 'ay wal jab' in c'ojloc 'ayex. Yujto tze chaj 'och 'ix Jezabel 'a e cal. A jun 'ix cha, tzcob' yalch sb'a schecb'oc Dios, palta ton̈j tzyixtj paxti 'ix eb' tzin 'a'n servil. Yujto a tz'a'n sc'ojloc eb', sec tzb'o eb' 'ajmulal, tzchin pax eb' jun tzo'n̈ xajmb'al tz'ajx 'a jun tzo'n̈ tzalx 'och diosal.